Luonmtieb 9:32 - Yiesu Lɑbɑmɑnn Muɑl Ni

³² Bee k b din kɔnŋ i? B din k kol ɑ Yennu n yet ɑ b tie niŋɑnm u tuɑnn b yɑdɑ pɑɑk, ŋɑɑn b din kol ɑ wun yet ɑ b tie niŋɑnm u tuɑnn b tuonɑ pɑɑk e. B gbiɑt tɑngbiɑtkɑl e k bɑɑ,

Luonmtieb 9:32 Iomraidhean Croise

Mɑɑtieo 13:57

Lin nbɑ nɑ pɑɑk b din k tien’ɔ yɑdɑ. Ŋɑnn e k u din yet’b ɑ: «Yennu sɔkni k kɔnŋt nibɑɑkl, sie u mɔnŋ mɔnŋ duo ni, nɑn u ŋɑɑtieb buol ni.»

Lɑbɑmɑnn nbɑ k Luk diɑn 2:34

K Siimeɔn tul’b yetŋɑnm, ŋɑɑn yet bik nɑ nɑɑ Mɑɑli ɑ: «Nnɑlɑ, Yennu nyinn bik nɑ k senn’ɔ ɑ Islɑɑeltieb bonciɑnn n bɑɑ yɑnn u pɑɑk, k lieb bonciɑnn mun biɑ tɑn sɑɑ lɑ fielu u pɑɑk e. Ŋuɑ e tɑn sii tie nyinn nbɑ k niib bonciɑnn tɑn kɑn sɑk l mɑɑn.

Lɑbɑmɑnn nbɑ k Luk diɑn 7:23

Pɑlpienn tie wun nbɑ kɑn nyi u yɑdɑ ni nɑ yɑl e.»

Luonmtieb 10:3

B k mi sɔnu nbɑ te k Yennu yet ɑ niib tie niŋɑnm u buol, ŋɑɑn luon b mɔnŋ sɔnu, k l pɑɑk, b k jii b mɔnŋ k lol nɑn Yennu sɔnu nɑ.

Luonmtieb 11:11

N boi biɑk k lɑɑn Islɑɑeltieb din gbiɑt k bɑɑ k ji k fit fiil ɑmi? Aɑi, l k tie nnɑ kɑɑ. Bɑɑ tun biit nɑ pɑɑk, k Yennu fiel bin nbɑ k tie *Suifnbɑ nɑ. Yennu tun nnɑ ɑ ŋɑnm Suifnbɑ nɑ i mɔk *funfunn bin nbɑ k tie Suifnbɑ nɑ pɑɑk.

Luonmtieb 4:16

L pɑɑk, Yennu mɔsonn sie yɑdɑ nɑ pɑɑk e, ɑ lii tie piini nbɑ nyii Yennu buol kii biɑ kii tie Ablɑɑhɑɑnm yɑɑbuonɑ kul yɑl. L k tie bin nbɑ wɑɑ senni nɑ kuukuɑ yɑl kɑɑ, ŋɑɑn bin nbɑ kul tien Yennu yɑdɑ nɑn Ablɑɑhɑɑnm nbɑ din tien biɑnŋ nbɑ. Ablɑɑhɑɑnm e tie t kul ɑ bɑɑ,

1 Kuolent-tieb 1:23

ŋɑɑn tinm ŋɑnin muɑntl k wɑnt’b ɑ Klistu din kpo dɑpunpunn pɑɑk e, k mɑɑn mɑnŋ mɔk fei Suifnbɑ nunm ni, k biɑ tie jɑtmɑɑn k tien bin nbɑ k tie Suifnbɑ.

1 Piɑl 2:6

K mɑɑn l diɑn Yennu lolkpel kɑdɑɑɔk ni, ɑ u yet ɑ: «Gotl, n lukt tɑnn k bil *Siiɔn duo ni, k l tie tɑnn nbɑ tien fiɑkl pɑnŋ, k l biɑ ŋɑn bonciɑnn, k wun nbɑ kul tien’ɔ yɑdɑ nɑ, u kɑn di fei.»

1 Piɑl 2:8

L biɑ diɑn ɑ: «Tɑnn mɑnŋ e k niib gbiɑtl, tɑnpiiuk mɑnŋ e lubn niib.» Bɑɑ k sɑk Yennu mɑɑn pɑɑk e k b gbiɑtl nɑn wɑɑ din senn’b biɑnŋ nbɑ nɑ.