Apokalis 1:9 - MEY HAYNA WAYNA MA YEZU KRISTE MA MEVEY

⁹ Yah Zaŋ malam a kwar, mandala kwar da suwet, da Slala ma Bay’ərlam sa tsa, da matanduroŋ da Yezu, i ma ndza ha da dala ma ɗawala ha ta yam ana da Patmos, kavəday ma guma ma Bay ma Bəla ta me key seydewe ma Yezu.

Apokalis 1:9 Iomraidhean Croise

Matiyew 20:23

Yezu na ma mbəɗafatara kava tok: «Ayaw, ka slafama ma da sey vəliyem a ɗaw, ama, ka ma da ndzey ta har zəmay ɗaw, ta har gula ɗaw na, slam har a ɗaw ma da vəlada dakay, a da vəladəmatara, a ndaw na Baba ɗaw ma ləmadatara aha ka vaw ana hay.»

Mark 10:39

Taya ma ləvamar: «La slafama.» Yezu ma ləvatar: «Vəliyem ana i ma da sey ana na, ka da sama, me dzuhəɓey i ma da dzuhəɓey a huɗa na na, a da dzuhəɓadəmakwar.

Mey Hayna Wayna ma Yezu Kriste Zaŋ 16:33

I tsadakwar a neney na, ma ta yah na, kuray ka da ndzafam zozoy. Da mendzey ma bəla neney na, ka da ndzam da mevel, amana, səmam vaw, i ka zəga 'ar ma sleɗ ba ka bəla.»

Mber 1:15

Da meney ana ŋga na hay na, ndaw me pey 'ar ana hay ma tsəha 'ar ahiya, a key ndaw temere ta kokurow tsew. Piyer me lətsey da walaŋ ma malam hay, me ləvey:

Mber 14:22

A madəmatara mevel a ndaw me pey 'ar ana hay, a vələmatar gədaŋ ma taya ka da, mam ta dəba zlay. Taya ma ləvəmatar: «I da fuləkwakwa a Slala ma Bay'ərlam na, sey i tasakwa ta banay hay haɗadzidzay.»

Romeŋ 8:17

Lakwa na, bəzey ŋga hay, kəɗey tok na ndaw ma zəmey 'ay ahiya; i da zəmakwa 'ay ma Bay ma Bəla, i da zəmakwama 'ay ana andza Kriste. Andza lakwa ma waɗəkadakwa tsetseh aŋga ka masləta ha na na, i da ndzafakwa maram aŋga na tiyatsa.

Romeŋ 8:25

Ama haɗaw i pakwama dey a tek na i ma nəkadakwa kakay ana na, i hutakwa na ta bəzay mendzey.

2 Korintieŋ 1:7

Me pey dey la ka kuray na, gədaŋ aha dzay hərway la səradama ha, da ma wanəkadama viya kwar ta la na, ka wanəkadama me mey 'ərev ala ta kuray tiyatsa.

Filipieŋ 1:7

Təɗe kassla i ma ndzaha andza neney hərway kwar tabiyaha na na, hayaha, hərway i wuɗakwar aha da mevel a ɗaw, kuray a neney andza da daŋgay ɗaw, andza da me dzəŋgərey ta ma ɓadama ta Mey Wayna ta gədaŋ, ndzam tobiya kwar ahiya da hahaya ma kəmiyawa na.

Filipieŋ 4:14

Ama kuray na, ma dzənəmaya da viya ɗaw a neney na, kuray ka kam tek ba hayaha.

2 Tesalonisieŋ 3:5

Hayna Bay’ərlam ka kəsadata mevel a kwar hay, 'ar a ma wuɗa vaw ma Bay ma Bəla, da ma zəga mevel ma Kriste.

2 Timotey 1:8

Arka tok na, hwaray ka da kaka ma kar seydewe a Bay’ərlam a lakwa zlay, hwaray ka da kaka hərway ɗaw zlay, yah a neney da daŋgay hərway ŋga na. Amana, kama banay tsetsuwe, hərway ma Mey Wayna da me pey 'ar ka ma slafa ma Bay ma Bəla.

Ebrew 10:36

Akwa tek a kwar ma wuɗam na, matanduroŋ ma da ndasladara tek ma Bay ma Bəla ma wuɗey ana, andza ha tok na, ma ndzafadama tek na ma tsawa kava na.

1 Piyer 5:1

I həladatara bəzay tok na a ndaw ma səka na hay, na da walaŋ a kwar ana hay, yah ana tiyatsa na, ndaw ma səka ha andza taya, arka satsa na, seydewe ma tsetseh ma Kriste, yah ana na, i da ndzefey maram ana ma da ɓadama ana:

Apokalis 1:1

Ɗeriwel neney na, tek ma kəzla hiya na Yezu Kriste ka ɓada na: Bay ma Bəla a vəladara na, ma ka da ɓadatara a gawla ma 'ay ŋga hay, tek na ma da sawa da bəse na. A da ɓadara na, ŋga ma sləradərawa madurlam aŋga, ka tsakay ma gawla ma 'ay ŋga Zaŋ.

Apokalis 1:2

Ŋga na ma ɓada dərka na, tek aŋga na ma nəkadərawa tabiyaha na, guma ma Bay ma Bəla aha, seydewe ma Yezu Kriste aha.

Apokalis 1:4

Yah Zaŋ, i windatəraɓa a Egliz a hay tsəla da Azi ana. Hayna ka vələməkurawa hahaya ta zozoy da har ma Ndaw ŋga daha ekəɗey ana, ŋga daha zla ekəɗey kakay ana, na ma da sawa na, da har ma mesəfrey a hay tsəla ma ndzaya ka slam dey ma koriwal ma bay ŋga na,

Apokalis 1:6

ma da təradandakwar Slala ma baba me key kuley ahiya ma Bay ma Bəla Baba ŋga. Ma ŋga na, ma vəla ha me wezley dey, me key bay da mevey temere da mevey temere. Amen.

Apokalis 11:7

Ama tsoy andza ka ndakadama ba me key seydewe na, gənaw ana a da tsəlawa da babaŋ tsəvay ana, ma da key vərom ta taya, a da zəga 'ar ma sleɗ, a da bazlata.

Apokalis 12:11

Ama taya na ka zəgafama 'ar ma sleɗ ba, ta mambaz ma bəzey təɓaŋ, ta guma na taya ma kadama seydewe na. Taya ka wuɗam mendzey ta kakay, ha ka wasam ta memətsey kakay.

Apokalis 12:17

Da mevel aŋga ma tsar ka ŋgwas ana hana na, govaŋ ana hana ma mbəɗada vərom ana ka sa ma bəzey ma hwoɗ ma ŋgwas ana hay, ndaw ma tsənamatar sləmay a mey ma mewey ma Bay ma Bəla ana hay, ta na ma mbəɗamar sler a seydewe ma Yezu kakay ana hay.

Apokalis 13:10

Ndaw ana ma ya ha ba a da zəgama beke ha na, a da daw ba a slam ma beke na təŋga. Ndaw ana ma ya ha ba a da slakama ta sleɗ ma tsakay na, a da mətsey na ta sleɗ ma tsakay təŋga. Neney na har ma matandəroŋ ta me pey 'ar ma ndaw kokwaɗ ana hay.

Apokalis 14:12

Neney na har ma matandroŋ ma ndaw kokwaɗ ana hay, na ma wafama vaw ka mey ma mewey ma Bay ma Bəla, ta me pey 'ar ka Yezu.

Apokalis 19:10

Arka i me gərdey ka slam sek aŋga, ma da nar dəba, ama ŋga me ləvaya: ɗaɗa ka da key andza ha zlay, yah na mandala ma meslərey, na ŋga ɗek ta malam ɗek hay na, ma wafama vaw ka seydewe ma Yezu ana. Ka da nar dəba na sey a Bay ma Bəla, hərway seydewe ma Yezu, na mesəfrey ma ndaw sek.

Apokalis 20:4

Arka i ma nəkadata koriwal ma bay hay, a ndaw ma səmawa ma da ndzam a huɗa na hay na, ma vələmatar slam har me key sariya. Arka satsa na, i ma nəkadata mezek ma ndaw ana hay ma sləmatara ɗay, hərway ma seydewe ma Yezu ta guma ma Bay ma Bəla ana hay, ta na ma ndaw ka namar dəba a gənaw ana, ta mey dey ŋga na tikay ana hay, kwa ka ndzafam zeheɗ aŋga na ka 'ərdey, kwa ka har tikay ana hay. Taya ma mbələmawa, arka taya ma kam bay andza Kriste da mevey gabal.

Apokalis 3:10

Hərway kah ka zəgada guma ɗaw ba ta mataŋduroŋ aha sana, yah ana tiyatsa na, i da wafaka vaw ta pas ma suwet, na ma da sawa ka ndaw hay ka bəla tabiyaha na, arka a da həladatara suwet ma ndaw ma dala hay tabiyaha.

Apokalis 6:9

Andza ŋga ma hukwa zeheɗ mazlam ana na, i ma nəkada ka slam ma ŋgwa ma kuley na, mezek ma ndaw ma sləmata ba hərway ma Guma ma Bay ma Bəla ana, ta seydewe ta ma kəmawa na hay.

Apokalis 7:14

I ma mbəɗar kava: «Bay’ərlam a ɗaw, kah ana ka sərada seŋgey!» Ŋga ma ləvaya: «A səmawa na da me həley suwet ɗuhwa na, taya ka pərəmata kelmedzey ta hay ba, taya ma təradama ba babara ha da mambaz ma bəzey təɓaŋ.