Luonmtieb 8:2 - Yiesu Lɑbɑmɑnn Muɑl Ni

² k mɑɑn mɑɑ tɑɑn nɑn Yiesu Klistu nɑ, Foŋɑnm *senni nbɑ tien mɑnfuol nɑ, fɑt’n biit nɑn kuun senni ni wɑɑ.

Luonmtieb 8:2 Iomraidhean Croise

Lɑbɑmɑnn nbɑ k Sɑn diɑn 4:10

K Yiesu din jiin’ɔ ɑ: «L i tie k ɑ bo mi piini nbɑ k Yennu luon wun pi’ɑ nɑ, k biɑ mi mɑɑ tie wun nbɑ k mei’ɑ nyun nɑ, fin e bo sɑɑ boi’n nyun po k n sɑɑ tul’ɑ nyun nbɑ tien mɑnfuol.»

Lɑbɑmɑnn nbɑ k Sɑn diɑn 4:14

ŋɑɑn mi i tul wun nbɑ n nyun nɑ k u nyuu, nyun-nyuklu kɑn mi k suol’ɔ jik, k mɑɑn mi i tul suɑ n nyun nɑ, l sii buni mɑnfuol nyun e u ni, k biɑ sɑɑ tul’ɔ mɑnfuol nbɑ kɑɑ gbennu.»

Lɑbɑmɑnn nbɑ k Sɑn diɑn 6:63

Foŋɑnm e tien niib mɑnfuol. Gbɑnɑnt nɑ tie yɑnn e. Mɑɑn nbɑ k n pɑk’i nɑ e tie Foŋɑnm nɑn mɑnfuol.

Lɑbɑmɑnn nbɑ k Sɑn diɑn 8:32

k i biɑ sɑɑ bɑnn bɑlmɔni, k bɑlmɔni mɑnŋ sɑɑ nyinn’i dɑɑbs ni.»

Lɑbɑmɑnn nbɑ k Sɑn diɑn 8:36

L i tie Bijɑ nɑ nyint’i dɑɑbs ni e, i set sɑɑ nyi dɑɑbs ni nɑn bɑlmɔni wɑɑ.

Luonmtieb 16:3

Fuont Pliisiil nɑn Akiilɑɑs bin nbɑ tie n tuontunlieb Yiesu Klistu tuonɑ ni nɑ.

Luonmtieb 3:27

L pɑɑk, siɑl be k t mɔk pɑlbifɑɑnt nɑn’n ii? Aɑi, siɑl kɑɑ. Bee pɑɑk e? L tie bɑɑ wɑɑ senni nbɑ wɑnn lin nbɑ nɑ pɑɑk ee? Aɑi, ŋɑɑn bɑɑ tien yɑdɑ nɑ pɑɑk e k pɑlbifɑɑnt kɑɑ.

Luonmtieb 5:21

L pɑɑk, biit nbɑ din te k nisɑɑli kpenn biɑnŋ nbɑ nɑ, nnɑ e mun k Yennu ninkpɑbɑɔnŋ pɑɑk te k u yet ɑ b tie niŋɑnm u buol, k tul’b mɑnfuol nbɑ kɑɑ gbennu, t Yonmdɑɑnɔ Yiesu Klistu pɑɑk.

Luonmtieb 6:14

K mɑɑn, *senni nbɑ ji k yen’i, ŋɑɑn Yennu ninkpɑbɑɔnŋ nɑ e yen’i nɑ, l k ŋɑn k biit i mɔk i yɑɑk.

Luonmtieb 6:18

Mɔtɑɑnɑ i ji k tie biit dɑɑbɑ, ŋɑɑn i ji tie dɑɑbɑ k tul lin nbɑ tuok nɑ tumu e.

Luonmtieb 6:22

Ŋɑɑn mɔtɑɑnɑ i ji nyii biit dɑɑbs ni wɑɑ k ji tie Yennu dɑɑbɑ e. L pɑɑk, yɑɑ tuun lin nbɑ kul, i gbuot Yennu nunm e k mɔk mɑnfuol nbɑ kɑɑ gbennu. Ŋɑnn e tie i nyuɑt.

Luonmtieb 7:21

N lɑ k sennsiɑl be n ni yuo kul ɑ. Mi i yɑɑ n tun lin nbɑ ŋɑn, ŋɑɑn bonbiil biɑ lek tuu be nɑn’n.

Luonmtieb 7:23

ŋɑɑn k n lɑɑt sennsiɑl nbɑ tuun n gbɑnɑnt ni, k l kɔn nɑn senni nbɑ k n yɑn luon nɑ. Sennliel nbɑ bɑɑt nɑn biit nɑ tuun n gbɑnɑnt ni k lol’n nɑn dɑnsɑlk nɑ.

Luonmtieb 7:4

N nɑɑ wɑɑs, l mun tie nnɑ e k tul’i. I kpo e k senni ji k mɔk i yiikuo, k yɑɑ tie *Klistu gbɑnɑnt bɔkl nɑ, i tie suɑ yɑb e. Mɔtɑɑnɑ, i gɑɑ nɑn nisuɑ e, wun nbɑ fiil kuun ni nɑ, ɑ yii tuun lin nbɑ mɔk nyuɑt k tul Yennu.

Luonmtieb 8:1

Tɔn, mɔtɑɑnɑ Yennu kɑn bu k biil bin nbɑ be Yiesu *Klistu ni,

1 Kuolent-tieb 15:45

Setk nɑn mɔni, l diɑn Yennu lolkpel kɑdɑɑɔk ni ɑ: «Sinsinn nilɔ Adɑn nɑ din kpɑnt nilɔ nbɑ fo,» ŋɑɑn Adɑn nbɑ juont k bɑɑl nɑ tie Foŋɑnm nbɑ tien’t mɑnfuol e.

2 Kuolent-tieb 3:17

Tɔn, Yonmdɑɑnɔ tie Siek nɑ e, k siɑn nbɑ k Yonmdɑɑnɔ Siek nɑ be nɑ, yent-n-mɔnŋ be lenŋ e.

2 Kuolent-tieb 3:6

K mɑɑn ŋuɑ e te k t tie tuontunnɑ nbɑ fit muɑntl lolpɑɑnn nɑ, k lolpɑɑnn mɑnŋ k nyii *senni nbɑ diɑn kɑdɑɑɔk ni nɑ kɑɑ, ŋɑɑn l tie Foŋɑnm yɑl e. Senni nbɑ diɑn kɑdɑɑɔk ni bɑɑt nɑn kuun e, ŋɑɑn Foŋɑnm tien mɑnfuol e.

Gɑɑlɑɑt-tieb 2:19

K mɑɑn senni te k n kpo senni mɑnŋ buol, ɑ mii mɔk mɑnfuol Yennu buol. L tie nɑn senni mɑnŋ din tɑɑn kpɑɑ min nɑn Klistu dɑpunpunn pɑɑk nɑ e.

Gɑɑlɑɑt-tieb 5:1

Yiesu *Klistu ponŋ fɑt tinm ɑ, k tii mɔk yent-n-mɔnŋ e. L pɑɑk, i dɑɑ te k siɑl ji diɑ’i k i tie l dɑɑbl.

Gɑɑlɑɑt-tieb 6:2

I jii i lieb jik-kpiɑtɑ mɑn, k nnɑ e k i sɑɑ sɑk *Klistu sennu.

Sɑɑk 1:25

Ŋɑɑn wun nbɑ goli sennŋɑnn nbɑ sɑɑ fit nyinn niib biit dɑɑbs ni, k k tɑnm’l, ŋɑɑn mɔk gbɑnkul k tuun biɑnŋ nbɑ k l wɑnn nɑ, pɑlpienn sii tie l dɑɑnɔ yɑl e, u tuonɑ nɑ pɑɑk.

Fiitu 11:11

K dɑɑ ŋɑntɑ nɑn dɑjinn nɑ nbɑ gɑl, k fuon nbɑ tien mɑnfuol nɑ nyii Yennu buol k bɑɑl kuɑ’b, k b fiil set, k jɑŋmɑɑni bonciɑnn suol bin nbɑ lɑ’b nɑ.

Fiitu 22:1

L yuo k *mɑlɑkɑ nɑ wɑnn’n mɑnfuol nyun kpenu nɑ, k l puuk nyi Yennu nɑn Pebik nɑ nɑɑngbounŋ nɑ ni, k nyili nɑn miɑnu nɑ,