1 Piyer 1:3 - MEY HAYNA WAYNA MA YEZU KRISTE MA MEVEY

³ Hayna ma sambəra Bay ma Bəla Baba ma Bay’ərlam a lakwa Yezu Kriste, da ndaw aŋga ma kar da vaw bəza kakay ana na, ka yadandukurawa ba mekelehe, ta ma mbəlawa ma Yezu Kriste da walaŋ ma ndaw ma mətsa na hay, ma lakwa ka ndzafakwa me pey dey na me vəley mendzey ana,

1 Piyer 1:3 Iomraidhean Croise

Mey Hayna Wayna ma Yezu Kriste Zaŋ 1:13

Taya aŋga na ma ya hiya na, ma mambaz kakay, kwa da me wuɗey ma slaw vaw kakay, kwa ma me wuɗey ma ndaw kakay, amana ma Bay ma Bəla.

Romeŋ 12:12

Ndzam wuiya wuiya da me pey dey, kendzey kuray da viya na, zəgam mevel, ɗulam mey zarra.

Romeŋ 15:13

Hayna Bay ma Bəla ma me pey dey ana ka vəlakwar wuiya ta zozoy, ma da pey 'ar ta gədaŋ ma Mesəfrey Kokwoɗ ana, ma kuray ka rəham ta ma pey dey.

Romeŋ 4:25

a haɗəkadama na hərway ma meŋgəsey lakwa hay, mambəlawa ma da təradandakwar ndaw dzerey ahiya.

Romeŋ 5:10

Haɗaw azlakwa kete lakwa ndaw dugwan ma Bay ma Bəla ahiya na, ka dzəmadandakwar ba ka vaw ta me mətsey ma Bəzey ŋga sa na, dzadzak ekəɗey lakwa ma dzəmaya tsoy ka vaw tok na, a da buwandakwar ta Mendzey ŋga sakay tok ɗaw?

Romeŋ 8:11

Arka haɗaw Mesəfrey ma Ndaw ma mbəladərawa Yezu da walaŋ ma ndaw ma mətsa na hay, ma ndzaha da vaw kwar na, Ndaw ma mbəladərawa Yezu Kriste da walaŋ ma ndaw ma mətsa na hay, a da vəlatar mendzey tiyatsa a vaw kwar neney ma mətsey ana hay, ta Mesəfrey ŋga na ma ndzaha da vaw kwar ana.

Romeŋ 8:24

Hərway ka buwəmandakwar ba, amana ta ma pey dey. Akwa na, ka nəkada ha tek ta dey ɗek na, ma hutey ŋga na ta hutey sakay seŋgey. Tek na ma nəkadama na na, ma hutey ŋga na ta hutey sa ɗaw?

1 Korintieŋ 13:13

Ekəɗey tok na ma da ndzey səlekw na, tek a neney makar ana hay na: me pey 'ar, me pey dey ta ma wuɗa vaw, ama ma fənata ba na, ma wuɗa vaw.

1 Korintieŋ 15:20

Amana, a-ay, Kriste na, ka mbəlawa ba da walaŋ ma ndaw ma mətsa na hay, ndaw tsəfəmey ana da walaŋ ma ndaw ma mətsa na hay.

2 Korintieŋ 1:3

Hayna ma sambəra Bay ma bəla, Baba ma Bay’ərlam a lakwa Yezu Kriste, Baba na ndaw a kar da vaw ana, Bay ma Bəla ma mey 'ərev da tek hay tabiyaha na.

Galat 6:16

Ma ndaw ma səpama mewey ana tərre andza ha na hay na, zozoy ta ma pəsa mey ma Bay ma Bəla ka ndzey ta taya, ta səkway ma Bay Bəla tabiya ha.

Efeziyeŋ 1:17

Hayna Bay ma Bəla ma Bay’ərlam a lakwa Yezu Kriste, Baba na maram ma vəla ha ma ŋga na, ka vəlakwar mesəfrey ma ma səra 'ar, ka ɓadakwar kuray ka səradama dərka na.

Efeziyeŋ 1:3

Hayna ma səmbəra Bay ma Bəla Baba ma Bay’ərlam a lakwa Yezu Kriste, ka pəsafandakwar mey ba da ma pəsa mey hay tabiyaha ta Mesəfrey na Kriste ma sadərawa da ’ərlam ana.

Efeziyeŋ 1:7

Da me dzəmey vaw lakwa ta ŋga na, lakwa ma buwaya ba, ta har aŋga na, malay lakwa hay ma sa yam ahiya ba, hərway me zleley ma hahaya ŋga.

Efeziyeŋ 2:4

Ama Bay ma Bəla na, ndaw a kar da vaw bəza kakay, hərway ma ma wuɗa vaw ŋga na ɗuhwa ha na, ma wuɗandukurawa na,

Efeziyeŋ 3:20

A Ndaw ma slafa ta gədaŋ aŋga me key mber da vaw lakwa, me key a fəna, a fəna haya haya dzay sa ka na lakwa ma slafakwa ma tsəhakwa na ta na lakwa ma dzalakwa na,

Kolosieŋ 1:23

Ama a dafa ta me pey 'ar na, ha ndzam gədaŋ ahiya mandzara me wesey, mandzara ma mbəkada vaw kwar ka hələmakwar pərazl, tek a kwar ana ma hutam ana, Mey Wayna, na kuray ma tsənadəmərawa na zlay, na ma tələkadəmərawa mey a tek hay tabiyaha ma ka ahiya ka dala na, na yah Pol me tərey Bəzey me slərey ana.

Kolosieŋ 1:27

A wuɗey ma ɓadatara na, zleley ta, na me wezley dey, ma tek ana ma kəzla ha da walaŋ ma ndaw Zuif ahiya kakay ana hay: Kriste da walaŋ a kwar na me pey dey ma ma wezley dey!

1 Tesalonisieŋ 1:3

La sərafama ka me pey 'ar a kwar da tek a kwar ma kam, da ma wuɗa vaw, da ma vəlada vaw me key viya hərway ma ndaw hay, da me pey dey kwar ta matanduroŋ aha, da Bay’ərlam a lakwa Yezu Kriste, ka slam dey ma Bay ma Bəla Baba lakwa.

1 Tesalonisieŋ 4:13

Malam ala hay, la wuɗam ma mbəkadəmakwar mandzara ha səradama tek, ka guma ma ndaw ma mətsa na hay kakay, ma aza ha da ndzam da magwam andza ndaw me hutey tek ka mey kakay ana hay zlay.

2 Tesalonisieŋ 2:16

Hayna Bay’ərlam a lakwa Yezu Kriste na ta 'ar aŋga, ta Baba lakwa Bay ma Bəla, ma wuɗandəkurawa na, ma vəlandukurawa hahaya ŋga ma mey 'ərev na me ndəvey kakay ana, ta me pey dey hayna,

1 Timotey 1:14

Ayaw, hahaya ma Bay’ərlam na, ka batəkwafiyawa ba haɗadzidzay, satsa na, me pey 'ar ta ma wuɗa vaw da Kriste Yezu ana.

Ɗeriwel a Tit 2:13

Ma da hutada wuiya ma me pey dey lakwa, ta ma da ɓada maram ma Bay ma Bəla a lakwa ɗuhwa na, ta me buwey lakwa Yezu Kriste.

Ebrew 3:6

Ama Kriste a da key na, andza Bəzey, arka na ka 'ay ŋga na, 'ay ŋga na na, lakwa, kendzey andza lakwa ma səma vaw aya ta me pey 'ar, ta wuiya ma me pey dey na.

Ɗeriwel ma Zak 1:18

Andza ma ŋga me wuɗey ana na, ŋga ma yandukurawa da guma ma dərka, ma aza lakwa ka da tərakwama haləfaw tsəfəmey ana ma tek aŋga ma katərawa na hay.

1 Piyer 1:13

Hərway ma mey na, mevel a kwar ma həla vaw ahiya tsoy ka meslərey na, hayna wam daw ka vaw, da mendzey kwar tabiyaha na, pam dey na, ka hahaya ma da vələmakwar da ma da ɓawa vaw ma Yezu Kriste ana.

1 Piyer 1:21

Ta Kriste na, ka pam 'ar ka Bay ma Bəla, na ma mbəladərawa da walaŋ ma ndaw ma mətsa na hay, arka ma vəlar maram, ha me pey 'ar a kwar, ta me pey dey kwar ma pa ha na ka Bay ma Bəla na.

1 Piyer 1:23

Akwa na, kuray a neney ma yadəməkurawa mekelehe na na, a yadəməkurawa na, ta haləfaw na me zey ana kakay, amana, ta haləfaw na me zey kakay ana, ta guma ma Bay ma Bəla na ŋga ta dey ana ma tsoy aha na.

1 Piyer 2:2

Kal kal andza na ma wawa gwendez ahiya na na, wuɗam na 'uwa tsəzlakka ana ma Guma, ma aza ta ŋga na, kuray ka da gəlam a me buwey,

1 Piyer 3:15

amana səmbərama da mevel a kwar: Kriste na ŋga Bay’ərlam aha. Ndzam ka pas ka pas na, ma həla vaw ahiya, ma ɓada me pey dey kwar, ka slam dey ma ndaw ma da tsəhafəmakwar ana hay.

1 Piyer 3:21

Na ŋga na na, mey ’ərdey ma me dzuhəɓey ma buwakwar ekəɗey ana: ŋga na me bəzləmey luweɗ ma slaw vaw dada kakay, amana, ma vəladara vaw ŋga a Bay ma Bəla, da me dzeley 'ar hayna; a buwakwar ta ma mbəlawa ma Yezu Kriste,

1 Piyer 3:5

Ŋgwas a hay zlezle kokwoɗ ahiya, ma pəmawa 'ar ka Bay ma Bəla, a tsənəmatərawa sləmay a zel ata hay, a ləməma vaw na andza ha:

1 Zaŋ 2:29

Azlakwa ka səradama ha ŋga na dzerey aha sana, hayna səradama, kwa way way me key dzerey tiyatsa na, ma ya ha na da ŋga.

1 Zaŋ 3:3

Kwa way way me pey dey ka ŋga andza na ŋga na na, a da tərey na tsəzlakka, anza Yezu ana tsəzlakka na tey.

1 Zaŋ 3:9

Kwa way way ma ya ha da Bay ma Bəla na, a key meŋgəsey sakay, hərway haləfaw aŋga ma ndza ha da ŋga, arka na a slafa me ŋgəsey sakay, mavəday ŋga ma ya ha da Bay ma Bəla.

1 Zaŋ 4:7

Dzam a ɗaw hay, wuɗakwa vaw ka 'ar vaw lakwa na hay, hərway ma wuɗa vaw na a sawa da Bay ma Bəla, kwa way way ma wuɗey ndaw na, a bawa da Bay ma Bəla, arka na a husey a ma da sərada Bay ma Bəla.

1 Zaŋ 5:1

Kwa way way me pey 'ar Yezu na Kriste na, ŋga na ma ya ha da Bay ma Bəla. Arka kwa way way ma wuɗa Bay ma Bəla Baba na, a key na a wuɗa ndaw ana, ŋga na na ma yaha da Bay ma Bəla na.

1 Zaŋ 5:18

Ka səradakwaha, kwa way way ma yaha da Bay ma bəla na, a ŋgəsey sakay, ama Ndaw na ma yaha da Bay ma Bəla ana na, a da wafa vaw, arka Ndaw hayakakay ana na, slam har aŋga ka ŋga dakay.

1 Zaŋ 5:4

haɗaw azlakwa ndaw ma ya hiya da Bay ma Bəla ana hay tabiyaha ka zəgama 'ar ma sleɗ ba ka bəla na. 'Ar ma sleɗ ana ma zəga ha ka bəla na na, me pey 'ar a lakwa.