Apokalis 13:4 - MEY HAYNA WAYNA MA YEZU KRISTE MA MEVEY

⁴ Ma namar dəba a zezekw ana, hərway ŋga ka vəladara gədaŋ aŋga ba a gənaw ana. Arka ma namar dəba a gənaw ana ta me ləvey aha: «Ma slafa me wey ta gənaw ana na, way? Arka ma da slafa me kəɗey vaw ta ŋga na way?»

Apokalis 13:4 Iomraidhean Croise

2 Korintieŋ 4:4

ma ndaw me pey 'ar kakay na hay, na 'ərlam ma bəla neney ma waləfadatara me sərey tek ata ba, ma aza ka da nəkadama me wuɗey dey ma Mey Wayna ma maram ma Kriste na zlay, ŋga na, mey 'ərdey ma Bay ma Bəla.

2 Tesalonisieŋ 2:4

Ŋga me lətsey 'ar, ma kar vərom a tek ana ma zəlamar 'ərlam ana, dakay na, na ma namar dəba na, ha ŋga na ta 'ar aŋga na ma ndzey da 'Ay me key Kuley ma Bay ma Bəla, arka ŋga me tələkey mey, waya ŋga na Bay ma Bəla.

Apokalis 12:3

Arka zeheɗ mekelehe me nəkey da 'ərlam sa: ŋga tey na zezekw ma tek ana ɗuhwa ha, a nəkey gagazaha andza waw. 'Ar aŋga na hay tsəla ta dərom ahiya kurow, arka ka 'ar ana hay tsəla na na, zlembetse hay tsəla.

Apokalis 12:4

Welek aŋga na a kwarsatərawa diya ma makar ana ma wurzla ma 'ərlam hay, ma kuyadatərawa ka dala. Zezekw ana me lətsey ka mey dey ma ŋgwas ana hana na, ma da yey bəzey ana, ma aza ka da yərawa wawa na ba tsana, ka pəɗa ba.

Apokalis 13:11

Arka i ma nəkada gənaw mekelehe a tsəlawa ha da tsəvay. Dərom aŋga hay tsew andza ma bəzey təɓaŋ, ama a tsey guma na andza zezekw.

Apokalis 13:15

Ma vəlamar gədaŋ, ma vəlamar mesəfrey a mey 'ərdey ma gənaw ana hana na, ma ləma ha ta har ana, ha a tsey guma, arka na a slafa me kəɗey ndaw vagay aha, kwa way way me wuɗey ma nar dəba a mey 'ərdey ma gənaw ana hana na kakay ana.

Apokalis 13:2

Gənaw ana i ma nəkada na na, a nəkey andza dəvar, sek aŋga na na, andza ma wulav, mey ŋga na na, andza ma mabar. Arka zezekw ana hana ma vəladara gədaŋ aŋga, ta koriwal ma bay ŋga ta me wey ma bay ŋga ɗuhwa na.

Apokalis 17:14

A da kam vərom ta bəzey təɓaŋ, amana bəzey təɓaŋ a da zəgafata 'ar ma sleɗ ba, hərway ŋga na, Bay’ərlam ma bay hay, Bay ɗuhwa na ma bay ɗuhwa na hay. Arka andza ŋga na, ndaw ma zəla na hay, ndaw ma gaɗəma na hay, ta ndaw ma tsənamar sləmay ana hay a da zəgama 'ar ma sleɗ tiyatsa.»

Apokalis 18:18

Andza taya ma nəkadama geŋges ma me təɓey ŋga na na, a wudam: Wuraw waray, me wey ta wuraw a neney ɗuhwa na na?

Apokalis 9:20

Arka na sa ma ndaw ana ma zəmawa na, na ka mətsam ta magədama ma tek a neney hay kakay ana hay na, ka mbəɗadama mendzey ma tek ata na ma kam ta har ata na hay kakay, taya re kava a nəmatar aha dəba a fakalaw hay, a ’ərlam ma ndəra ahiya ta gura na hay, ta ɓərey ma sulay ana hay, ta ɓərey gagaza na, ta ŋgwa, dakay na ta tuwaw ana hay ma slafama ma nəkadama dey kakay ana, kwa ma tsənadama sləmay kakay, kwa ma slafa me heley kakay ana hay na.