Luonmtieb 8:38 - Yiesu Lɑbɑmɑnn Muɑl Ni

³⁸ K mɑɑn, n mi fɑnu nɑn siɑl kɑɑ k sɑɑ fit bɔkt tinm nɑn Klistu lonm, kuun ɑmi mɑnfuol ɑmi *mɑlɑkɑɑnbɑ ɑmi nɑlnbiit ɑmi lin nbɑ tie mɔtɑɑnɑ ɑmi lin nbɑ tɑn sɑɑ tien ɑmi

Luonmtieb 8:38 Iomraidhean Croise

Lɑbɑmɑnn nbɑ k Sɑn diɑn 10:28

k n tien’m mɑnfuol nbɑ kɑɑ gbennu, k b kɑn mi k kpo, k suɑ biɑ kɑɑ k sɑɑ fit fɑt’b n nuu ni.

Luonmtieb 14:7

Suɑ kɑɑ k be k fo u yul pɑɑk, ɑmi k kpenn u mɔnŋ lonm kuun.

Luonmtieb 14:8

T i fo, t fo k dont Yonmdɑɑnɔ sɑnn e. T i mun i biɑ kii kpo, t kpo Yonmdɑɑnɔ sɑnn ni e. Tɔn, t i fo ɑmi t i sɑɑ kpo i e, t tie Yonmdɑɑnɔ yɑb e.

Luonmtieb 4:21

U mɑntk din mi k k bils nɑn Yennu mɔk yiikuo k set sɑɑ fit tun lin nbɑ k u senn nɑ.

Luonmtieb 6:23

K mɑɑn biit nyuɑt tie kuun e, ŋɑɑn Yennu piini nbɑ k u tien’t yɑnn nɑ tie mɑnfuol nbɑ kɑɑ gbennu e, t Yonmdɑɑnɔ Yiesu Klistu pɑɑk.

1 Kuolent-tieb 15:24

L puolpo k l juontu tɑn sɑɑ bɑɑl, k u tɑn sɑɑ nyɑnn nɑɑndinu kul, nɑn yent nɑn yiikuo kul, ŋɑɑn jii nɑɑn nɑ k tul u Bɑɑ Yennu.

2 Kuolent-tieb 11:14

L k tie lin nbɑ mɔk yɑɑl-lituk kɑɑ. Nnɑ e k *Sɑɑtɑn tiɑɔnŋ nɑnt u mɔnŋ nɑn yentu *mɑlɑkɑ nɑ.

2 Kuolent-tieb 4:13

L diɑn Yennu lolkpel kɑdɑɑɔk ni ɑ: «Mɑɑ tien yɑdɑ nɑ pɑɑk te k n pɑk nnɑ.» Dudukt mɑnŋ mun be t ni, k l pɑɑk, t mun tien yɑdɑ k piɑk.

Efestieb 1:21

Lenŋ e k Klistu kɑl k yen bin nbɑ kul nbɑ mɔk yɑɑk, nɑn yiikuo dɑnm kul nɑn yonmdɑnm kul ɑ. Ŋuɑ e mɔk sɑnn nbɑ gɑl yiikuo kul sɑnɑ nbɑ be mɔtɑɑnɑ nɑn yuo nbɑ bɑɑt.

Kuoluostieb 1:16

Ŋuɑ e mɔk yiikuo lin nbɑ kul k Yennu nɑn nɑ pɑɑk, lin nbɑ kul k u nɑn tinŋ nɑ pɑɑk, nɑn lin nbɑ kul k u nɑn sɑnpɑɑpo, lin nbɑ kul k t sɑɑ fit lɑ, nɑn lin nbɑ kul k t kɑn fit lɑ, nɑlnbiit yiikuonbɑ nbɑ be sɑnpɑɑpo, nɑlnbiit kpɑnbɑlɑ, nɑlnbiit bɑtnbɑ, nɑlnbiit kpɑɑkɑ, niib nbɑ mɔk nɑlnbiit pɑnŋ. Yennu din te k Klistu nɑn bont kul k bont kul tie u yɑl.

Kuoluostieb 2:15

Klistu din nyɑnn nɑlnbiit sɑɑkɑb nɑn nɑlnbiit bɑtnbɑ nbɑ mɔk yiikuo nɑn pɑnŋ nɑ. U din nyinn b kul pɑɑnu ni k te k b sonm ɑ niib n lɑ’b wɑɑ nyɑnn nyɑnnu dɑpunpunn pɑɑk nɑ pɑɑk.

2 Tiimuote 1:12

L pɑɑk e te k n di fɑlɑ mɑnŋ, ŋɑɑn k n k tiin fei, k mɑɑn n mi wun nbɑ k n tien’ɔ yɑdɑ, k n biɑ mi k bilsuk kɑɑ nɑn u sɑɑ fit diɑ lin nbɑ k n jii k tien u nuu ni nɑ fɑnu mɔkmɔk nɑn buut dɑɑl.

Hebluonbɑ 11:13

Niib nbɑ nɑ kul din tuu tɑn kpo nɑn b yɑdɑ ŋɑɑn dɑɑ k gɑɑl lin nbɑ k Yennu din senn mɔsonn, ɑ u sɑɑ tul u niib nɑ, ŋɑɑn b yɑdɑ mɑnŋ pɑɑk, b din dɔnŋ lɑ’l bɑnfɔkl e wɑɑ k biɑ gɑɑl nɑn l tie bonŋɑnn e. B din bɑnn k sɑk nɑn b tie sɑɑnm e k tie kunsɑnnɑ tingbounŋ nɑ ni.

1 Piɑl 3:22

U din sɑɑn *Yendɔunŋ ni e k be Yennu niidiitu po, k ji yen mɑlɑkɑɑnbɑ nɑn bin nbɑ kul mɔk yiikuo Yendɔunŋ ni nɑ.