Apokalis 1:5 - MEY HAYNA WAYNA MA YEZU KRISTE MA MEVEY

⁵ arka ta har ma Yezu Kriste, Ndaw seydewe hayna, marakway da walaŋ ma ndaw ma mətsa na hay, Bay Ŋgalaka ma Bay ma dala hay. A Ndaw ma wuɗakwar ana, ma ləhadandukurawa ba da meŋgəsey lakwa hay ta mambaz aŋga,

Apokalis 1:5 Iomraidhean Croise

Matiyew 20:28

Kwa Bəzey ma Ndaw ana tekeɗe a sawa na, ma ndaw hay ka da kamar meslərey ka har kakay, amana, me key meslərey, ma da vəlada mendzey ŋga ma da mbəɗadatərawa ndaw hay haɗadzidzay.»

Matiyew 28:18

Arka, Yezu ma gurey ka tsakay ta, ma tsadatara guma neney hay: «Slam har ma vəla ha tsoy tabiyaha da har aɗaw, na ma 'ərlam, ta na ma dala adzay.

Mey Hayna Wayna ma Yezu Kriste Zaŋ 13:1

Amba magurlam ma Pak na, Yezu a sərada har aŋga ka slawa ba, har aŋga ma da tesey ka dala ɗey 'ar a 'ay Baba ŋga. Ŋga ka wuɗata ndaw aŋga hay ba ka bəla neney, a wuɗata ha səlekw.

Mey Hayna Wayna ma Yezu Kriste Zaŋ 13:34

I vəlakwar mey ma mewey wayaha: wuɗam vaw ka 'ar vaw kwar ana hay. Andza na ŋgaɗaw i ma wuɗakwar ana na, wuɗam vaw ka 'ar vaw kwar ana hay.

Mey Hayna Wayna ma Yezu Kriste Zaŋ 15:9

Andza ma Baba ma wuɗaya na na, yah tey na, i ka wuɗəkurawa ba, ndzam da ma wuɗa vaw ɗaw.

Mey Hayna Wayna ma Yezu Kriste Zaŋ 18:37

Pilat ma ləvar tok: «Azlakwa kah bay aha tok zlənemey?» Yezu ma ləvar: «Me ləvey, yah bay aha na, kah ana. A yəmiyawa, i sawa ka bəla na, ma da key seydewe ma dərka. Kwa way way ma ndza ha da dərka na, a pey sləmay ka vəɗe ma ɗay ɗaw.»

Mey Hayna Wayna ma Yezu Kriste Zaŋ 3:11

Dərka dərka na i ləvaka: la tsam na ka tek na la ma səradama na, la kam seydewe na, ma tek na la ma nəkadəmərawa na, amana ka təɓama seydewe la na ma kam ana kakay.

Mey Hayna Wayna ma Yezu Kriste Zaŋ 3:16

Bay ma Bəla akwa na, ka wuɗa bəla ba haɗa, ha ŋga ma vəlawa Bəzey ŋga Malay ana, ma kwa way way me pey 'ar ka ŋga na, ka da zəɗey zlay, amana, ka da ndzefey mendzey me ndəvey kakay ana.

Mey Hayna Wayna ma Yezu Kriste Zaŋ 3:32

a key seydewe na, ma tek aŋga ma nəkadərawa na, ta na ma tsənadərawa na, arka na, ndaw ma təɓa seydewe ŋga na na dakay.

Mber 20:28

Wam daw ka vaw ka bay 'ar ma vaw kwar ana hay, wafəmata vaw ka welde na Mesəfrey Kokwoɗ ana ma padakwar ndaw me tsukurey ahiya na hay, tsukurama Egliz ma Bay ma Bəla na, ŋga ma haɗəkərawa ta mambaz aŋga na.

Mber 26:23

Kriste na ka key tsetseh ba, arka na ŋga na ndaw tsəfəmey ana, ma mbəlawa da walaŋ ma ndaw ma mətsa na hay, a dafa na ka taləkada mey ta waw me nəkey dey a səkway ta ndaw ma dala na Zuif ahiya kakay ana hay.»

Romeŋ 3:25

Bay ma Bəla ma pada andza tek ma ger aha ma pərada meŋgəsey ta mambaz aŋga, ta gwedey ma me pey ’ar na, a ɓada dzerey na mey, kavəday ma mey na, ŋga ma mbəkadatərawa mandzara ka hətatərawa meŋgəsey ana zlezle na hay.

Romeŋ 8:37

amana da tek a neney hay tabiya ha na, ma zəgawa 'ar ma sleɗ na lakwa, ta har ma Ndaw ma wuɗandukurawa na.

1 Korintieŋ 6:11

Nəkafama, kete na, kuray andza ha, dakay na, ndaw hay nekəɗey da walaŋ a kwar. Amana, ka pərmakwar tsoy, amana, ka təradəmakwar ba ndaw kokwoɗ ahiya, amana, ka təradəmakwar ba dzerey ahiya, ta mezəley ma Bay’ərlam Yezu Kriste, ta har ma Mesəfrey ma Bay ma Bəla.

Galat 2:20

I ta dey, ama na, yah ana sakay, ma ndzaha da yah na Kriste, hərway mendzey ɗaw a neney da slaw vaw ɗaw ana na, i ndza na, da me pey 'ar ka Bəzey ma Bay ma Bəla, ma wuɗaya, ma haɗəkada vaw ŋga hərway ɗaw ana.

Efeziyeŋ 2:4

Ama Bay ma Bəla na, ndaw a kar da vaw bəza kakay, hərway ma ma wuɗa vaw ŋga na ɗuhwa ha na, ma wuɗandukurawa na,

Efeziyeŋ 5:2

Ndzam da ma wuɗa vaw andza ma Kriste ma wuɗandəkurawa na, ma vəladərawa vaw ŋga na ta 'ar aŋga na a Bay ma Bəla hərway lakwa, andza tek ma ger ma kuley aha, andza wurdey me zey hayna ha.

Kolosieŋ 1:18

arka ŋga na na, ŋga bay 'ar ma vaw ana, na Egliz aha na. Ŋga na mezley ana, marakway aha, da walaŋ ma ndaw ma mətsa na hay, ma ŋga ka da key, ka mey ma tek hay tabiyaha, ma tsoy aha, ka bəla tabiya ha.

1 Timotey 6:13

I tsaka ka slam dey ma Bay ma Bəla na me vəley mendzey a tek hay tabiyaha na, arka ka slam dey ma Kriste Yezu na, ma kawa seydewe ka slam dey ma Pons Pilat da ma ɓada guma ma me pey 'ar hayna.

1 Timotey 6:15

ma da badərawa ka har ana ma tsa ha na Bay ana ŋga asləta wuiya ha na, Bay ma Bay hay, Bay’ərlam ma bay hay.

Ebrew 10:29

Akwa təɗe ma sadama banay kakay na teŋgey? Kendzey andza ndaw ana ma ndarsla Bəzey ma Bay ma Bəla ta sek, ma zləɓada mambaz ma ma dzəma vaw ana ma təradama kokwoɗ aha da huɗa na ba, arka satsa na ma kar tek me tsey mevel aha a Mesəfrey ma hahaya na na?

Ebrew 9:14

sakwa mambaz ma Kriste tok na, ŋga ta har ma Mesəfrey me ndəvey kakay ana, ma vəlada vaw ŋga ta har aŋga na a Bay ma Bəla, andza tek ma kuley ma zləɓa ha tikay ana na, a da slafa ma bəzləmadandakwar me dzeley 'ar a lakwa ma mətsa na hay, ta tek a lakwa me key, ma kadara meslərey a Bay ma Bəla te dey ana kakay tok ɗaw?

1 Piyer 1:19

amana, ta mambaz hayna, andza na ma bəzey təɓaŋ zlaɓay kava dakay ana, ma təra ha kava dakay ana, mambaz ana na, ma Kriste,

1 Zaŋ 1:7

Ama haɗaw i halakwama da waw me nəkey dey, andza ma ŋga na ta 'ar aŋga na ŋga da waw me nəkey dey ana na, lakwa ma dzəmaya ka ndaw ka ndaw ta mambaz ma Yezu Bəzey ŋga ma bazləmadandakwar meŋgəsey lakwa hay ba tabiyaha na.

1 Zaŋ 4:10

Nəkafama ma wuɗa vaw na andza neney: ma wuɗərawa Bay ma Bəla na lakwa kakay, ma wuɗandakwar na ŋga. Ŋga ma sləradərawa Bəzey ŋga, andza gənaw ma ger aha, ma da bazləmada meŋgəsey lakwa hay.

Apokalis 11:15

Madurlam ma tsəla na ma fa tolom aŋga, vəɗe ma ɗay ɗuhwa hiya ma tsənəmawa da 'ərlam, a ləvam: «Slala ma bəla ekəɗey ma vəla ha na ma Bay’ərlam a lakwa ta Kriste ŋga, a da key bay na ka mevey temere ka mevey temere.

Apokalis 11:3

Arka i da vəlatar slam har a ndaw seydewe ɗaw hay tsew, ka tsam guma andza ma ndaw sek hay, ta zana ma burhwa ahiya ka vaw, meney gabal ta temere tsew ta kokurow mukwa.

Apokalis 17:14

A da kam vərom ta bəzey təɓaŋ, amana bəzey təɓaŋ a da zəgafata 'ar ma sleɗ ba, hərway ŋga na, Bay’ərlam ma bay hay, Bay ɗuhwa na ma bay ɗuhwa na hay. Arka andza ŋga na, ndaw ma zəla na hay, ndaw ma gaɗəma na hay, ta ndaw ma tsənamar sləmay ana hay a da zəgama 'ar ma sleɗ tiyatsa.»

Apokalis 19:11

Arka i ma nəkada həzlay ma 'ərlam ma wura ha, pəles daha babara ha, ndaw ana ma tsəla ha ka 'arra na na, a zəlamar Ndaw me mbəɗey sler a guma ŋga tikay ana dərka na, a key sariya, a kəɗey vaw na, da dzerey.

Apokalis 19:16

Ka zana ma memeɗ aŋga na, ka tuwal aŋga na na, mezəley ma winda ha kava: Bay ɗuhwa na ma bay ɗuhwa na hay, Bay’ərlam ma bay hay.

Apokalis 2:13

I sərada ha slam a ɗek ana kah ma ndza ha da huɗa na: Koriwal ma Sataŋ ŋga da huɗa. Ama kah ma ndza ha ma tapa ha ka mezəley ɗaw, kah ka mbəɗar mey a me pey 'ar eɗek ka yah kakay, kwa andza ta pas ma Antipas, ndaw seydewe ɗaw me mbəɗey sler kakay ana, ma kəɗama vagay aha da 'ay kwar, slam ana ŋga na na Sataŋ ma ndza ha da huɗa na.

Apokalis 3:14

Windar a madurlam na da Egliz na da Lawdisey ana: Amen ana, Ndaw seydewe me mbəɗey sler a guma ŋga tikay ana, Ndaw dzerey ana, Mezley ma tek ma Bay ma Bəla ma katərawa na hay, a ləvey na andza neney:

Apokalis 7:14

I ma mbəɗar kava: «Bay’ərlam a ɗaw, kah ana ka sərada seŋgey!» Ŋga ma ləvaya: «A səmawa na da me həley suwet ɗuhwa na, taya ka pərəmata kelmedzey ta hay ba, taya ma təradama ba babara ha da mambaz ma bəzey təɓaŋ.