Apokalis 13:12 - MEY HAYNA WAYNA MA YEZU KRISTE MA MEVEY

¹² Gədaŋ ma gənaw ana hana na tsəfəmey ana na, a key na ka slam dey ŋga. A təkar ɗay a dala, ta ndaw aŋga hay ka namar dəba a gənaw aŋga na tsəfəmey ana, ta mbəlek ma gwuiyza ha yawa a mətsada ma ndeley təŋga na.

Apokalis 13:12 Iomraidhean Croise

2 Tesalonisieŋ 2:4

Ŋga me lətsey 'ar, ma kar vərom a tek ana ma zəlamar 'ərlam ana, dakay na, na ma namar dəba na, ha ŋga na ta 'ar aŋga na ma ndzey da 'Ay me key Kuley ma Bay ma Bəla, arka ŋga me tələkey mey, waya ŋga na Bay ma Bəla.

Apokalis 13:2

Gənaw ana i ma nəkada na na, a nəkey andza dəvar, sek aŋga na na, andza ma wulav, mey ŋga na na, andza ma mabar. Arka zezekw ana hana ma vəladara gədaŋ aŋga, ta koriwal ma bay ŋga ta me wey ma bay ŋga ɗuhwa na.

Apokalis 13:8

Ndaw a hay tabiyaha ka dala na hay a da namar dəba, mendzey ma ndaw a hay tabiyaha na mezəley ta ma winda ahiya zla da mezley ma bəla da ɗeriwel ma mendzey ma bəzey təɓaŋ ma təza na kakay ana hay.

Apokalis 14:11

Ndaw ana hay ma namar dəba a gənaw ana ta mey 'ərdey ŋga na, andza kwa way way ma ndzefey zeheɗ ma mezəley ŋga na, ma sesəkey vaw ta na daha tikay, ka key na rəpas dəvaɗ ana. Geŋges ma banay ta na a dərzey aha na, ka mevey temere ka mevey temere.

Apokalis 14:9

Arka mekelehe sa, madurlam ma makar ana, ma səpata me ləvey ta magala ha: «Haɗaw ndaw ana ka nar dəba a gənaw ana, a mey 'ərdey ŋga na, haɗaw ka ndzefey zeheɗ aŋga ka 'ərdey dakay ka har na, ŋga na tiyatsa na,

Apokalis 16:2

Arka na tsəfəmey ana ma daway ma batəkwada vəliyem aŋga ka dala; arka mehəsley ma tek ana ndaw a sərada sidem aŋga na kakay, a tsey bəza kakay, ma həslatar a ndaw na ta zeheɗ ma gənaw ana hay, ta ndaw ma namar dəba a mey 'ərdey ŋga na ma ndəra ha na.

Apokalis 17:8

Gənaw ana kah ma nəkada na ha na na, ka key ba daha dərka na, ama ekəɗey na ŋga dasakay. A da bawa da babaŋ tsəvay, a da daway a me zəɗey. Arka ndaw ma dala hay, na mezəley ta ma winda ahiya da ɗeriwel ma mendzey kakay, zla da mezley ma bəla ana hay na, a da rəzlata andza a da nəkadama gənaw ana na, hərway ŋga ka key ba daha, ŋga dasakay, amana, a da mawa.

Apokalis 19:20

Ma zəgama gənaw ana ba andza ndaw sek maləwaɗay ana. Ŋga, ta hila ŋga na hay me key ka slam dey ma gənaw ana na, ma pafata wuiya ka ndaw ma ndzafam zeheɗ ma gənaw ana, ma namar dəba a mey ərdey ŋga na hay. Tsetsuwe ta ahiya na, ma kuyadəmata ta dey a bəlay ma waw ma lahaɗa ha ka vaw ta burəhway ma dəlɓey ndaw na.

Apokalis 20:4

Arka i ma nəkadata koriwal ma bay hay, a ndaw ma səmawa ma da ndzam a huɗa na hay na, ma vələmatar slam har me key sariya. Arka satsa na, i ma nəkadata mezek ma ndaw ana hay ma sləmatara ɗay, hərway ma seydewe ma Yezu ta guma ma Bay ma Bəla ana hay, ta na ma ndaw ka namar dəba a gənaw ana, ta mey dey ŋga na tikay ana hay, kwa ka ndzafam zeheɗ aŋga na ka 'ərdey, kwa ka har tikay ana hay. Taya ma mbələmawa, arka taya ma kam bay andza Kriste da mevey gabal.