Sɑɑk 1:3 - Yiesu Lɑbɑmɑnn Muɑl Ni

³ k mɑɑn i mi nɑn l i tie k biknu bɑɑl ŋɑɑn k i lek be i yɑdɑ ni, l bɑɑt nɑn suklu e.

Sɑɑk 1:3 Iomraidhean Croise

Lɑbɑmɑnn nbɑ k Luk diɑn 21:19

Ii diɑ mɑn fɑnu mɑn, k i tɑn sɑɑ lɑ mɑnfuol nbɑ kɑɑ gbennu.

Luonmtieb 15:4

Lin nbɑ kul diɑn Yennu lolkpel kɑdɑɑɔk ni nɑ, l diɑn k tul’t ɑ tii tumi e. U mɑɑn mɑnŋ tien’t suklu, k biɑ kuɑnt’t pɑlɑ, ɑ tii mɔk dindɑnn.

Luonmtieb 2:7

Bin nbɑ ninbinɑ mɔn nɑn bii tuun tuonŋɑnɑ k lɑ pɑku nɑn bɑɑkl nɑn mɑnfuol nbɑ kɑɑ gbennu nɑ, ŋɑnm e k Yennu sɑɑ tul’b mɑnfuol nbɑ kɑɑ gbennu mɑnŋ.

Luonmtieb 8:25

Ŋɑɑn t i mɔk dindɑnn nɑn lin nbɑ k t k lɑɑt pɑɑk, ŋɑnn ŋɑnin, t ji tuu guu nɑn suklu e.

Luonmtieb 8:28

Bin nbɑ k Yennu yiin’m nɑ, u mɔk lin nbɑ pɑɑk k u yinm e, k b mɔk lonm nɑn’ɔ, k t mi nɑn lin nbɑ kul tuun nɑ, u te k l tien bonŋɑnn k tien ŋɑnm e.

2 Kuolent-tieb 4:17

L pɑɑk, fɑlmintk nbɑ k t di k l kɑn wei nɑ, l tɑn sɑɑ bɑɑl nɑn dontl nbɑ yɑb k kɑɑ gbennu k tul’t, k dontl mɑnŋ biɑ tɑn sii yɑb k gɑl t fɑldinu nɑ bonciɑnn.

Kuoluostieb 1:11

T mei Yennu ɑ wun jii u yiikuo nbɑ yɑb nɑ k tul’i pɑnŋ. K yin fit kii mɔk pɑlmɑɑsl yuo nbɑ k fɑlɑ bɑɑl’i.

2 Tesɑɑluoniiktieb 1:4

L pɑɑk te k t mɔk yugontl i pɑɑk Yiesu mɔtɑɑɔk niib sinsuuk ni, nɑn yɑɑ lɑɑt muksuk nɑn fɑlɑ ŋɑɑn mɔk gbɑnkul nɑn yɑdɑ nɑ.

2 Tesɑɑluoniiktieb 3:5

Yonmdɑɑnɔ mɑnŋ n sonm’i k yin bɑnn Yennu nbɑ luon’t biɑnŋ nbɑ, k biɑ sonm’i k yin bɑnn suklu nbɑ k Klistu tien’t nɑ.

Hebluonbɑ 10:36

L ŋɑn k yii mɔk suklu, k fit tun Yennu nbɑ luon lin nbɑ nɑ, k lɑ wɑɑ din senn mɔsonn ɑ u sɑɑ tul’t lin nbɑ nɑ.

Hebluonbɑ 12:1

Nibul nɑ kul tie siɑlɑɑdɑnm e k lint’t. L pɑɑk, ŋɑɑnt k tin yɑbl k fok lu lin nbɑ kul sɑɑ guɑl’t *Klistu sɔnu ni, nɑn biit nbɑ sɑɑ suol’t. Ŋɑɑnt k tin di suklu k gbɑɑ gbɑɑl nbɑ yɑɑ lin bɑɑl’t nɑ.

Hebluonbɑ 6:12

T k luon k yii tie gbɑn-nyɑkdɑnm kɑɑ, ŋɑɑn t luon k yii wɑɑ bin nbɑ mɔk yɑdɑ nɑn suklu e. Ŋɑnm e gɑɑn bonŋɑnɑ nbɑ k Yennu din senn mɔsonn nɑ.

1 Piɑl 1:7

Fɑlɑ mɑnŋ biki’i, ɑ lin lɑɑn i tien Klistu yɑdɑ fɑnu ɑmi ii? Sɑlmɑ sɑɑ fit k biil, ŋɑɑn b tuu jii’l k tien muu ni e, ɑ bin lɑɑn l ŋɑn ɑmi l k ŋɑn. L mun biɑ tie nnɑ e nɑn i yɑdɑ. I yɑdɑ ŋɑn k cie sɑlmɑ, ŋɑɑn k Yennu biki i yɑdɑ mɑnŋ. L pɑɑk, Yiesu Klistu nbɑ tɑn sɑɑ dɔkt, i sɑɑ lɑ sɑnn nɑn dontl nɑn *yudɑnt, i yɑdɑ ŋɑnt pɑɑk.

2 Piɑl 1:6

k biɑ pukn mɔnŋdiɑnu i bɑnnu mɑnŋ pɑɑk, k biɑ pukn suklu i mɔnŋdiɑnu mɑnŋ pɑɑk, k biɑ pukn binbenŋ nbɑ gbuot Yennu nunm i suklu pɑɑk,