Apokalis 1:4 - MEY HAYNA WAYNA MA YEZU KRISTE MA MEVEY

⁴ Yah Zaŋ, i windatəraɓa a Egliz a hay tsəla da Azi ana. Hayna ka vələməkurawa hahaya ta zozoy da har ma Ndaw ŋga daha ekəɗey ana, ŋga daha zla ekəɗey kakay ana, na ma da sawa na, da har ma mesəfrey a hay tsəla ma ndzaya ka slam dey ma koriwal ma bay ŋga na,

Apokalis 1:4 Iomraidhean Croise

Mey Hayna Wayna ma Yezu Kriste Zaŋ 1:1

Da me zley ma bəla na, Ndaw ana Mey ma Bay’ərlam ana na, ŋga daha. Ŋga na na, ma mbəɗa dey aha ka Bay ma Bəla, ŋga na na, Bay’ərlam aha.

Mber 19:10

Tek ana me key andza ha na, a key mevey tsew, ha ndaw ma Azi hay tabiyaha: Zuif hay, ta Grek hay, ma tsənadama guma ma Bay’ərlam tabiya ta ha.

Mber 2:9

Part hay, Med hay, Elamit hay, ndaw ma Mezopotami hay, ndaw ma Zudey hay ta Kapados, ndaw ma Poŋ ta ndaw ma Azi hay,

Romeŋ 1:7

I windəkuraɓa a kuray, ndaw Bay ma Bəla ma wuɗata na hay tabiyaha da Rom ana, a ndaw Kokwaɗ ana hay ta me zəley ma Bay ma Bəla, hayna Bay ma Bəla Baba lakwa, ta Bay’ərlam Yezu Kriste ka vəlakwar hahaya ŋga, ta zozoy ŋga!

1 Korintieŋ 1:3

Hayna Baba lakwa Bay ma Bəla ta Bay’ərlam Yezu Kriste ka vəlakwar hahaya, ta zozoy.

2 Korintieŋ 1:2

Hayna ndzafam hahaya ta zozoy ma Bay ma Bəla, Baba ma Bay’ərlam a lakwa Yezu Kriste.

Ebrew 13:8

Yezu Kriste na, na teleɓey, na teseɗey ana na, re ŋga asləta, ŋga na a da mbəɗey aha tikay ha ma kozaha.

Ɗeriwel ma Zak 1:17

Tek ma ndaraw hayna ma vəla ha ma hayaha tabiyaha na, a hərɗawa na da 'ərlam, bay ma waw me nəkey dey, kwa tek tembeley da huɗa dakay, kwa mezek me ɓəley dakay.

Apokalis 1:1

Ɗeriwel neney na, tek ma kəzla hiya na Yezu Kriste ka ɓada na: Bay ma Bəla a vəladara na, ma ka da ɓadatara a gawla ma 'ay ŋga hay, tek na ma da sawa da bəse na. A da ɓadara na, ŋga ma sləradərawa madurlam aŋga, ka tsakay ma gawla ma 'ay ŋga Zaŋ.

Apokalis 1:11

A tələkey aha mey: «Tek ana kah ma nəkada na na, windada a ɗeriwel, arka na sləradatara a Egliz ana tsəla na hay: a Efez, a Smirne, a Pergam, a Tiyatir, a Sard, a Filadelfi ta Lawdisey.»

Apokalis 1:17

Andza i ma nəkada na, i me kəley andza i ma mətsa ha ka slam sek aŋga, amana, ŋga ma pafaya har zəmay ŋga, ma ləvaya: «Ka wesey zlay, yah na ndaw tsəfəmey ana, Ndaw madakwaydok ana,

Apokalis 1:20

Ka guma ma kəzla na ma wurzla neney hay tsəla kah ma nəkadata da har zəmay ɗaw ana, ta tek me key waw ma gura ta hawal ahiya kava tsəla, guma na na, andza neney: wurzla a hay tsəla na na, madurlam hay tsəla ma Egliz hay tsəla na, arka tek me key waw ta hawal ahiya kava tsəla na na, Egliz ana hay tsəla na hay.»

Apokalis 1:8

Bay’ərlam Bay ma Bəla a ləvey: Yah na Alfa ta Omega, Ndaw ŋga daha ekəɗey ana, ŋga daha zla ekəɗey kakay ana, Ndaw ma da sawa ka mey ana, Ndaw ma slafa tabiyaha na.

Apokalis 1:9

Yah Zaŋ malam a kwar, mandala kwar da suwet, da Slala ma Bay’ərlam sa tsa, da matanduroŋ da Yezu, i ma ndza ha da dala ma ɗawala ha ta yam ana da Patmos, kavəday ma guma ma Bay ma Bəla ta me key seydewe ma Yezu.

Apokalis 16:5

Arka i ma tsənada madurlam ma yam me ləvey: «Kah na dzerey aha, kah na ekəɗey ana, zla ekəɗey kakay ana, kokwoɗ aha, hərway ekəɗey na kah ka ɓada dzerey ɗek ba.

Apokalis 2:12

Windar a madurlam na da Egliz ma Pergam ana: Ndaw na ta sleɗ ma tsakay a zəmey tsakay tsewe ta hiya na, a ləvey na andza neney:

Apokalis 2:18

Windar a madurlam na da Egliz ma Tiyatir ana, Bəzey ma Bay ma Bəla, Ndaw ana ŋga na ta dey andza waw a təɓey aha na, sek aŋga hay andza ɓərey ma mandzay gagaza na, hayna, a ləvey na andza neney:

Apokalis 2:8

Windar a madurlam na da Egliz ma Smirne ana: Ndaw aŋga na tsəfəmey ana, madakwaydok ana, Ndaw aŋga na me mətsey ba na, amana ma mawa ba a mendzey ana, a ləvey na andza neney:

Apokalis 22:16

Yah Yezu na, i ka sləraɓa madurlam a ɗaw ba, ma da kadakwar seydewe neney ka guma ma Egliz hay. Yah na bəzey ma hwaɗ ma səkway ma David, bamtay ma zlemedew.

Apokalis 22:8

Yah Zaŋ na i ka tsənadərawa ba, i ka nəkadərawa ba, arka a dəba na i ma tsənadərawa ba na, ta i ma nəkadərawa ba na, i ma nar dəba ma da ɗular mey, ka slam sek ma madurlam a hana na, ma ɓafataya ka tek ana hay.

Apokalis 3:1

Windar a madurlam na da Egliz ma Sard ana, ndaw ta mesəfrey ma Bay ma Bəla hay tsəla na, ta wurzla hay tsəla na, a ləvey na andza neney: I səradata ha meslərey ɗek hay, a hikadama ha mezəley ɗek waya kah ta dey, ama azlakwa zlay kah ma mətsa ha!

Apokalis 3:14

Windar a madurlam na da Egliz na da Lawdisey ana: Amen ana, Ndaw seydewe me mbəɗey sler a guma ŋga tikay ana, Ndaw dzerey ana, Mezley ma tek ma Bay ma Bəla ma katərawa na hay, a ləvey na andza neney:

Apokalis 3:7

Windar a madurlam na da Egliz da Filadelfi ana: Ndaw kokwoɗ ana, Ndaw dzerey ana, Ndaw ma zəgada lakile ma David ana ka wura ba na, ndaw a slafa ma wuɗada kakay ana, ka wuɗada ba na, ndaw a slafa ma wurada kakay ana, a ləvawa na andza neney:

Apokalis 4:5

Da koriwal ma bay ana na, me weteɗey ma yam ma bəmawa, vəɗe ma ɗay ta me rəvey ma yam ma bəmawa da huɗa. Petərle hay tsəla ta waw ahiya kava, a təɓam aha ka slam ma koriwal ana. Na ŋga na hay na, mesefərey ma Bay ma Bəla na tsəla na hay.

Apokalis 4:8

Gənaw ana hana faɗ ana hay na, ta gurɓasla ahiya mukwa mukwa, dey hay tabiyaha ma tsəɓa hiya teleleview ta hwaɗ ana, dəvaɗ ta rəpas adzay na, a mətsamar har ma tələkey mey kakay, a ləvam: «Kokwoɗ, kokwoɗ, kokwoɗ, Bay’ərlam Bay ma Bəla ma slafa tabiyaha na, Ndaw na ŋga daha zla ekəɗey kakay ana, ŋga daha ekəɗey ana, ma da sawa na!»

Apokalis 5:6

Arka i ma nəkada da wuzlah ma koriwal ana ta gənaw ana hay faɗ ana, da 'ərev ma ndaw ma səka na hay, Bəzey təɓaŋ ma lətsa ha, a nəkey andza ma slaha ba ma kuley. Dərom aŋga hay tsəla ta dey ahiya tsəla, na ŋga na hay na, mesəfrey ma Bay ma Bəla hay tsəla na ma sləram ka dala tabiyaha na.

Apokalis 8:2

Arka i ma nəkadata madurlam a hay tsəla ma lətsa hiya ka mey dey ma Bay ma Bəla ana, ma vələmatar tolom hay tsəla.