Apokalis 15:3 - MEY HAYNA WAYNA MA YEZU KRISTE MA MEVEY

³ A kəlam walay ma Moyiz, gawla ma 'ay ma Bay ma Bəla, ta walay ma Bəzey təɓaŋ: «Mber a ɗek hay na ɗuhw hiya, a rəzlam ndaw, Bay’ərlam Bay ma bəla ma slafa tabiyaha na. Dzerey ahiya, dərka ahiya na tsəveɗ a ɗek hay, Bay ɗuhwa na ma ndaw ma dala hay.

Apokalis 15:3 Iomraidhean Croise

Mey Hayna Wayna ma Yezu Kriste Zaŋ 1:17

Haɗaw ma vəlawa Mewey na Moyiz na, hahaya ta dərka na, a səmawa na ta har ma Yezu Kriste.

1 Timotey 1:17

A Bay ɗuhwa na ma kwoza ha, a Bay ma Bəla me memətsey tikay ana, me nəkey kakay ana, ŋga asləta na, me hasəkey bəzay ta me wezley dey ma vəla ma ŋga da mevey temere, da mevey temere. Amen!

Ebrew 3:5

Arka Moyiz na, ma ndzafawa slam har ka ndaw ma gedzek aŋga hay tabiyaha, andza gawla ma 'ay aha, ma guma na ma da tsam ka mey ana na, ka da key na kalkal andza na ma tsa ha na.

Apokalis 1:8

Bay’ərlam Bay ma Bəla a ləvey: Yah na Alfa ta Omega, Ndaw ŋga daha ekəɗey ana, ŋga daha zla ekəɗey kakay ana, Ndaw ma da sawa ka mey ana, Ndaw ma slafa tabiyaha na.

Apokalis 11:17

ta me ləvey aha kava: «La madəmaka sise Bay’ərlam Bay ma Bəla ma slafa tabiyaha na, kah daha zla ekəɗey kakay na, hərway kah ka ɓada ɗuhwa ma ma slafa ɗek, kah ka ləmada Slala ɗek ba.

Apokalis 14:3

A kəlam aha walay waya ha ka mey 'ərdey ma koriwal ma bay ana, ka mey 'ərdey ma gənaw ana hay faɗ ana, ta ndaw ma səka na hay. Kwa ndaw a slafa ma tatəka walay ana kakay, dakay na sey ndaw ana hay gabal temere ta kokurow faɗ kava faɗ ana hay, na ma mbəɗəmatərawa ka dala na hay.

Apokalis 14:8

Arka madurlam mekelehe me tsetsew ana a səpa ha, a ləvey: «Ŋga ka təɗey tsoy, ŋga ka təɗey tsoy, Babiloŋ wuraw ana ɗuhwa na, ŋga ma sadata zom ta ndaw ma dala hay tabiya ha, zom me seweɗ, ma bordel aŋga na»

Apokalis 17:14

A da kam vərom ta bəzey təɓaŋ, amana bəzey təɓaŋ a da zəgafata 'ar ma sleɗ ba, hərway ŋga na, Bay’ərlam ma bay hay, Bay ɗuhwa na ma bay ɗuhwa na hay. Arka andza ŋga na, ndaw ma zəla na hay, ndaw ma gaɗəma na hay, ta ndaw ma tsənamar sləmay ana hay a da zəgama 'ar ma sleɗ tiyatsa.»

Apokalis 19:16

Ka zana ma memeɗ aŋga na, ka tuwal aŋga na na, mezəley ma winda ha kava: Bay ɗuhwa na ma bay ɗuhwa na hay, Bay’ərlam ma bay hay.

Apokalis 19:2

Hərway sariya ŋga hay na dərka na, dzerey ahiya, ŋga ka kadara sariya ma bordel ana ŋga na ɗuhwa na ba, hərway ka zləgada dala ba, ta bordel aŋga na, ŋga ma madara gandaf aŋga, hərway ma mambaz ma gawla ma 'ay ŋga hay.

Apokalis 4:8

Gənaw ana hana faɗ ana hay na, ta gurɓasla ahiya mukwa mukwa, dey hay tabiyaha ma tsəɓa hiya teleleview ta hwaɗ ana, dəvaɗ ta rəpas adzay na, a mətsamar har ma tələkey mey kakay, a ləvam: «Kokwoɗ, kokwoɗ, kokwoɗ, Bay’ərlam Bay ma Bəla ma slafa tabiyaha na, Ndaw na ŋga daha zla ekəɗey kakay ana, ŋga daha ekəɗey ana, ma da sawa na!»