Suud 1:3 - Yiesu Lɑbɑmɑnn Muɑl Ni

³ N yuɑsnbɑ, n ninbinn dɑɑn mɔn nɑn k n diɑn kɑdɑɑɔk k tul’i k sɑɑn gɑɑn fielu nbɑ tie t kul yɑl nɑ po. Ŋɑɑn mɔtɑɑnɑ l ji kpɑɑ tɑlɑs k n diɑn k cie i pɑlɑ. I yɑbl i mɔnŋ kii diɑ yɑdɑ nbɑ k Yennu din tul u niib kul tɑɑl yonm kuɑ nɑ.

Suud 1:3 Iomraidhean Croise

Tuonɑ 17:3

k wɑnn’b ɑ Yennu mɑɑn nbɑ wɑnt bɑnnu nbɑ nɑ pɑɑk e nɑ, *Klistu din sɑɑ bɑɑl k di fɑlɑ, k kpo, k biɑ fiil kuun ni k jen u mɑnfuol ni. Pɔul din yet’b ɑ: «Yiesu nbɑ nɑ e k n piɑk’i u po, ŋuɑ e tie Klistu mɑnŋ.»

Tuonɑ 18:28

k mɑɑn ŋuɑ nɑn Suifnbɑ nbɑ din tɑn noi nɑn lieb, k u din jikt Yennu lolkpel kɑdɑɑɔk, k wɑnt’b ɑ Yiesu e set tie Klistu k din pɑk nɑn pɑnŋ k nyɑnn’b niwol ni.

Tuonɑ 20:27

k mɑɑn n k mi k fɔlnt k ŋmɑt puolpo nɑn k n muɑnt Yennu nbɑ luon lin nbɑ nɑ kul k wɑnn’i.

Tuonɑ 28:28

K Pɔul biɑ ŋɑnm yet ɑ: «Yennu tul u lɑbɑmɑnn ɑ niib nbɑ k tie Suifnbɑ n lɑ fielu e.»

Tuonɑ 4:12

K suɑ sɑnn ji kɑɑ tingbounŋ nɑ ni k Yennu tul niib ɑ bin lɑ fielu, sie Yiesu kuukuɑ.»

Tuonɑ 6:7

L puolpo e k Yennu mɑɑn ŋɑnmt k yɑt kuɑ niib ni, k Yiesuweilɑ mun biɑ yɑbtl k puki bonciɑnn Selusɑɑlenm, k Yennu mɑnntieb bonciɑnn sɑk Yiesu lɑbɑmɑnn k tien’ɔ yɑdɑ.

Tuonɑ 9:13

K Anɑɑniɑs jiin ɑ: «N Yonmdɑɑnɔ, niib bonciɑnn e piɑk juɑ nɑ po, k jikt sɑɑ biɑnŋ nbɑ kul k u tuun bonbiil k tien ɑ mɔnŋ niib Selusɑɑlenm.

Tuonɑ 9:22

Ŋɑɑn k Sɔul muɑnti mɑnŋ biɑ lek ŋɑnmt k puki nɑn yiikuo, k Suifnbɑ nbɑ be Dɑɑmɑɑs nɑ k fit jiin’ɔ siɑl, yuo nbɑ k u wɑnt nɑn Yiesu e set tie *Klistu k bilsuk kɑɑ nɑ.

1 Kuolent-tieb 15:3

K mɑɑn n din yet’i lɑbɑɑl nbɑ k n mun din gɑɑl nɑ, k l tie bɑljɑɑnn k gɑl mɑɑn kul ɑ. *Klistu din gɑɑl tinm biitdɑnm pɑɑk k kpo, nɑn lɑɑ ponŋ din diɑn Yennu lolkpel kɑdɑɑɔk ni biɑnŋ nbɑ nɑ,

Gɑɑlɑɑt-tieb 2:5

Ŋɑɑn tɑɑ mun luon tin diɑ lɑbɑmɑnn nɑn l bɑlmɔni sɔnu k tul’i nɑ pɑɑk, t k sɑk tul’b nɑn wɑɑnm-nnɑ wɑɑ.

Gɑɑlɑɑt-tieb 3:28

L pɑɑk, bɔktu ji k be bin nbɑ tie Suifnbɑ nɑn bin nbɑ k tie Suifnbɑ sinsuuk ni, l biɑ k be bin nbɑ tie dɑɑbɑ nɑn yent-n-mɔnŋ dɑnm sinsuuk ni. Bɔktu biɑ k be puob nɑn jɑb sinsuuk ni. Yɑɑ be Yiesu Klistu ni nɑ pɑɑk e te k i kul ɑ tie yenɔ kuɑ.

Gɑɑlɑɑt-tieb 6:11

Tɔn, gotl mɑn mɑɑ diɑn nɑnmgbenŋɑ nɑn n mɔnŋ mɔnŋ nuu bɑnnu nbɑ.

Efestieb 1:1

Min Pɔul wun nbɑ k Yennu gɑnn’n ɑ n tien Yiesu *Klistu *tuomi nɑ, fuont bin nbɑ tie Yennu yɑb k be Efes duo ni, k tien Yiesu Klistu yɑdɑ nɑ.

Fiiliiptieb 1:1

Min Pɔul nɑn Tiimuote, tinm nbɑ tie Yiesu *Klistu tuontunnɑ nɑ e diɑn kɑdɑɑɔk nɑ k tien bin nbɑ tie Yennu niib Yiesu Klistu ni k be Fiiliip nɑ, nɑn b jɑɑnti ni yudɑnm nɑn b * sonmtieb.

Fiiliiptieb 1:27

Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.

Kuoluostieb 1:2

k tien yinm nbɑ tie Yennu niib k be Kuoluos duo ni, k tie t nɑɑ wɑɑs nbɑ tien Klistu yɑdɑ nɑ. T Bɑɑ Yennu ii mɔk ninkpɑbɑɔnŋ nɑn’i k biɑ tul’i mɑnu.

1 Tesɑɑluoniiktieb 2:2

I mi nɑn tɑɑ din be Fiiliip duo ni nɑ, b din dint’t fɑlɑ k suki’t. Nɑn nisiɑb nbɑ lek din k tɑɑ t po cɑin nɑ, ŋɑɑn Yennu din cie t pɑlɑ k t muɑnt lɑbɑmɑnn tul’i.

1 Tiimuote 1:18

N bik Tiimuote, n jikt kpɑɑni mɑnŋ k tie ɑ nuu ni, k l tɑɑ nɑn sɔkniinbɑ nbɑ din pɑk ɑ po siɑn yuo nbɑ gɑl nɑ. Jiin mɑɑn mɑnŋ k tien’l ɑ jɑtiɑt k kɔn kunkɔnŋɑnn,

1 Tiimuote 6:12

A yɑdɑ pɑɑk kɔnin kunkɔnŋɑnn, k suol mɑnfuol nbɑ kɑɑ gbennu nbɑ k Yennu din yiin’ɑ ɑ fɑn gɑɑl yuo nbɑ k ɑ din nyinn ɑ mɔnŋ siɑlŋɑnn niib bonciɑnn nunm ni nɑ.

2 Tiimuote 1:13

Jiin mɔmɔnm nbɑ k n din tul’ɑ nɑ, k fit bɑnn wɑnnu nbɑ ŋɑn k cie lin nbɑ nɑ, kii diɑ’l nɑn yɑdɑ nɑn lonm nbɑ k t mɔk Yiesu Klistu ni.

Tiit 1:4

N dɑ kɑdɑɑɔk nɑ k tien fin Tiit wun nbɑ tie n bimɔnŋ k t tɑɑ yɑdɑ yenn kuɑ nɑ. Bɑɑ Yennu nɑn t Fietuɑ Yiesu Klistu ii mɔk ninkpɑbɑɔnŋ nɑn’ɑ k biɑ tul’ɑ mɑnu.

Hebluonbɑ 13:22

N nɑɑ wɑɑs, n bɑln’mi e, i di suklu k gbiint kpɑɑni nɑ, k mɑɑn mɑɑ diɑn kɑdɑɑɔk nbɑ tul’i nɑ k fɔk.

Hebluonbɑ 6:9

T yɔnimɔni, tɑɑ lek piɑk lin nbɑ nɑ, ŋɑɑn t k mɔk bilsuk i po. T mi nɑn i tɔk sɔnŋɑnu e, fielu sɔnu.

1 Piɑl 5:12

Siilɑɑs wun nbɑ k n mi nɑn u tie t nɑɑ bik nɑn bɑlmɔni nɑ, ŋuɑ e sonm’n k n diɑn kɑdɑɑɔk nbɑ k fɔk nɑ, ɑ n cie i pɑlɑ, k kpɑɑn’i, ɑ ŋɑnn e tie Yennu ninkpɑbɑɔnŋ nɑn bɑlmɔni. L pɑɑk, ii diɑ’l fɑnu mɑn.

2 Piɑl 1:1

Min Siimɔn Piɑl, wun nbɑ tie Yiesu *Klistu tuontunnɔ nɑn u *tuomi nɑ e dɑ kɑdɑɑɔk nɑ k tien bin nbɑ lɑ yɑdɑ Yennu nbɑ tuun lin nbɑ ŋɑn nɑn t Fietuɑ Yiesu Klistu nɑ buol nɑ, k b yɑdɑ mɑnŋ mun ŋɑn k tul Yennu nɑn t yɑl nbɑ ŋɑn bɑnnu nbɑ nɑ.

2 Piɑl 2:21

B i bo i kii mi binbenŋ nbɑ gbuot Yennu nunm, l bo sii sɔ nɑn bɑɑ bɑnn’l ŋɑɑn ji k sɑk Yennu sennu nbɑ k b din gbɑt nɑ.

Suud 1:1

Min Suud wun nbɑ tie Yiesu *Klistu tuontunnɔ, k biɑ tie Sɑɑk ninjɑ nɑ e dɑ kɑdɑɑɔk nɑ k tien niib nbɑ k Bɑɑ Yennu yiin’m k luon’m, k Yiesu Klistu guu’b nɑ.

Suud 1:17

N yuɑsnbɑ, i tiɑn mɑn mɑɑn nbɑ k t Yonmdɑɑnɔ Yiesu Klistu tuomiinbɑ din yet nɑ.

Suud 1:20

Ŋɑɑn n yuɑsnbɑ, i cie i pɑlɑ mɑn, i yɑdɑ nbɑ nyii Yennu tiɑɔnŋ buol ni nɑ pɑɑk, kii mei Yennu Foŋɑnm yiikuo ni,

Fiitu 12:11

Pebik nɑ sɔn nɑn u lɑbɑmɑnn nbɑ k b muɑntl nɑ pɑɑk e k b nyɑnn nyɑnnu, k b din yit b mɑnfuol sɑlk e k gɑɑl kuun.

Fiitu 2:10

A dɑɑ tiin jɑŋmɑɑni nɑn fɑlɑ nbɑ bɑɑt ɑ pɑɑk nɑ. Sɑɑtɑn sɑɑ kuɑn i siɑb dɑnsɑlk ni k bikn’m. I tɑn sɑɑ lɑ muksuk fɑlɑ k sɑɑ diɑn dɑɑ piik. Ii wɑɑ n mɔb, k l i lek i tie kuun i e, k n tɑn sɑɑ pi’ɑ mɑnfuol foklk.›