Apokalis 1:7 - MEY HAYNA WAYNA MA YEZU KRISTE MA MEVEY

⁷ Nəkafama a sawa ha da dey ma pazlay, arka ndaw hay tabiyaha a da nəkadama, kwa ta ndaw ma slakama na hay dzay: səkway ma dala hay tabiyaha a da ndzam, andza da 'ay vagay hərway ŋga. Ayaw! Amen!

Apokalis 1:7 Iomraidhean Croise

Matiyew 16:27

Hərway Bəzey ma Ndaw a da sawa da maram ma Baba ŋga, ta madurlam aŋga hay; arka na, a da vəley masa na, andza ma tek ma ndaw ana me key da mendzey ŋga na.

Matiyew 16:28

I ɓadakwar dərka na, da walaŋ ma ndaw a neney hay ka sləna ɗey ana na, sa na hay a da mətsam aha, mandzara ka nəkadama Bəzey ma Ndaw a sawa ha andza Bay ɗuhwa ha kakay.»

Matiyew 24:30

Arka tok na, zeheɗ ma Bəzey ma Ndaw a da ɓawa vaw da 'ərlam. Arka mendzey ma ndaw ma səkway ma dala hay tabiyaha, a da pam har dzoŋ a 'ar. A da nəkadama Bəzey ma Ndaw a sawa ha da dey ma pazlay da ’ərlam, da ma slafa ŋga tabiya ha, ta maram aŋga tabiyaha na.

Matiyew 25:31

«Andza aza Bəzey ma Ndaw a da sawa da maram aŋga na, madurlam aŋga hay a da kəsadəmərawa. Arka a da ndzey tsaŋ ka koriwal ma bay ŋga me wezley dey ana.

Matiyew 26:64

Yezu ma mbəɗar kava: «Kah ana me ləvey, ama ekəɗey i ɓadakwar tsana, ka da nəkadama Bəzey ma Ndaw ma ndza ha ta har zəmay ma Ndaw ma slafa tabiyaha na, a sawa ha da dey ma pazlay da 'ərlam.»

Mark 13:26

Arka tok na, a da nəkadama Bəzey ma Ndaw, a sawa ha da dey ma pazlay, da ma slafa tabiyaha na ta maram aŋga.

Mark 14:62

Yezu me ləvey: «Ayaw, yah dərka na, ka da nəkadama Bəzey ma Ndaw, ma ndza ha ta har zəmay ma Ndaw ma slafa tabiyaha na, a sawa ha ta pazlay aha da 'ərlam.»

Mey Hayna Wayna ma Bay Yezu Kriste Luk 21:27

Arka a da nəkadama Bəzey ma Ndaw, ma ɗawala ha da dey ma pazlay, ma rəha vaw aha ta ma slafa ma mewezley dey ŋga.

Mey Hayna Wayna ma Yezu Kriste Zaŋ 19:34

Ama ndaw asləta da walaŋ ma sidzew ana hay, ma slaka ka dzəham ta zeot, arka na mambaz ta yam aha ma vawa.

Mey Hayna Wayna ma Yezu Kriste Zaŋ 19:37

Guma ma Mewindey Kokwoɗ ana daha mekelehe sa, a ləvey: A da nəkadama ndaw ana taya ma slakama na.

1 Tesalonisieŋ 1:10

Ma da hutey Bəzey ŋga ma sawa da 'ərlam ana, ŋga ma mbəladərawa da walaŋ ma ndaw ma mətsa na hay, Yezu na ma buwandukurawa da me tsey mevel ma da sawa na.

1 Tesalonisieŋ 4:17

arka lakwa neney ma zukwawa ta dey ana hay na, a da hələmandakwar ka 'ar ma pazlay andza taya ka masləta ha, ma da tsey 'ar ta Bay’ərlam ka'ar lalaŋ, kəɗey aza tok na, i da ndzakwama səlekw na andza Bay’ərlam.

Ebrew 10:29

Akwa təɗe ma sadama banay kakay na teŋgey? Kendzey andza ndaw ana ma ndarsla Bəzey ma Bay ma Bəla ta sek, ma zləɓada mambaz ma ma dzəma vaw ana ma təradama kokwoɗ aha da huɗa na ba, arka satsa na ma kar tek me tsey mevel aha a Mesəfrey ma hahaya na na?

Ebrew 6:6

ama re satsa na ka təɗam ba ta dəba təŋga, ma ta na, ma da mbəɗada mendzey dey mekelehe na, a key vaw sakay, hərway taya ma ta na, a madama Bəzey ma Bay ma Bəla ka 'ar ma tuwaw dey mekelehe sa, ma ŋgwahadama a me tseɗey sa.

1 Zaŋ 3:2

Dzam a ɗaw hay, zla ekəɗey ana na, lakwa na bəzey ma Bay ma Bəla ahiya, amana, lakwa ma da tərakwama andza ha na na, ka sərey tsaray kakay. Ka səradakwa ha, aza ka da ɓawa vaw ba na, i da nəkakwama andza ŋga na, hərway i da nəkadakwa na andza ŋga na təŋga.

Ɗeriwel ma Zud 1:14

Enok satsa na, ma tsawa guma andza ma ndaw sek na, ka taya, ŋga ndaw ma tsəla na ma zlawa ka Adam, ŋga me ləvey: Nəkafama Bay’ərlam a sawa ha ta sidzew aŋga kokwoɗ ana hay,

Apokalis 22:20

Ndaw ma təɓa ba na, a ləvey: Ayaw! I daɓa ha bəse. Amen, sawa Bay’ərlam Yezu!

Apokalis 22:4

A da nəkadama mey dey ŋga na, arka mezəley ŋga a da key ma winda ha ka 'ərdey ta na hay.