Apokalis 1:8 - MEY HAYNA WAYNA MA YEZU KRISTE MA MEVEY

⁸ Bay’ərlam Bay ma Bəla a ləvey: Yah na Alfa ta Omega, Ndaw ŋga daha ekəɗey ana, ŋga daha zla ekəɗey kakay ana, Ndaw ma da sawa ka mey ana, Ndaw ma slafa tabiyaha na.

Apokalis 1:8 Iomraidhean Croise

2 Korintieŋ 6:18

I da tərey na, Baba kwar aha, ka da təram na bəzey ɗaw ahiya, ta dem a ɗaw ahiya.» Bay’ərlam ma slafa tabiyaha na a ləvey na andza neney.

Apokalis 1:11

A tələkey aha mey: «Tek ana kah ma nəkada na na, windada a ɗeriwel, arka na sləradatara a Egliz ana tsəla na hay: a Efez, a Smirne, a Pergam, a Tiyatir, a Sard, a Filadelfi ta Lawdisey.»

Apokalis 1:17

Andza i ma nəkada na, i me kəley andza i ma mətsa ha ka slam sek aŋga, amana, ŋga ma pafaya har zəmay ŋga, ma ləvaya: «Ka wesey zlay, yah na ndaw tsəfəmey ana, Ndaw madakwaydok ana,

Apokalis 1:4

Yah Zaŋ, i windatəraɓa a Egliz a hay tsəla da Azi ana. Hayna ka vələməkurawa hahaya ta zozoy da har ma Ndaw ŋga daha ekəɗey ana, ŋga daha zla ekəɗey kakay ana, na ma da sawa na, da har ma mesəfrey a hay tsəla ma ndzaya ka slam dey ma koriwal ma bay ŋga na,

Apokalis 11:17

ta me ləvey aha kava: «La madəmaka sise Bay’ərlam Bay ma Bəla ma slafa tabiyaha na, kah daha zla ekəɗey kakay na, hərway kah ka ɓada ɗuhwa ma ma slafa ɗek, kah ka ləmada Slala ɗek ba.

Apokalis 15:3

A kəlam walay ma Moyiz, gawla ma 'ay ma Bay ma Bəla, ta walay ma Bəzey təɓaŋ: «Mber a ɗek hay na ɗuhw hiya, a rəzlam ndaw, Bay’ərlam Bay ma bəla ma slafa tabiyaha na. Dzerey ahiya, dərka ahiya na tsəveɗ a ɗek hay, Bay ɗuhwa na ma ndaw ma dala hay.

Apokalis 16:14

Azlakwa dərka na, mesəfrey haykakay ana ma fakalaw hay. A kam tek me rəzley ndaw ana hay, a dawam ka tsakay ma bay ma dala hay ma aza ka tsəhadəmatara 'ar ma da key vərom, ta pas ɗuhwa na, na ma Bay ma Bəla ma slafa tabiyaha na.

Apokalis 16:7

Arka i ma tsənada veɗ ma ɗay ma sawa da ŋgwa ma kuley me ləvey: «Ayaw, Bay’ərlam Bay ma Bəla ma slafa tabiyaha na, sariya ɗek hay na tsərokw dərka ta dzerey ahiya.»

Apokalis 19:15

Sleɗ ma tsakay me zəmey aha ma bawa da huɗa mey ŋga, ma da bazladata ndaw ma dala hay. A da tsukurata ta tapay ma ɓərey, a da ndərsla bəzey ma viŋe da kulok zom aha, a betekwey aha a me tsey mevel ma Bay ma Bəla ma slafa tabiyaha na.

Apokalis 19:6

Arka i ma tsənada andza me yey mey ma ndaw ma kusa hiya vam vamma, andza me bebətsey ma bəlay, andza me me rəvey ma yam gədaŋ ana hay. A ləvam: Aleluiya! Hərway Bay’ərlam a lakwa na Bay ma Bəla ma slafa tabiyaha na, ka ɓadərawa Slala ŋga ba.

Apokalis 2:8

Windar a madurlam na da Egliz ma Smirne ana: Ndaw aŋga na tsəfəmey ana, madakwaydok ana, Ndaw aŋga na me mətsey ba na, amana ma mawa ba a mendzey ana, a ləvey na andza neney:

Apokalis 21:22

Ama da wuraw ana tok na, i ka nəkada 'ay me key kuley da huɗa sakay, hərway 'ay me key kuley ŋga na na, Bay’ərlam ana Bay ma Bəla ma slafa tabiyaha na, ta bəzey təɓaŋ adzay ana.

Apokalis 21:6

Arka ŋga ma ləvaya: «Ma ka ha tsoy! Yah na Alfa ta Omega, me zley ta me ndesley. A ndaw yam ma harta na na, i da vəlar ’ar yam na me vey ana ma hayaha.

Apokalis 22:13

Yah na Alfa, yah na Omega, ndaw tsəfəmey ana ta ndaw madakwaydok ana, me zley ta me ndəvey.

Apokalis 4:8

Gənaw ana hana faɗ ana hay na, ta gurɓasla ahiya mukwa mukwa, dey hay tabiyaha ma tsəɓa hiya teleleview ta hwaɗ ana, dəvaɗ ta rəpas adzay na, a mətsamar har ma tələkey mey kakay, a ləvam: «Kokwoɗ, kokwoɗ, kokwoɗ, Bay’ərlam Bay ma Bəla ma slafa tabiyaha na, Ndaw na ŋga daha zla ekəɗey kakay ana, ŋga daha ekəɗey ana, ma da sawa na!»