Luonmtieb 8:11 - Yiesu Lɑbɑmɑnn Muɑl Ni

¹¹ L i tie k Yennu Siek nbɑ fiin Yiesu kuun ni nɑ be i ni, ŋuɑ nbɑ fiin Yiesu Klistu kuun ni nɑ sɑɑ tul i gbɑnɑnt nbɑ tɑn sɑɑ kpo wɑɑ nɑ mɑnfuol, Siek nbɑ be i ni nɑ pɑɑk.

Luonmtieb 8:11 Iomraidhean Croise

Lɑbɑmɑnn nbɑ k Sɑn diɑn 14:17

Ŋuɑ e tie Foŋɑnm nbɑ wɑnt bɑlmɔni. Tingbounŋ nɑ ŋɑɑtieb k fit gɑɑl’ɔ, k mɑɑn b k lɑɑt’ɔ, k biɑ k mi’u, ŋɑɑn yinm ŋɑnin mi’u, k mɑɑn u be nɑn’i, k biɑ sii be i ni.

Lɑbɑmɑnn nbɑ k Sɑn diɑn 5:21

Bɑɑ mɑnŋ nbɑ fiint kpienm k tien’m mɑnfuol nɑ, nnɑ e mun, k u Bijɑ nɑ mun sɑɑ tul bin nbɑ k u lukt’b nɑ mɑnfuol.

Tuonɑ 2:24

«Wɑɑ dɑɑn kpo k dɑɑ be kuun nii ni nɑ, k Yennu fɑt’ɔ k fiin’ɔ kuun ni, k mɑɑn kuun k fit diɑ’u.

Luonmtieb 16:10

Fuont Apeles wun nbɑ din lɑ biknu ŋɑɑn lek biɑ dɑɑ wɑɑ Klistu nɑn bɑlmɔni nɑ, k fuont Aliistuobuul ŋɑɑtieb.

Luonmtieb 16:3

Fuont Pliisiil nɑn Akiilɑɑs bin nbɑ tie n tuontunlieb Yiesu Klistu tuonɑ ni nɑ.

Luonmtieb 16:7

Fuont Antloniikus nɑn Juniɑs bin nbɑ tie n ninjɑnm, k min nɑn ŋɑnm din lɑkn kuɑ dɑnsɑlk nɑ. Tuomiinbɑ bɑɑk’b bonciɑnn, k b din sint tien Klistuyɑb k n tɑn wei nɑ.

Luonmtieb 16:9

Fuont Ulben wun nbɑ tie t tuontunluɑ Klistu tuonɑ ni nɑ, k fuont n yɔŋɑnŋ Sitɑɑkiis mun biɑk.

Luonmtieb 6:12

L pɑɑk, i dɑɑ cɑbt k biit n yent i gbɑnɑnt nbɑ tɑn sɑɑ kpo wɑɑ nɑ, k te k i tuun gbɑnɑnt mɑnŋ lonm.

Luonmtieb 8:1

Tɔn, mɔtɑɑnɑ Yennu kɑn bu k biil bin nbɑ be Yiesu *Klistu ni,

Luonmtieb 8:12

L pɑɑk, n nɑɑ wɑɑs, l luon k t mɑbn t mɔnŋ k dɑɑ wɑɑ nisɑɑlk binbenŋ nbɑ luon bɑnnu nbɑ.

Luonmtieb 8:2

k mɑɑn mɑɑ tɑɑn nɑn Yiesu Klistu nɑ, Foŋɑnm *senni nbɑ tien mɑnfuol nɑ, fɑt’n biit nɑn kuun senni ni wɑɑ.

Luonmtieb 8:9

Foŋɑnm i set be i ni, i k wɑɑ nisɑɑlk binbenŋ kɑɑ, ŋɑɑn i wɑɑ Foŋɑnm nbɑ luon lin nbɑ nɑ e. Wun nbɑ k mɔk Klistu Siek mɑnŋ u ni, l dɑɑnɔ k tie Klistuyuɑ.

1 Kuolent-tieb 15:16

K mɑɑn kpienm fiilu i kɑɑ, ŋɑnn ŋɑnin Yennu mun din k fiin Klistu kuun ni.

1 Kuolent-tieb 6:14

Yennu e din fiin Yonmdɑɑnɔ kuun ni, k mun biɑ tɑn sɑɑ jii u yiikuo k fiin’t.

2 Kuolent-tieb 4:11

Tinm nbɑ fo nɑ, be kuun nuu ni e yuo kul Yiesu pɑɑk, ɑ u mɑnfuol nbɑ be t gbɑnɑnt nbɑ sɑɑ kpo nɑ n nyi pɑɑnu ni.

2 Kuolent-tieb 4:14

K mɑɑn t mi nɑn Yennu nbɑ din fiin Yonmdɑɑnɔ Yiesu kuun ni nɑ, ŋuɑ e tɑn sɑɑ fiin tinm nɑn yinm nbɑ wɑɑ Yiesu mun kuun ni, k sɑɑ bɑɑl nɑn’t u mɔnŋ buol ni.

2 Kuolent-tieb 5:4

Tɑɑ biɑl lɑnbounŋ nɑ ni, t kuli e nɑn t jii jik-kpiɑtl nɑ. L k tie ɑ t ji k luon gbɑnɑnt nɑ benu kɑɑ, ŋɑɑn t luon sɑnpɑɑpo gbɑnɑnt nɑ, ɑ l dɑɑl k mɑnfuol nɑ n tɑn nɑk lin nbɑ sɑɑ kpo.

Gɑɑlɑɑt-tieb 6:8

Wun nbɑ bul u mɔnŋ gbɑnɑnt lonm, u tɑn sɑɑ jɑɑn kuun e, u gbɑnɑnt lonbiit mɑnŋ pɑɑk. Ŋɑɑn wun nbɑ bul Foŋɑnm nbɑ luon biɑnŋ nbɑ nɑ, u tɑn sɑɑ jɑɑn mɑnfuol nbɑ kɑɑ gbennu, Foŋɑnm mɑnŋ pɑɑk.

Efestieb 2:5

L pɑɑk, tɑɑ din tie kpienm t biit pɑɑk nɑ, u din te k t lɑ mɑnfuol *Klistu ni. Yennu ninkpɑbɑɔnŋ pɑɑk e k i lɑ fielu.

Fiiliiptieb 3:21

U tɑn sɑɑ lebt t tingbounŋ nɑ gbɑnɑnt k lii nɑɑn nɑn u bɑktnɔunŋ gbɑnɑnt nɑ e Yendɔunŋ ni. U tɑn sɑɑ jii pɑnŋ nbɑ te k u yen bonsiɑl kul nɑ e k tun nnɑ.

Hebluonbɑ 13:20

Yennu nbɑ tien mɑnu nɑ din fiin t Yonmdɑɑnɔ Yiesu kuun ni. Ŋuɑ Yiesu e tie Pekpɑɑjɑɑnn nbɑ kpɑɑl pei k mɑɑn u din kpo, k u sɔn ŋɑnm Yennu *lol nbɑ sii sie yuo nbɑ kɑɑ gbennu nɑ.

1 Piɑl 1:21

Klistu ni e k i tien Yennu yɑdɑ, k Yennu tie wun nbɑ din fiin’ɔ kuun ni k tul’ɔ yudɑnt. L pɑɑk, k i yɑdɑ nɑn i dindɑnn be Yennu ni.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.

Fiitu 1:18

N tie Fuotɔ nɑ e. N din kpo wɑɑ, k n ji fo k sii fo nɑn yuo nbɑ kɑɑ gbennu, k n mɔk yiikuo kuun nɑn kpientinŋ pɑɑk.

Fiitu 11:11

K dɑɑ ŋɑntɑ nɑn dɑjinn nɑ nbɑ gɑl, k fuon nbɑ tien mɑnfuol nɑ nyii Yennu buol k bɑɑl kuɑ’b, k b fiil set, k jɑŋmɑɑni bonciɑnn suol bin nbɑ lɑ’b nɑ.