Apokalis 13:10 - MEY HAYNA WAYNA MA YEZU KRISTE MA MEVEY

¹⁰ Ndaw ana ma ya ha ba a da zəgama beke ha na, a da daw ba a slam ma beke na təŋga. Ndaw ana ma ya ha ba a da slakama ta sleɗ ma tsakay na, a da mətsey na ta sleɗ ma tsakay təŋga. Neney na har ma matandəroŋ ta me pey 'ar ma ndaw kokwaɗ ana hay.

Apokalis 13:10 Iomraidhean Croise

Matiyew 26:52

Arka Yezu na, ma ləvar: «Mada sleɗ ma tsakay ɗek a 'ay ŋga, hərway ndaw me zəgey sleɗ ma tsakay na hay tabiya ha na, a da zəɗam na ta sleɗ ma tsakay ana tiyatsa.

Matiyew 7:2

Hərway sariya kwar ana, ma kafəmata ka ndaw hay ana na, a da kafəmakwar na andza ha tey. Gwada kwar ma wadəmatara tek a ndaw hay ana na, a da wadəmakwar da huɗa tey.

Mey Hayna Wayna ma Bay Yezu Kriste Luk 21:19

Ka da ndzafama mendzey na, ta matanduroŋ a kwar.

Kolosieŋ 1:11

Ka da ndzafam gədaŋ da tek hay tabiyaha, ta gədaŋ ma maram aŋga, kəɗey tok na, a da kəsadakwar, a da səmadakwar me ɓəsey tek me həley suwet ana.

Ebrew 6:12

Gədaŋ a kwar ana me key ana na, ka mətsakwar har zlay, amana, tsam dey ka ndaw ma pam 'ar ana hay, ta ndaw ma kam matandəroŋ ana hay, ma da ndzafam ma da zəmey tek ma ma tsəmawa kava na.

Apokalis 1:9

Yah Zaŋ malam a kwar, mandala kwar da suwet, da Slala ma Bay’ərlam sa tsa, da matanduroŋ da Yezu, i ma ndza ha da dala ma ɗawala ha ta yam ana da Patmos, kavəday ma guma ma Bay ma Bəla ta me key seydewe ma Yezu.

Apokalis 11:18

ndaw ma dala hay mevel a tsatar, ama ma sawa na, mevel a ɗek ana ma tsaka na. Na ŋga na na, har ma da key sariya ma ndaw ma mətsa na hay, ta har ma da təɓey masa ma gawla ma 'ay ɗek hay ndaw sek hay, ndaw kokwoɗ ana hay, ta ndaw ma wasadama ta mezəley ɗek ana hay, bəza hay ta ndaw ɗuhwa na hay, har me bezley ndaw ma mbəzladama dala na hay.»

Apokalis 14:12

Neney na har ma matandroŋ ma ndaw kokwaɗ ana hay, na ma wafama vaw ka mey ma mewey ma Bay ma Bəla, ta me pey 'ar ka Yezu.

Apokalis 16:6

Hərway ka mbəɗadəmatərawa mambaz ma ndaw kokwaɗ ana hay, ta na ma ndaw sek hay ba, ekəɗey sa tey na, ka da vəlatar ka sam na mambaz ana tiyatsa na, kah ka kadatara ba kassla!»

Apokalis 17:11

Gənaw ana zlekete ŋga daha, ekəɗey ŋga dasakay ana na, ŋga na bay ma tsakar ana, ŋga ma mbəsla ha da dey ma neney tsəla na hay, a daway na a me zəɗey.

Apokalis 17:8

Gənaw ana kah ma nəkada na ha na na, ka key ba daha dərka na, ama ekəɗey na ŋga dasakay. A da bawa da babaŋ tsəvay, a da daway a me zəɗey. Arka ndaw ma dala hay, na mezəley ta ma winda ahiya da ɗeriwel ma mendzey kakay, zla da mezley ma bəla ana hay na, a da rəzlata andza a da nəkadama gənaw ana na, hərway ŋga ka key ba daha, ŋga dasakay, amana, a da mawa.

Apokalis 2:19

I sərada tek eɗek me key ana hay, ma wuɗa vaw ɗek, me pey 'ar eɗek, meslərey ɗek, matanduroŋ eɗek, tek aɗek me key madakwaydok ana na, a fənata na tsəfəmey ana hay.

Apokalis 2:2

«I səradata meslərey ɗek me key hayna hay, mber eɗek ta matandəroŋ eɗek, arka na ka slafa ma wuɗafa dey ka ndaw seweɗ kakay. Ndaw ma təradama vaw ta, ka ləva taya maslaŋ ahiya na hay, azlakwa zlay ana, kah ka həladatara suwet ata na ba, arka ka da ndzafata na ndaw maləwaɗay ahiya.

Apokalis 3:10

Hərway kah ka zəgada guma ɗaw ba ta mataŋduroŋ aha sana, yah ana tiyatsa na, i da wafaka vaw ta pas ma suwet, na ma da sawa ka ndaw hay ka bəla tabiyaha na, arka a da həladatara suwet ma ndaw ma dala hay tabiyaha.

Apokalis 3:3

Sərafa ka tek eɗek me ndzefey, ma tsənadərawa na, wafa vaw, arka na, mbəɗada mendzey ɗek. Haɗaw kah ma ndza ha tsekerkerre kakay na, i da daɓa na andza ma ndaw mahal, mandzara kah ka sərafa, i da daɓa ma ndzafaka na, da har ana ha sərey ka vaw kakay ana.