Luonmtieb 8:34 - Yiesu Lɑbɑmɑnn Muɑl Ni

³⁴ Ŋmee be k sɑɑ bu b buut k biil’b i? Suɑ kɑɑ, k mɑɑn Yiesu Klistu nbɑ din kpo k fiil kuun ni k biɑ be Yennu niidiitu po k tie t sindɑntinnɔ nɑ.

Luonmtieb 8:34 Iomraidhean Croise

Mɑɑtieo 20:28

K i tie nɑn Nisɑɑlk Bijɑ nbɑ tie biɑnŋ nbɑ nɑ, k mɑɑn u k bɑɑl ɑ niib n tun tul’ɔ kɑɑ, ŋɑɑn u bɑɑl ɑ wun tun k tul niib e, k biɑ kpo k te k niib bonciɑnn n lɑ fielu.»

Mɑɑlk 16:19

Tɔn, Yonmdɑɑnɔ Yiesu nbɑ pɑk mɑɑn nɑ k gbenn yuo nbɑ, k Yennu te k u duo sɑnpɑɑpo k sɑɑ kɑl ŋuɑ Yennu niidiitu po.

Lɑbɑmɑnn nbɑ k Sɑn diɑn 14:19

K l i yɑnn wɑɑnm-nnɑ, tingbounŋ nɑ ŋɑɑtieb ji kɑn lɑ’n, ŋɑɑn yinm ŋɑnin biɑ sɑɑ lɑ’n ɑ. Mɑɑ mɔk mɑnfuol nɑ, k i mun sii mɔk mɑnfuol.

Lɑbɑmɑnn nbɑ k Sɑn diɑn 16:23

«L yuo i tɑnŋ i bɑɑl, i tɑn kɑn boi’n buboit. Bɑlmɔni e k n yien’i nɑ, lin nbɑ kul k i mei n Bɑɑ nɑn n sɑnn ni, u sɑɑ tul’i wɑɑ.

Tuonɑ 2:24

«Wɑɑ dɑɑn kpo k dɑɑ be kuun nii ni nɑ, k Yennu fɑt’ɔ k fiin’ɔ kuun ni, k mɑɑn kuun k fit diɑ’u.

Luonmtieb 14:13

L pɑɑk, t dɑɑ duki nɑn t sɑɑ fit yet nɑn lin nbɑ k t lieb tuun nɑ ŋɑn kuo l k ŋɑn. Lin nbɑ ŋɑn tie k i lol i mɔnŋ pɑl ni, nɑn i kɑn te k i nɑɑ bik n gbiɑt kuo k bɑɑ.

Luonmtieb 14:9

K mɑɑn *Klistu din kpo k biɑ fiil kuun ni ɑ wun tien fuotb nɑn kpienm Yonmdɑɑnɔ.

Luonmtieb 4:25

Ŋuɑ e din jii Yiesu k cɑb k u kpo t biit pɑɑk, ŋɑɑn biɑ fiin’ɔ kuun ni, ɑ wun te k tii tie niŋɑnm u tuɑnn.

Luonmtieb 8:1

Tɔn, mɔtɑɑnɑ Yennu kɑn bu k biil bin nbɑ be Yiesu *Klistu ni,

Luonmtieb 8:27

K Yennu nbɑ lɑɑt nisɑɑlk pɑl ni mi Foŋɑnm nɑ dudukt nbɑ tie, k mɑɑn Foŋɑnm nɑ mei Yennu u tiɑɔnŋ niib pɑɑk, k l wɑɑ nɑn ŋuɑ Yennu nbɑ luon biɑnŋ nbɑ nɑ.

Kuoluostieb 3:1

I din fiil nɑn *Klistu kuun ni, l pɑɑk i jii i pɑlɑ k gɑɑn nɑn *Yendɔunŋ ni bonɑ, siɑn nbɑ k Klistu kɑl Yennu niidiitu po nɑ.

Hebluonbɑ 1:3

Bijɑ mɑnŋ ni e k t lɑ yentsɑɑkɑl nbɑ nyii Yennu *yudɑnt ni, k ŋuɑ mɑnŋ e tie Yennu mɔnŋ mɔnŋ ninnɑɔnŋ, k diɑ dulnyɑ kul nɑn u mɑɑn nbɑ mɔk yiikuo nɑ. Wɑɑ din tun lin nbɑ te k niib mɔk nyikcɑbu b biit pɑɑk nɑ puolpo, k u ji kɑl Yɑbnt Yennu niidiitu po *Yendɔunŋ ni.

Hebluonbɑ 7:25

L pɑɑk, bin nbɑ cɑt nɑkn Yennu, ŋuɑ Yiesu ni, u fit fiel’b mɔtɑɑnɑ nɑn yuo nbɑ kɑɑ gbennu, k mɑɑn u lek be u mɑnfuol ni yuo kul, k mei Yennu k tien’m.

Hebluonbɑ 9:24

Klistu din k kuɑ jɑɑnti buol nbɑ k nisɑɑlk ŋɑnm, k l tie Yendɔunŋ ni bont nbɑ tie l bɑlmɔni nɑ ninnɑɔnŋ nɑ ni kɑɑ. Ŋɑɑn u din sɑɑn kuɑ Yendɔunŋ mɔnŋ mɔnŋ ni e, siɑn nbɑ k u be Yennu tuɑnn t pɑɑk nɑ.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.

1 Piɑl 3:22

U din sɑɑn *Yendɔunŋ ni e k be Yennu niidiitu po, k ji yen mɑlɑkɑɑnbɑ nɑn bin nbɑ kul mɔk yiikuo Yendɔunŋ ni nɑ.

Fiitu 1:18

N tie Fuotɔ nɑ e. N din kpo wɑɑ, k n ji fo k sii fo nɑn yuo nbɑ kɑɑ gbennu, k n mɔk yiikuo kuun nɑn kpientinŋ pɑɑk.