Apokalis 11:3 - MEY HAYNA WAYNA MA YEZU KRISTE MA MEVEY

³ Arka i da vəlatar slam har a ndaw seydewe ɗaw hay tsew, ka tsam guma andza ma ndaw sek hay, ta zana ma burhwa ahiya ka vaw, meney gabal ta temere tsew ta kokurow mukwa.

Apokalis 11:3 Iomraidhean Croise

Matiyew 11:21

«Kah da viya Korazim! Kah da viya Betəsayda! Hərway zeheɗ a neney hay, ma ka hiya da 'ay kwar ana hay na, kendzey ma ka hiya da Tir ta Sidoŋ na, akwatay na ka babuhwam pətsaw ba ka vaw, ka kəlam zana ma burhwa ba ka vaw, ka mbəɗadama mendzey ta tsoy.

Matiyew 18:16

Kendzey ka tsənaka sləmay kakay na, həley ndaw hay satsa, pal dakay na tsew, ma aza a tsadama sariya na, ka guma ma ndaw seydewe hay tsew makar.

Mey Hayna Wayna ma Bay Yezu Kriste Luk 10:13

Viya waray, Korazim! Viya waray, Betəsayda! Kendzey zeheɗ a neney hay ma kam da 'ay kwar ana hay na, kendzey ma ka hiya da Tir ta Sidoŋ na, akwatay na tsoy ka mbəɗadama mendzey ta ba Akwatay na ka kəlam zana ma burhwa ba, ma ndzaya da pətsaw meləmets.

Mey Hayna Wayna ma Bay Yezu Kriste Luk 24:48

Ndaw seydewe na hay na: kuray eɗey.

Mey Hayna Wayna ma Yezu Kriste Zaŋ 15:27

Kuray tiyatsa na, ka da kam seydewe ɗaw ana, kavəday lakwa dzaya zla da mezley ana.

Mey Hayna Wayna ma Yezu Kriste Zaŋ 3:27

Zaŋ ma mbəɗatar kava: «Ndaw a slafa me key tek ma gədaŋ ma vaw ŋga, pərazl na ma vəladəmərawa da 'ərlam ana kakay.

Mber 1:8

ama ka da ndzafa ma slafa, ma slafa ma Mesəfrey Kokwoɗ ana, a da sawa ka kuray ana; ka da təram ndaw seydewe ɗaw ahiya da Zeruzalem, da dala ma Zudey tabiyaha, da Samari, ha kasl ka halay ma dala.»

Mber 13:31

Arka ŋga ma ɓatar vaw da meney gəle gəle haɗadzidzay a ndaw na ma tsələmaɓa da Galiley a Zeruzalem dzaya na hay, ekəɗey taya na, ka təram ba ndaw seydewe ŋga hay ka slam dey ma səkway.

Mber 2:32

Yezu a neney ana, Bay ma Bəla ka mbəladərawa ba, la neney tabiyaha na, ndaw seydewe na hay.

Mber 3:15

Bay ma mesəfrey ana ŋga na kuray ma kəɗama ba vagay aha na na, Bay ma Bəla ka mbəladərawa ba da walaŋ ma ndaw ma mətsa na hay, la neney na, ndaw seydewe na hay.

1 Korintieŋ 12:28

Ndaw na Bay ma Bəla ma padata da Egliz ana hay na, tsəfəmey aha na maslaŋ hay, ma tsetsew ana na, ndaw sek hay, ma makar ana na, ndaw ma paya ma me tetəkey ndaw hay. Arka a dəba na tok na, na ma ndzefey tek ma haya ha ma kada ɗeɗew, me deley ndaw hay, ma ma dzənata ndaw hay, ma ma kəlatar ka mey a ndaw hay ta na ma tek ma haya ha ma tsada guma hay, ta mey gəle gəle na.

2 Korintieŋ 13:1

Ma da daɓa ɗaw a 'ay kwar ekəɗey ana na, dey ma makar ana: mendzey ma sariya hay tabiyaha a da ləvam dərka na na, ka guma ma ndaw seydewe hay tsew makar.

Efeziyeŋ 4:11

Tek ma haya ha ŋga ma kawa na na maslaŋ hay, ndaw sek hay, ndaw me tələkey mey ta Mey Hayna Wayna hay, ndaw me kəley ka mey hay ta ma tatəkadata ndaw hay.

Apokalis 1:5

arka ta har ma Yezu Kriste, Ndaw seydewe hayna, marakway da walaŋ ma ndaw ma mətsa na hay, Bay Ŋgalaka ma Bay ma dala hay. A Ndaw ma wuɗakwar ana, ma ləhadandukurawa ba da meŋgəsey lakwa hay ta mambaz aŋga,

Apokalis 11:2

Ama ka mey mambaw ma 'ay me key kuley ana na, mbəkada, ka da wa tizlay, hərway ka mbəkadəmatara ba a ndaw ma dala Zuif ahiya kakay ana hay, ma da dadəslama Wuraw kokwaɗ ana da kiya kokurow faɗ kava tsew.

Apokalis 11:6

A slafama ma wuɗa ndasl ma 'ərlam, kwa yam a slafa ma pawa da har ata na a tsam aha guma andza ndaw sek ana kakay. A slafama ma təradata yam hay mambaz aha. A slafama ma kamar tek hayakakay aha a dala ta magədama hay gəle gəle haɗadzidzay, andza ma ta ma wuɗam ana.

Apokalis 12:6

Arka ŋgwas ana ma hway təŋga a palah, da huɗa na Bay ma Bəla ka ləmadara slam aŋga ba ka vaw, ma ka vəlamar tek me zəmey da huɗa, ma meney gabal ta temere tsew ta kokurow mukwa.

Apokalis 13:5

Ma vəlamar mey ma tsada guma hayakakay ana ta ma tsaɗada Bay’ərlam. Ma vəlamar slam har me key andza ha kiya kokurow faɗ kava tsew.

Apokalis 19:10

Arka i me gərdey ka slam sek aŋga, ma da nar dəba, ama ŋga me ləvaya: ɗaɗa ka da key andza ha zlay, yah na mandala ma meslərey, na ŋga ɗek ta malam ɗek hay na, ma wafama vaw ka seydewe ma Yezu ana. Ka da nar dəba na sey a Bay ma Bəla, hərway seydewe ma Yezu, na mesəfrey ma ndaw sek.

Apokalis 20:4

Arka i ma nəkadata koriwal ma bay hay, a ndaw ma səmawa ma da ndzam a huɗa na hay na, ma vələmatar slam har me key sariya. Arka satsa na, i ma nəkadata mezek ma ndaw ana hay ma sləmatara ɗay, hərway ma seydewe ma Yezu ta guma ma Bay ma Bəla ana hay, ta na ma ndaw ka namar dəba a gənaw ana, ta mey dey ŋga na tikay ana hay, kwa ka ndzafam zeheɗ aŋga na ka 'ərdey, kwa ka har tikay ana hay. Taya ma mbələmawa, arka taya ma kam bay andza Kriste da mevey gabal.