Luonmtieb 8:3 - Yiesu Lɑbɑmɑnn Muɑl Ni

³ Senni nɑ k fit tun nnɑ, k mɑɑn tinm nisɑɑli k fit diɑ’l fɑnu. Ŋɑnn e k Yennu din tun u mɔnŋ Bijɑ tingbounŋ nɑ ni, ɑ wun gɑɑl binbenŋ nbɑ nɑɑn nɑn tinm biitdɑnm binbenŋ nɑ, k tɑn gɑɑl t pɑɑk k kpo t biit pɑɑk. K u kuun mɑnŋ pɑɑk, Yennu biil biit nbɑ be tinm nisɑɑli pɑlɑ ni nɑ pɑnŋ.

Luonmtieb 8:3 Iomraidhean Croise

Mɑɑlk 15:27

B biɑ din kpɑɑ fɑt-tieb bɑnle dɑpunpunɑ pɑɑk k pukn u po, k yenɔ din be u niidiitu po, k luɑ nɑ mun din be u niigɑnŋ po.

Lɑbɑmɑnn nbɑ k Sɑn diɑn 1:14

Mɑɑn mɑnŋ din tɑn kpɑnt nisɑɑlk, k tinm nɑn ŋuɑ din lɑkn kuɑ, k u gbie nɑn ninkpɑbɑɔnŋ nɑn bɑlmɔni. T din lɑ u *yudɑnt, k l yudɑnt tie lin nbɑ k Bijɑyenml lɑɑt u Bɑɑ buol ni.

Lɑbɑmɑnn nbɑ k Sɑn diɑn 9:24

K l tɑɑl munle ni e k b biɑ ŋɑnm yiin juɑ nbɑ tuu tie juɑnŋ ŋɑɑn tɑn nyuɑnt nɑ, k tɑn yet’ɔ ɑ: «Yennu tuɑnn, pɑkn mɔni e. T mi nɑn Yiesu tie biitdɑɑnɔ e.»

Tuonɑ 13:39

Yiesu pɑɑk e k Yennu ji yet ɑ wun nbɑ kul tien yɑdɑ nɑ tie niŋɑnɔ bonɑ kul ni bɑnnu nbɑ k Muois senni din k fit tun k tul’i ni.

Luonmtieb 3:20

Suɑ kɑɑ k sɑɑ fit tien niŋɑnɔ Yennu tuɑnn, wɑɑ wei senni nɑ nbɑ senn biɑnŋ nbɑ nɑ pɑɑk, ŋɑɑn senni nɑ pɑɑk e te k nifosɑɑlk bɑnn nɑn u tuun biit.

Luonmtieb 6:6

T mi nɑn t binbenkpelk nɑ lɑkn k kpo nɑn Yiesu u dɑpunpunn pɑɑk, ɑ t biit binbenŋ nɑ ji dɑɑ mɔk yiikuo, k t ji kii be biit dɑbs ni,

Luonmtieb 7:18

N mi nɑn bonŋɑnsiɑl kɑɑ n ni, k l wɑnt nɑn n biit binbenŋ ni, k mɑɑn n luon k n tun lin nbɑ ŋɑn, ŋɑɑn n kɑn fit k tuun’l.

Luonmtieb 8:32

Yennu nbɑ k minn’t u mɔnŋ Bijɑ nɑ, ŋɑɑn jii’u k tul t kul nɑ, nlee k u ji kɑn tul’t lin nbɑ kul biɑl i?

Luonmtieb 9:3

n mɔnŋ nɑɑ wɑɑs nbɑ tie n buolu nɑ pɑɑk. L i bo i sɑɑ fit k n set n niib pɑɑk k Yennu n biil’n k bɔkt min nɑn *Klistu, n bo sɑɑ sɑk nnɑ wɑɑ.

2 Kuolent-tieb 5:21

Klistu k mi tun biit, ŋɑɑn Yennu e din jinn’ɔ ɑ u tie biitdɑɑnɔ t tiɑɔnŋ biit pɑɑk. U din tun ŋɑnn e ɑ tin lɑ yentinu binbenŋ ŋuɑ Klistu ni.

Gɑɑlɑɑt-tieb 3:13

Klistu tiɑɔnŋ o din gɑɑl t pɑɑk, k din be mɔtonm mɑnŋ ni k nyinn’t l mɔtonm ni, k mɑɑn l diɑn Yennu lolkpel kɑdɑɑɔk ni ɑ: «Wun nbɑ k b kpɑɑ’u dɑpunpunn pɑɑk nɑ, Yennu mɔtonm be u pɑɑk.»

Gɑɑlɑɑt-tieb 3:21

Tɔn, ŋɑnn e wɑnt nɑn senni nɑ kɔn nɑn Yennu mɔsonɑ ɑɑ? Aɑi, l k wɑnt nnɑ nɑn wɑɑn ɑ. K mɑɑn Yennu i bo i senn senni nbɑ sɑɑ fit tien nilɔ mɑnfuol, u bo sɑɑ yet ɑ niib tie niŋɑnm u buol senni mɑnŋ weiu pɑɑk ɑ.

Fiiliiptieb 2:7

ŋɑɑn din sɑk u mɔnŋ mɔnŋ lonm ni k nyik wɑɑ din mɔk lin nbɑ nɑ, k din jii dɑɑbl binbenŋ, k din tie nisɑɑlk ninnɑɔnŋ, k b din tɑn lɑ nɑn u tie nisɑɑlk,

Hebluonbɑ 10:12

Ŋɑɑn Klistu ŋɑnin din mɑnn mɑlunŋ yonm kuɑ e, lin nbɑ mɔk yiikuo yuo kul biit pɑɑk, ŋɑɑn ŋmɑt duo *Yendɔunŋ ni k kɑl Yennu niidiitu po.

Hebluonbɑ 10:14

Nnɑ e k ŋuɑ din mɑnn mɑln-yenml k te k bin nbɑ tie Yennu yɑb nɑ tien niŋɑnm Yennu buol ni nɑn yuo nbɑ kɑɑ gbennu.

Hebluonbɑ 2:14

Tɔn, wɑɑs mɑnŋ nbɑ tie nisɑɑli nɑ pɑɑk, Yiesu mun din tie nisɑɑlk e nɑn ŋɑnm nɑ, ɑ u kuun ni wun tɑn biil *Sɑɑtɑn nbɑ diɑ kuun yiikuo nɑ,

Hebluonbɑ 2:17

Ŋɑnn e l din kpɑɑ tɑlɑs nɑn wuu tie wɑɑs mɑnŋ ninnɑɔnŋ dede, k fit tien b *mɑnntɔyudɑɑnɔ nbɑ mɔk ninbɑtinu k biɑ tie bɑlmɔni dɑɑnɔ, k fit jii u mɔnŋ k tien *mɑlunŋ k tul Yennu, k wɑɑs nɑ n lɑ nyikcɑbu b biit pɑɑk.

Hebluonbɑ 4:15

T mɑnntɔyudɑɑnɔ mɑnŋ k tie wun nbɑ kɑn fit di fɑlɑ nɑn tinm t butunŋ ni kɑɑ, ŋɑɑn u mɔnŋ din lɑ biknu sɔni buolu kul ni nɑn tɑɑ mun lɑɑt biɑnŋ nbɑ nɑ, ŋɑɑn u lek din k tun biit.

1 Piɑl 2:24

Ŋuɑ Klistu mɔnŋ mɔnŋ e din jii t biit u gbɑnɑnt ni, k b kpɑɑ’u dɑpunpunn pɑɑk, ɑ t dɑɑ tie biit tuontunnɑ ŋɑɑn kii be Yennu nbɑ luon bɑnnu nbɑ. U dɑni pɑɑk e k i lɑ lɑɑfiɑ.