Sɑɑk 1:2 - Yiesu Lɑbɑmɑnn Muɑl Ni

² N nɑɑ wɑɑs, ii mɔk mɑn pɑlpienn yuo nbɑ k i di fɑlɑ buolu buolu nɑ,

Sɑɑk 1:2 Iomraidhean Croise

Tuonɑ 5:41

Ŋɑnn mɑnŋ e k tuomiinbɑ mɑnŋ nyii tituk kɑɑnu nɑ ni nɑn pɑlpienn, Yennu nbɑ lɑ k b jɑnŋ nɑn fei dinu, Yiesu sɑnn pɑɑk nɑ.

Luonmtieb 5:3

Nɑn l kul nɑ, t biɑ mɔk pɑlpienn t fɑldinu ni, k mɑɑn t mi nɑn fɑldinu bɑɑt nɑn gbɑnkul e,

Fiiliiptieb 1:29

K mɑɑn Yennu cɑb’i ɑ yin tun k tul Klistu k l k tie yɑɑ tien’ɔ yɑdɑ nɑ kuukuɑ pɑɑk kɑɑ, ŋɑɑn l biɑ tie yɑɑ di fɑlɑ u pɑɑk nɑ.

Fiiliiptieb 2:17

L i tie k n yit n mɑnfuol sɑlk k pukn fɑlɑ nbɑ k n ponŋ dii k l nɑɑn *mɑlunŋ nɑ, nɑn tuonɑ nbɑ k n tuun pɑɑnu ni ɑ yin tien yɑdɑ, n pɑl bo sii pien k n biɑ sii mɔk pɑlpienn nɑn i kul ɑ.

Fiiliiptieb 2:18

L biɑ ŋɑn k i pɑlɑ n penn k yii biɑ kii mɔk pɑlpienn nɑn’n.

Kuoluostieb 1:24

K mɔtɑɑnɑ n mɔk pɑlpienn fɑlɑ nbɑ k n di i pɑɑk nɑ ni, k mɑɑn mɑɑ di fɑlɑ mɑnŋ biɑnŋ nbɑ, n tontl Klistu fɑlɑ dinu nbɑ tenn u gbɑnɑnt pɑɑk nɑ e. Gbɑnɑnt mɑnŋ e tie u mɔtɑɑɔk niib nɑ.

Hebluonbɑ 10:34

I din mɔk ninbɑtinu nɑn bin nbɑ be dɑnsɑli ni, k siɑn-yuo bin din tɑn fɑt i fɑɑl, ŋɑɑn k i din gɑɑl l fɑlɑ nɑn pɑlpienn, k mɑɑn i din mi nɑn i mɔk mɔktuk nbɑ ŋɑn k cie tingbounŋ ni yɑl k biɑ sii be nɑn yuo nbɑ kɑɑ gbennu.

Sɑɑk 1:12

Bin nbɑ nyɑnn jɑnmi nɑ, pɑlpienn tie b yɑl e, k mɑɑn wuu nyɑnn jɑnmi gbenn yuo nbɑ, u sɑɑ lɑ mɑnfuol nbɑ k Yennu din senn mɔsonn, mɑnfuol nbɑ k u din senn mɔsonn, ɑ u sɑɑ tul bin nbɑ luon’ɔ nɑ.

Sɑɑk 1:16

N nɑɑ wɑlonkɑi, i dɑɑ te k siɑl kpɑnn’i ni.

Sɑɑk 1:19

N nɑɑ wɑɑs, n luon yin bɑnn nɑ e. Ii gbiintl yiɑn, ŋɑɑn kii mi biɑnŋ nbɑ k i piɑk, k biɑ dɑɑ dont wutuol yiɑn yiɑn,

Sɑɑk 5:11

L nibuolu nbɑ mɔk gbɑnkul nɑ, t yi’b pɑlpienn dɑnm e. I ponŋ gbɑt Job nbɑ din tɑn mɔk gbɑnkul biɑnŋ nbɑ nɑ, k i mi lin nbɑ k Yonmdɑɑnɔ din tun k tul’ɔ l puolpo, k mɑɑn Yonmdɑɑnɔ gbie nɑn ninbɑtinu k biɑ goli nisɑɑli fɑnu.

2 Piɑl 2:9

Ŋɑnn e k Yonmdɑɑnɔ Yennu mi biɑnŋ nbɑ k u sɑɑ fɑt niib nbɑ tiin’ɔ, k nyinn’b muksuk ni, ŋɑɑn dɑt biitdɑnm tubɑ mɔkmɔk nɑn dɑɑl nbɑ k u tɑn sɑɑ bu b buut nɑ.

Fiitu 2:10

A dɑɑ tiin jɑŋmɑɑni nɑn fɑlɑ nbɑ bɑɑt ɑ pɑɑk nɑ. Sɑɑtɑn sɑɑ kuɑn i siɑb dɑnsɑlk ni k bikn’m. I tɑn sɑɑ lɑ muksuk fɑlɑ k sɑɑ diɑn dɑɑ piik. Ii wɑɑ n mɔb, k l i lek i tie kuun i e, k n tɑn sɑɑ pi’ɑ mɑnfuol foklk.›