Suud 1:6 - Yiesu Lɑbɑmɑnn Muɑl Ni

⁶ Ii tiɑn mɑlɑkɑɑnbɑ nbɑ din k diɑ yiikuo nbɑ k Yennu din tul’b nɑn l sɔnu, k biɑ din yɑɑt k nyik b binbebuol nɑ po. Yennu bɑɑn’m bɑnt nbɑ sii be nɑn yuo nbɑ kɑɑ gbennu nɑ k lu’b sɑlk buotsunsunŋ nbɑ bɔn ni, k guu dɑgbenŋl nbɑ k u sɑɑ bu b buut nɑ.

Suud 1:6 Iomraidhean Croise

Mɑɑtieo 10:15

Bɑlmɔni e k n yien’i nɑ, dɑɑl nbɑ k Yennu tɑn sɑɑ bu niib buut nɑ, duo mɑnŋ niib tubdɑtu tɑn sɑɑ gɑl Suodonm tieb nɑn Guomuɔl tieb yɑl ɑ.»

Mɑɑtieo 25:41

«L puolpo, u tɑn sɑɑ jiɑnt k yet bin nbɑ sie u niigɑnŋ po nɑ ɑ: ‹Yinm nibiit nbɑ ŋɑn nɑn tubdɑtu nɑ, sietl nnɑ mɑn. Ii sɑɑ mɑn k sɑɑ kuɑ muu nbɑ di k kɑɑ kpienu nbɑ k Yennu din ŋɑnm k guun *Sɑɑtɑn nɑn u mɑlɑkɑɑnbɑ nɑ ni,

Mɑɑtieo 8:29

K b din yikn sɑnpɑɑpo wɑɑ k yien ɑ: «Fin Yennu Bijɑ, tinm nɑn fin, nlee mɑntk i? A bɑɑl nnɑ ɑ ɑ tɑn din’t fɑlɑ e, ŋɑɑn k l yuo nɑ dɑɑ k bɑɑl ii?»

Lɑbɑmɑnn nbɑ k Sɑn diɑn 8:44

I tie i bɑɑ *Sɑɑtɑn wɑɑs e, k luon k i tuun i bɑɑ mɑnŋ yɑnbuɑtuonɑ. Sinsinn u ponŋ din tie nikpiiluk o, k biɑ fɔk nɑn bɑlmɔni, k mɑɑn bɑlmɔni kɑɑ u ni nɑn wɑɑn ɑ. U i fɑɑl fɑɑk yuo nbɑ, l ponŋ tie u binbenŋ e, k mɑɑn wɑɑ tie fɑɑk dɑɑnɔ nɑ. Fɑi kul nyi u buol e.

Luonmtieb 2:5

Ŋɑɑn ɑ pɑl wɑki k ɑ lek k sɑk nɑn fɑn mɔ kuɑŋɑɑn k lebt binbenŋ nɑ, l pɑɑk, ɑ puki ɑ mɔnŋ fɑlɑ nbɑ k ɑ tɑn sɑɑ lɑ dɑɑl nbɑ k Yennu wutuol nɑ tɑn sɑɑ nyi pɑɑnu, k u tɑn sɑɑ bu niib buut nɑn bɑlmɔni,

Efestieb 6:12

K mɑɑn t k kɔn nɑn wun nbɑ mɔk gbɑnɑnt nɑn sɔn kɑɑ, ŋɑɑn t kɔn nɑn nɑlnbiit e nɑn b yiikuo dɑnm, nɑn mɔtɑɑnɑ *dulnyɑ bunbɔnn ni yudɑnm, nɑn sɑnpɑɑpo nɑlnbiit.

Hebluonbɑ 10:27

L i tie nnɑ i e, lin nbɑ ji biɑl tie tii tiin jɑŋmɑɑni e, kii guu lin nbɑ sɑɑ bɑɑl. Ŋɑnn e tie buut nɑn muciɑɔnŋ nbɑ tɑn sɑɑ biil Yennu dɑtɑi nɑ.

2 Piɑl 2:4

K mɑɑn Yennu din k nyik mɑlɑkɑɑnbɑ nbɑ din tun biit nɑ tubdɑtu. Ŋɑɑn u din lol’b jɑlt k lu’b buotuk nbɑ sumi bonciɑnn k biɑ mɔk muu nbɑ kɑn mi kpien nɑ ni, k b sii be l ni mɔkmɔk nɑn dɑɑl nbɑ k u tɑn sɑɑ bu b buut.

2 Piɑl 2:9

Ŋɑnn e k Yonmdɑɑnɔ Yennu mi biɑnŋ nbɑ k u sɑɑ fɑt niib nbɑ tiin’ɔ, k nyinn’b muksuk ni, ŋɑɑn dɑt biitdɑnm tubɑ mɔkmɔk nɑn dɑɑl nbɑ k u tɑn sɑɑ bu b buut nɑ.

Suud 1:13

B tie nɑn mɔkgbenŋl nyunpɑnɑ nbɑ fi k pukl nɑn jɑknt nɑ e. B biɑ tie nɑn ŋmɑɑbilɑ nbɑ tuu ŋɑbl k lin nɑ e, k bunbɔnciɑɔnŋ nbɑ kɑɑ gbennu be k guu’b.

Fiitu 20:10

K b jii Sɑɑtɑn nbɑ kpɑnn tingbounŋ nɑ niib nɑ, k lu’u buotsunsunŋ nbɑ gbie nɑn muu k sɑlwuutɑ di nɑn’n nɑ ni, siɑn nbɑ k b dɔnŋ lu bonkobuk nɑ nɑn u fɑɑk sɔkni nɑ. Lenŋ e k l sɑɑ muks’b yennu ni nɑn nyiɑɔk mɔkmɔk nɑn yuo nbɑ kɑɑ gbennu.

Fiitu 20:2

k u suol timunt nbɑ din tuu be nɑ wɑɑ, k tie Sɑnbiiltuɑ ɑmi *Sɑɑtɑn nɑ, k lol’ɔ k u sii be binɑ tusl,