Apokalis 12:3 - MEY HAYNA WAYNA MA YEZU KRISTE MA MEVEY

³ Arka zeheɗ mekelehe me nəkey da 'ərlam sa: ŋga tey na zezekw ma tek ana ɗuhwa ha, a nəkey gagazaha andza waw. 'Ar aŋga na hay tsəla ta dərom ahiya kurow, arka ka 'ar ana hay tsəla na na, zlembetse hay tsəla.

Apokalis 12:3 Iomraidhean Croise

Apokalis 12:1

Zeheɗ me nəkey ɗuhwa ha da 'ərlam, ŋgwas ma kəla pas aha ka vaw, sek ma paha ka kiya, 'ar aŋga ma vaha ha da wurzla hay kurow kava tsew.

Apokalis 12:13

Andza zezekw ana ma nəkada ka kəladəmərawa tsoy ka dala na, ŋga na ɓa a bəzay ma ŋgwas ana hana, ma yawa bəzey mawal aha na.

Apokalis 12:17

Da mevel aŋga ma tsar ka ŋgwas ana hana na, govaŋ ana hana ma mbəɗada vərom ana ka sa ma bəzey ma hwoɗ ma ŋgwas ana hay, ndaw ma tsənamatar sləmay a mey ma mewey ma Bay ma Bəla ana hay, ta na ma mbəɗamar sler a seydewe ma Yezu kakay ana hay.

Apokalis 12:4

Welek aŋga na a kwarsatərawa diya ma makar ana ma wurzla ma 'ərlam hay, ma kuyadatərawa ka dala. Zezekw ana me lətsey ka mey dey ma ŋgwas ana hana na, ma da yey bəzey ana, ma aza ka da yərawa wawa na ba tsana, ka pəɗa ba.

Apokalis 12:7

Arka na me kəɗey vaw ka key da 'ərlam: Mikayiel ta madurlam aŋga hay ma kəɗam vaw ta zezekw a hana na, zezekw ana hana tiyatsa ma kam ka vaw ta, ta madurlam aŋga hay,

Apokalis 12:9

Ma pəmərawa teker a zezekw ana ɗuhwa ha na ka dala, ŋga na govaŋ a zlezle na, na ma zəlamar fakalaw, dakay na Sataŋ ana. Ndaw me pey wuiya ka bəla gədem ana. Ma kəladəmərawa ka dala ta madurlam aŋga hay dzay.

Apokalis 13:1

Arka i ma nəkada gənaw ana daha a tsəlawa ha da bəlay ta dərom ahiya kurow, ta 'ar hay tsəla. Ka dərom aŋga na hay na, zlembetse hay kurow, arka ka 'ar ana hay na, mezəley me tseɗey Bay'ərlam hay kava.

Apokalis 13:2

Gənaw ana i ma nəkada na na, a nəkey andza dəvar, sek aŋga na na, andza ma wulav, mey ŋga na na, andza ma mabar. Arka zezekw ana hana ma vəladara gədaŋ aŋga, ta koriwal ma bay ŋga ta me wey ma bay ŋga ɗuhwa na.

Apokalis 13:4

Ma namar dəba a zezekw ana, hərway ŋga ka vəladara gədaŋ aŋga ba a gənaw ana. Arka ma namar dəba a gənaw ana ta me ləvey aha: «Ma slafa me wey ta gənaw ana na, way? Arka ma da slafa me kəɗey vaw ta ŋga na way?»

Apokalis 15:1

Arka i ma nəkada zeheɗ mekelehe da 'ərlam ɗuhwa ha, a rəzley ndaw: madurlam hay tsəla ta magədama hiya da har tsəla, na ma dakwaydakw ana hay, hərway me tsey mevel ma Bay ma Bəla a da ndesley da taya.

Apokalis 16:13

Arka da huɗa mey ma zezekw ana, da huɗa mey ma gənaw ana, da huɗa mey ma ndaw sek maləwaɗay ana, i ma nəkada fakalaw ma tek ana hay ma bəmawa makar, a nəkam andza mberlek hay.

Apokalis 17:12

Dərom ana hay kurow kah ma nəkadatərawa na na, bay hay kurow ka pəmata a bay tsaray kakay, ama ma ndzemdey pal na, a da kam bay andza gənaw ana ka masləta ha.

Apokalis 17:16

Dərom ana hay kurow ta gənaw ana kah ma nəkadərawa na na, a da ŋgəladama ha dey ta bordel ana sakay, a da mbəkadama makəraŋga, vaw kəne ha. A da pəɗama slaw ma vaw ŋga ba, a da kakərama ta waw.

Apokalis 17:7

Arka madurlam ana ma ləvaya: «Ma rəzlaka kambəlaɓa na mey? I da ɓadaka guma na ma kəzla ha ka ŋgwas a neney, ta gənaw a neney ta 'ar tsəla na, ta dərom ahiya kurow ana ma zəga ŋgwas ana.

Apokalis 19:12

Dey ŋga na hay na andza 'erneh ma waw, ka 'ar aŋga na na, zlembetse hay haɗadzidzay, arka ma winda ha ka vaw ŋga na na, mezəley ana daha sey ma sərada na, ŋga na asləta.

Apokalis 20:2

Ŋga ma zəga zezekw ana, gwavaŋ ana zlezle ana, na ma ləvam Fakalaw ana dakay na Sataŋ ana, ma dzuwa ta megesele, ha ma mevey gabal.