2 Piyer 1:3 - MEY HAYNA WAYNA MA YEZU KRISTE MA MEVEY

³ Akwa na, Bay'ərlam ta gədaŋ aŋga na, ka vəlandakwar tek ma haya ha ba, ma da nafandakwar da mendzey lakwa tabiyaha na, da me ɗula mey, da ma ɓadandakwar ndaw ma zəlandəkurawa ta maram aŋga, ta gədaŋ aŋga na, ma kada tek ana.

2 Piyer 1:3 Iomraidhean Croise

Matiyew 28:18

Arka, Yezu ma gurey ka tsakay ta, ma tsadatara guma neney hay: «Slam har ma vəla ha tsoy tabiyaha da har aɗaw, na ma 'ərlam, ta na ma dala adzay.

Romeŋ 8:32

Kwa Bəzey ŋga tekeɗe na, ka mbəɗafa mey kakay sana, dzadzak na, ma vəlada Bəzey ŋga hərway lakwa tabiyaha, kəɗey tok na, ta Bəzey ŋga na, a da vəlandakwar tek hay tabiyaha kakay tok ɗaw?

Romeŋ 9:24

Lakwa neney ma zəlandukurawa da walaŋ ma Zuif ana hay dada tsa kakay, amana, da walaŋ ma ndaw Zuif ahiya kakay ana hay tiyatsa.

1 Korintieŋ 1:9

Ŋga na a mbəɗey sler a guma ŋga tikay, Bay ma Bəla ana ma zələkurawa ma da dzəmey mey ta Bəzey ŋga Yezu Kriste, Bay’ərlam a lakwa na na.

2 Korintieŋ 12:9

Amana, ŋga ma ɓadaya: hahaya ɗaw ana na, ɗaraka, ma slafa ɗaw a ɓey vaw aŋga tabiyaha da bəle ɗek. Dzadzak afəna sa na, i da zlepey na ta bəle ɗaw hay, ma slafa ma Kriste ka ndzey ka yah.

Efeziyeŋ 4:1

I həladakwar bəzay tok na, da mezəley ma Bay’ərlam, yah a neney da daŋgay ana: mendzey kwar ana na, ka dam ka vaw ta me zəley ana, kuray ma ndzafəmawa na,

Efeziyeŋ 4:4

Vaw ana ŋga asləta, Mesəfrey ana ŋga asləta, andza ma mber a kwar Bay'ərlam ma zəlakwar kava, ma da pey dey, me hutey tek ana asləta;

Filipieŋ 3:8

Ama ayaw, i nəkafata ka tek ana ŋga na hay na, andza me zəɗey tedehe, ka slam dey me zleley a neney ma fənata tabiyaha na, da ma sərada Yezu Kriste Bay’ərlam a ɗaw aha. Hərway ŋga na, i ka zəɗadata tek a ɗaw hay ba tabiyaha, ha arka, i nəkafata ka tek ana ŋga na hay na, andza kwaskwalay tedehe, ma aza i ka da ndzafada Kriste.

Filipieŋ 4:8

Ka sa na na, malam a ɗaw hay, tabiya ha andza na dərka na, na me hesəkey bəzay ana, dzerey ana, tsəzlakka na, təɗe ma wuɗa na, ma sambəra na, na ma zəlamar mendzey hayna na, na təɗe ma sambəra na, tek a neney hay tabiyaha na, ka kam da mendzey kwar.

Kolosieŋ 1:16

Hərway tek hay tabiyaha a kəmatərawa na da ŋga, da 'ərlam ta ka dala, tek na ma nəkam ana hay ta na ma nəkam kakay ana hay, Koriwal ma bay hay, Gədaŋ ma bay hay, Bay me wey dala na hay, ta ndaw ma slafama me key tek gədaŋ ana hay tabiyaha, a kəmatərawa na ta har aŋga, ma vəlaya ma ŋga.

1 Tesalonisieŋ 2:12

La ka səmadakwar ba, la ka həladəmakwar bəzay ba, la ka ndzəkəmakwar hahay ba ka dəba, hayna mendzey kwar ka key na, andza na ma dawam ka vaw ta Bay ma Bəla ana, na ma zəlakwar a Slala ŋga me wezley dey ana.

1 Tesalonisieŋ 4:7

Akwa na, Bay ma Bəla a zəlandukurawa na, ma lakwa ka da ndzakwama da me zləɓey kakay, amana, a zəlandukurawa na ma da tərey kokwoɗ ahiya.

2 Tesalonisieŋ 2:14

A zələməkurawa kava na, ta Mey Wayna la: ma kuray ka ndzafam maram ma Bay’ərlam a lakwa Yezu Kriste.

1 Timotey 4:8

Akwa ma seɗəkey ma vaw na, a nefey a tek nekəɗey dada, ama me ndzey da me tsəney sləmay a Bay'ərlam na, a nefey da tek hay tabiyaha. Mendzey da me tsəney sləmay na, a vəley mendzey ekəɗey ana, a vəley mendzey na ka mey ana.

2 Timotey 1:9

Ŋga ma buwandukurawa, ma zəlandukurawa ta mezəley kokwoɗ ana, na ŋga na na, ka vəday ma mber a lakwa me key hayna kakay, amana ka vəday ma tek aŋga ma dzeley ana, ta hahaya ŋga. Hahaya na, ŋga na ma vəladandukurawa da Kriste Yezu ana, zla bəla ka zley tsaray kakay ana.

Ebrew 1:3

Bəzey ana hana na na, mewezley dey ma maram aŋga, ŋga na mey ’ərdey ma Bay’ərlam ana ɗerre, ŋga a zəgada bəla ta ma slafa ma guma ŋga. Andza ŋga ma ndaslada me bazləmey meŋgəsey ma ndaw hay ba na, ŋga me ndzey ta har zəmay ma Bay ma Bəla da Mekekəle hay.

1 Piyer 1:15

Amana, andza ma ndaw ma zələkurawa ana ŋga kokwoɗ aha na na, kuray tiyatsa na, təram kokwoɗ ahiya da mendzey kwar tabiyaha tey.

1 Piyer 1:5

a kuray, na gədaŋ ma Bay ma Bəla ma wafakwar vaw ta me pey 'ar ana, ma da ndzefey me buwey, ma da ɓey vaw ta pas madakwaydakw anay.

1 Piyer 2:21

Arka azlakwa a zələməkurawa na kava tok, hərway Kriste ana tiyatsa na, ka kawa tsetseh ba hərway kwar, ma mbəkakwar tek me tsey dey kava, ma ha səpama slam sek aŋga:

1 Piyer 2:9

Ama kuray na, kuray da me Səmbərey ma gaɗəma na, gwalay ma baba me key kuley ma 'ay Bay, ndaw ma dala kokwoɗ ana hay, səkway na ma vəla ha ma Bay ma Bəla na, ma kuray ka tələkadama mey ta tek ma ka hiya ɗuhwa hiya na hay, ma Ndaw ma zələkurawa da ləvaŋ, a waw me nəkey dey haya bəza kakay ana,

1 Piyer 3:9

Ndaw ka kakwar tek haya kakay ana ba na, ka da madəmara ke sele zlay, dakay ka tsaɗakwar ba na, ka da madəmara me tseɗey ana ka sele zlay; dzadzak na, pəsafəmata mey, hərway a zələməkurawa na kava, ma aza ha da ndzafam me pəsey mey tey.

1 Piyer 5:10

Bay ma Bəla ma hahaya tabiyaha na, ma zələkurawa ka maram aŋga me ndəvey kakay ana ta Kriste na na, ŋga na ta 'ar aŋga na, a da padakwar, andza kuray ka kam tsetseh ba da mendzey nekəɗey na; a da səmadakwar, a da vəlakwar gədaŋ, a da təradakwar na ka da taɓam aha sakay.

2 Piyer 1:10

Hərwuiya tok na malam a ɗaw hay, səkadama me key gədaŋ adiya ma səmada ma zəlawa kwar ta ma gaɗəmawa kwar; da me key andza ha na, sek a da hwadakwar aha a me təɗey dakay.

2 Piyer 1:2

Hayna hahaya ta zozoy ka safəkurawa haɗadzidzay, ta ma sərada Bay ma Bəla ta Yezu Bay’ərlam a lakwa.

2 Piyer 1:5

Ka mey ana ŋga na na tok na, səmadama gədaŋ a kwar tabiyaha: dzəmadama me pey 'ar a kwar ta me key tek hayna, a me key tek hayna na, a me sərey tek,

2 Piyer 1:6

a me sərey tek na, a me wey 'ar a vaw, a me wey 'ar a vaw na, matanduroŋ, a matanduroŋ na, me ɗemerey ’ar,

2 Piyer 1:8

Hərway ndaraw a neney hay daha da vaw kwar haɗadzidzay na, ka da ndzam aha mayaɗ ahiya, mandzara me key tek ana kava kakay, ma da sərada Bay’ərlam a lakwa Yezu Kriste.

2 Piyer 2:20

Haɗaw azlakwa ndaw ana ma ləhəmawa vaw ba da me zləɓey ma bəla neney, ta ma səradama Bay’ərlam a lakwa, ta Me buwey lakwa Yezu Kriste na, ka mbəkadama vaw ta ba meŋgəsey ka tarwaɗata, ka watar 'ar satsa na, me ndzey ta na, a da tərey na hayakakay aha a fəna na zlekete na.

2 Piyer 3:18

Amana, gəlam da hahaya ta ma sərada Bay’ərlam a lakwa, ta Mebuwey lakwa Yezu Kriste. Ŋga na, a wezley dey zla ekəɗey na, ha kasl ka pas ma me ndəvey kakay ana. Amen!