Luonmtieb 8:19 - Yiesu Lɑbɑmɑnn Muɑl Ni

¹⁹ *Dulnyɑ bonɑ kul nbɑ k Yennu nɑn nɑ, guu nɑn ninmɔnn e nɑn yuo nbɑ k Yennu tɑn sɑɑ nyinn u wɑɑs yienin ni,

Luonmtieb 8:19 Iomraidhean Croise

Mɑɑtieo 5:9

Bin nbɑ tie sɑndɑntinnɑ nɑn kunkɔnpɑt-tieb, pɑlpienn tie b yɑl e, k mɑɑn ŋɑnm e k Yennu sɑɑ yii’m u wɑɑs.

Lɑbɑmɑnn nbɑ k Sɑn diɑn 1:12

Ŋɑɑn bin nbɑ kul gɑɑl’ɔ k tien’ɔ yɑdɑ, ŋɑnm e k u din tul’b yiikuo ɑ bii tie Yennu wɑɑs.

Tuonɑ 3:21

ŋɑɑn mɔtɑɑnɑ Yiesu mɑnŋ lek dɑɑ sii be *Yendɔunŋ ni, nɑn Yennu nbɑ tɑn sɑɑ ŋɑnm bonɑ kul ɑ, nɑn wɑɑ din te k u sɔknŋɑnm nbɑ din be yɑɑyuo ni nɑ nbɑ din yet biɑnŋ nbɑ nɑ.

Luonmtieb 8:14

Bin nbɑ k Foŋɑnm ŋmɑktl’b sɔnu nɑ, ŋɑnm e tie Yennu wɑɑs.

Luonmtieb 8:16

Foŋɑnm mɑnŋ e te k t mɔnŋ sei mi bonŋɑnn nɑn t tie Yennu wɑɑs.

Luonmtieb 8:18

N mi nɑn fɑlɑ nbɑ k t di mɔtɑɑnɑ nɑ, l kɑn fit yekn nɑn yudɑnt nbɑ k Yennu sɑɑ wɑnn’t nɑ.

Luonmtieb 8:23

L k tie dulnyɑ bonɑ nɑ kuukuɑ kɑɑ k l yiɑl, ŋɑɑn tinm nbɑ mɔk Foŋɑnm nbɑ tie Yennu sinsinn piini nɑ mun kuli e t pɑlɑ ni, k guu yuo nbɑ k Yennu tɑn sɑɑ te k t tien u wɑɑs, k te k t gbɑnɑnt n nyi dɑɑbs ni.

Luonmtieb 9:26

k siɑn nbɑ k b din yet’b ɑ b k tie n niib nɑ, lenŋ e biɑk k b sɑɑ yiin’m: ‹Yennu nbɑ fo nɑ wɑɑs.› »

1 Kuolent-tieb 1:7

L pɑɑk Yennu piini nɑn yenn kuɑ dɑɑ puɑl’i, yinm nbɑ guu yuo nbɑ k t Yonmdɑɑnɔ Yiesu Klistu tɑn sɑɑ jen nɑ.

1 Kuolent-tieb 1:8

Ŋuɑ e sɑɑ tul’i pɑnŋ nɑn Yonmdɑɑnɔ Yiesu Klistu jenu dɑɑl mɑnŋ k suɑ tɑn dɑɑ fit tɑɑl’i.

2 Kuolent-tieb 6:18

N sii tie i Bɑɑ e, k i tie n bonjɑbis nɑn n sɑpɑɑnbis. Min, Yonmdɑɑnɔ Yennu nbɑ mɔk yiikuo kul nɑ yien’i nnɑ.»

Gɑɑlɑɑt-tieb 3:26

Yɑɑ tien Klistu yɑdɑ nɑ, ŋɑnn pɑɑk e k i tie Yennu wɑɑs,

Fiiliiptieb 1:20

N pɑl ni lonm nɑn n dindɑnn tie k n dɑɑ dint n mɔnŋ fei e, ŋɑɑn n sii mɔk pɑlcienn mɔtɑɑnɑ nɑn lɑɑ tuu tie bɑnnu nbɑ nɑ, k mi i lek i kpo ɑmi mɑɑ be, ŋɑɑn n binbenŋ kul sɑɑ dont Klistu sɑnn.

Kuoluostieb 3:4

Klistu e tie i mɑnfuol. Yuo nbɑ k u sɑɑ jen nɑ, i mun tɑn sii be nɑn’ɔ u *yudɑnt ni.

Hebluonbɑ 12:27

Mɔbonɑ nbɑ yet ɑ: «Tɑɑl yonm kuɑ biɑk,» nɑ wɑnt nɑn bonnɑnkɑɑ kul tɑn sɑɑ nik k yɑt bot l binbebuol e, ŋɑɑn k lin nbɑ tɑn kɑn fit nik nɑ ŋɑnin n tɑn biɑl.

1 Piɑl 1:13

L pɑɑk, i tien i dudukt siil, k suol i mɔnŋ, kii mɔk dindɑnn nɑn bɑlmɔni, ɑ i tɑn sɑɑ lɑ ninbɑtinu nɑ yuo nbɑ k Yiesu Klistu tɑn sɑɑ nyi pɑɑnu nɑ.

1 Piɑl 1:7

Fɑlɑ mɑnŋ biki’i, ɑ lin lɑɑn i tien Klistu yɑdɑ fɑnu ɑmi ii? Sɑlmɑ sɑɑ fit k biil, ŋɑɑn b tuu jii’l k tien muu ni e, ɑ bin lɑɑn l ŋɑn ɑmi l k ŋɑn. L mun biɑ tie nnɑ e nɑn i yɑdɑ. I yɑdɑ ŋɑn k cie sɑlmɑ, ŋɑɑn k Yennu biki i yɑdɑ mɑnŋ. L pɑɑk, Yiesu Klistu nbɑ tɑn sɑɑ dɔkt, i sɑɑ lɑ sɑnn nɑn dontl nɑn *yudɑnt, i yɑdɑ ŋɑnt pɑɑk.

1 Sɑn 3:1

Lek gotl mɑn lonbuolu nbɑ k Bɑɑ Yennu mɑntk luon’t nɑ. U lonm mɑnŋ mɑntk ji sɑɑ yɑbt e, k u yi’t u wɑɑs, k t set tie u wɑɑs e. Tingbounŋ nɑ ŋɑɑtieb k mi’t, k mɑɑn b k mi ŋuɑ Yennu.

1 Sɑn 3:2

N yuɑsnbɑ, mɔtɑɑnɑ t tie Yennu wɑɑs e, ŋɑɑn tɑɑ tɑn sii tie biɑnŋ nbɑ dɑɑ bɔl e. Ŋɑɑn tɑɑ mi lin nbɑ e nɑ: *Klistu i tɑnŋ i dɔkt, t tɑn sii tie nɑn ŋuɑ nɑ e, k mɑɑn t sɑɑ lɑ wɑɑ set tie biɑnŋ nbɑ.

Fiitu 21:7

k wun nbɑ nyɑnn nyɑnnu nɑ, u sɑɑ gɑɑl lin nbɑ nɑ n buol, k n sii tie u Yennu, k u mun sii tie n bik.