1 Piyer 4:3 - MEY HAYNA WAYNA MA YEZU KRISTE MA MEVEY

³ Akwa na ɗa ka dəba, ma kawa tek a kwar ana andza ma ndaw Zuif ahiya kakay ana hay ma wuɗam ana. Da ma ndzawa kwar da me tsəley so ha, da tek me sey, da mewey kwar, da ma zəmam tek a kwar kambəlaɓa, da me sey zom lamba ha, da ma nəmatar dəba kwar a ’ərlam so na hay me key hwaray ana.

1 Piyer 4:3 Iomraidhean Croise

Mark 7:22

me key madama, tek me sey kambəlaɓa na, me key seweɗ, me zləgey ndaw, me tsəley so, me ney dey, me tseɗey ndaw, me zlepey, wewer ma dəla.

Mber 17:30

Arka ekəɗey na, Bay ma Bəla ana mətaradata 'ar ba, ta har aŋga na hay, ndaw hay a səradama tek kakay ana, a ɓadatara ekəɗey tabiyaha a ndaw hay, kwa ka waray ka waray na, ka mbəɗadama mendzey ta hay.

Romeŋ 13:13

Ndzakwama da mendzey hayna, andza ta wuzla rəpas: mandzara me zəmey tek kambəlaɓa, me sey zom kambəlaɓa, mandzara me ney so, ta me tsəley so, mandzara me tərey vaw ta me ney dey.

1 Korintieŋ 12:2

Kuray ana ka səradama, da har ana ka səradama Bay'ərlam tsaray kakay na, ka dawam na dah 'ar ma da natar dəba a kuley ma ndəraya ta har ana hay, ma tsam guma kakay ana hay.

1 Korintieŋ 6:11

Nəkafama, kete na, kuray andza ha, dakay na, ndaw hay nekəɗey da walaŋ a kwar. Amana, ka pərmakwar tsoy, amana, ka təradəmakwar ba ndaw kokwoɗ ahiya, amana, ka təradəmakwar ba dzerey ahiya, ta mezəley ma Bay’ərlam Yezu Kriste, ta har ma Mesəfrey ma Bay ma Bəla.

2 Korintieŋ 12:21

I wesey naŋgarhay, ma da daɓa ɗaw a neney ta 'ay kwar ana na, Bay ma Bəla a ɗaw ka da paya hwaray a dey, ka slam dey kwar, ma i ka da tuway, hərway ma ndaw hay haɗadzidzay ma ŋgəsam mata zlekete na hay, mandzara ka mbəɗadama mendzey da me zləɓey ta, da me ndzey ta təɗe kakay ana, ta me tsəley ta na so kakay.

Galat 5:19

Mber ma slaw vaw hay na a səradəmata seŋgey: mewey ’ar so ha, me zləɓey, me tsəley so ha.

Galat 5:21

Tek me sey kambəlaɓa, me sey zom kambəlaɓa, me zəmey tek kambəlaɓa, a kam tek ana sa na hay andza ha sa tsa. Ndaw me key tek andza na ŋga na hay na, i ɓadakwar andza na i ma tsəkurawa na, a da zəmam aha slam da Slala ma Bay'ərlam kakay.

Efeziyeŋ 5:18

Ka da wam ta zom zlay, a dada ndaw a me zəɗey, ama hayna, rəham ta Mesəfrey.

1 Tesalonisieŋ 4:5

Mandzara tek me sey ka pafakwar wuiya andza ma ndaw Zuif ahiya kakay ana hay ma səradama Bay ma Bəla kakay ana zlay.

Ɗeriwel a Tit 3:3

Hərway, zlezle lakwa na tiyatsa na, la səradakwa 'ar kakay. I tsənakwama sləmay kakay, lakwa ma zləga hiya, beke ma tek me sey ahiya ta tek ma dey 'ar ana hay. Lakwa ma ndza hiya da suweɗ ta tek me sey haya kakay ana hay, i ŋgəlakwama dey ka ’ar vaw lakwa na hay kakay.

1 Piyer 1:14

Andza na ma bəzey ma tsənam sləmay ana hay na, ka da tələkam a tek me sey kwar a zlekete da har ka səradama Bay'ərlam tsaray kakay ana zlay.

Ɗeriwel ma Zud 1:4

Hərway ma mey na, ndaw hay daha ka fuləkumaɓa ba, ta mahal aha a walaŋ a kwar, me dzuwey ta na na, ma winda ha ba zla ka vaw, ma zləɓa vaw ahiya na, a mbəɗadama hahaya ma Bay ma Bəla ba, ta me tsəley so, arka na, a mbəɗamar mey a Miter a lakwa asləta na, Bay’ərlam Yezu Kriste na.