I k mi nɑn bin nbɑ tuun bonbiil nɑ tɑn kɑn lɑ yiɑl Yennu nɑɑn ni ii? I dɑɑ kpɑnn i mɔnŋ. Bin nbɑ tie juonbɑɑlt ɑmi pɑtmɑnnɑ ɑmi boncunconɑ ɑmi jɑb nbɑ mɔk niɑɔnŋ k duɑ nɑn b jɑlieb
N yɔnimɔni, mɑɑ din be i buol ni k i din sɑk n mɔb yuo kul nɑ, k mi i lek i kɑɑ i buol ni, l biɑ kpɑɑ tɑlɑs k yin sɑk n mɔb. I yɑbl k tont i fielu tuonn nɑn yentinu nɑn gbɑnɑnjijekt mɑn.
L pɑɑk, n nɑɑ wɑɑs, yinm nbɑ k n luon’i, k luon k n lɑ’i nɑ, yinm e te k n mɔk pɑlpienn nɑn yugontl. N nɑɑ wɑlonkɑi, setl fɑnu mɑn Yennu sɔnu ni, Yonmdɑɑnɔ tuɑnn.
I dɑɑ te k suɑ diɑ nisɑɑlk yɑn nɑn kpinkpɑnn-yɑnɑ k kpɑnn’i. L dudukt nyii nisɑɑli tuonɑ ni nɑn tingbounŋ nnɑ nɑlnbiit buol e. L k nyii Klistu buol ni kɑɑ,
N nɑɑ wɑlonkɑi, gbiintl mɑn, Yennu e lukt bin nbɑ tie nɑndɑnm tingbounŋ nɑ niib buol, ɑ bin tien mɔktɑ b yɑdɑ ni, k tien u wɑɑs nbɑ sɑɑ di nɑɑn nbɑ k u din senn mɔsonn, ɑ u sɑɑ tul bin nbɑ luon’ɔ nɑ.
N nɑɑ wɑɑs, i dɑɑ piɑk mɑbiit lieb pɑɑk. Wun nbɑ piɑk mɑbiit u nɑɑ bik pɑɑk ɑmi bu u buut nɑ, l tie *senni e k u piɑk mɑbiit l pɑɑk k bu l buut. K mɑɑn l i tie k ɑ bu senni nɑ buut i e, ɑ k tie wun nbɑ sɑɑk’l kɑɑ, ŋɑɑn ɑ tie l bɑlbuulɔ e.
N nɑɑ wɑɑs, lin nbɑ kpɑɑ tɑlɑs tie nɑ e: i dɑɑ puol mɔpolɑ. I dɑɑ yi sɑnpɑɑpo ɑmi tingbounŋ ɑmi bonsiɑl kul sɑnn k puol mɔpolɑ. Ŋɑɑnt k i nnn i tie i nnn, k i ɑɑi i tie ɑɑi, k Yennu tɑn dɑɑ dɑɑl i tubɑ.
