Luonmtieb 7:6 - Yiesu Lɑbɑmɑnn Muɑl Ni

⁶ Mɔtɑɑnɑ ŋɑnin, senni nɑ k diɑ’t k mɑɑn t din kpo e k senni nɑ ji k mɔk t yiikuo. L pɑɑk, t ji fit tuun k tien Yennu nɑn binbenpɑɑnŋ nbɑ nyii Foŋɑnm buol ni. T ji k tuun nɑn binbenkpelk nbɑ k senni nbɑ diɑn lolkpel kɑdɑɑɔk ni mɔk l yiikuo nɑ kɑɑ.

Luonmtieb 7:6 Iomraidhean Croise

Luonmtieb 1:9

N wɑɑ Yennu nɑn n pɑl kul, k muɑntl u Bijɑ lɑbɑmɑnn nɑ. Ŋuɑ e tie n siɑlɑɑdɑɑnɔ k mi nɑn yuo kul n duki i kul ɑ po,

Luonmtieb 12:2

I dɑɑ te k i binbenŋ tie nɑn tingbounŋ nɑ niib binbenŋ nɑ, ŋɑɑn ŋɑɑnt k Yennu n lebt i dudukt nɑn bɑlmɔni, kii ŋɑnm i binbenŋ fɑnu. Ŋɑnn e k i sɑɑ bɑnn Yennu yɑnbuɑt nbɑ tie bɑnnu nbɑ, k ŋɑnn e tie lin nbɑ ŋɑn, lin nbɑ gbuot u nunm nɑn lin nbɑ tie dede.

Luonmtieb 6:11

Nnɑ e mun, i jii i mɔnŋ k lii nɑɑn nɑn i kpo nɑ k biit ji k mɔk i yiikuo, ŋɑɑn, Yiesu Klistu pɑɑk, i ji be i mɑnfuol ni k tien Yennu.

Luonmtieb 6:19

Yinm nisɑɑli nbɑ k fit bɑnt Yennu mɑɑn yiɑn nɑ pɑɑk e k n yɑɑ n pɑk nisɑɑlk yɑn k wɑnn’i u lɑbɑɑl. Yɑɑ din jii i mɔnŋ k tien biit dɑɑbɑ k l nɔb nɑ, mɔtɑɑnɑ jiin mɑn i mɔnŋ kii tuun yentinu tuonɑ kii tie niŋɑnm.

Luonmtieb 6:2

Aɑi, ŋɑnn kɑɑ. L tie nɑn t kpo nɑ e, k l pɑɑk biit k mɔk t yiikuo. Nlee k t sɑɑ biɑl biit tumu ni?

Luonmtieb 6:22

Ŋɑɑn mɔtɑɑnɑ i ji nyii biit dɑɑbs ni wɑɑ k ji tie Yennu dɑɑbɑ e. L pɑɑk, yɑɑ tuun lin nbɑ kul, i gbuot Yennu nunm e k mɔk mɑnfuol nbɑ kɑɑ gbennu. Ŋɑnn e tie i nyuɑt.

Luonmtieb 6:4

L pɑɑk, t din kpo e nɑn Klistu k b lɑkn pii’t nɑn’ɔ Yennu nyunwulu ni, k u Bɑɑ nbɑ din jii u bɑktnɔunŋ yiikuo k fiin’ɔ kuun ni nɑ, nnɑ e k t mun fiil ɑ tii be mɑnfopɑɑnn ni.

Luonmtieb 7:1

N nɑɑ wɑɑs, i kul mi *senni nɑ po, l pɑɑk, i sɑɑ fit suol mɑɑ yɑɑ n yet lin nbɑ nɑ pɑɑk ɑ. Senni nɑ mɔk wun nbɑ be u mɑnfuol ni nɑ kuukuɑ yiikuo e.

Luonmtieb 7:2

L tie nɑn puo nɑn u sɔlɔ sinsuuk ni nɑ e. Senni nɑ nuɑk ni, l kpɑɑ tɑlɑs nɑn puo n tɑɑn nɑn u sɔlɔ yuo nbɑ k u sɔlɔ dɑɑ be u mɑnfuol ni, ŋɑɑn u sɔlɔ nɑ i tɑnŋ i kpo yuo nbɑ, senni nɑ ji k mɔk puo nɑ yiikuo.

Luonmtieb 7:4

N nɑɑ wɑɑs, l mun tie nnɑ e k tul’i. I kpo e k senni ji k mɔk i yiikuo, k yɑɑ tie *Klistu gbɑnɑnt bɔkl nɑ, i tie suɑ yɑb e. Mɔtɑɑnɑ, i gɑɑ nɑn nisuɑ e, wun nbɑ fiil kuun ni nɑ, ɑ yii tuun lin nbɑ mɔk nyuɑt k tul Yennu.

2 Kuolent-tieb 3:6

K mɑɑn ŋuɑ e te k t tie tuontunnɑ nbɑ fit muɑntl lolpɑɑnn nɑ, k lolpɑɑnn mɑnŋ k nyii *senni nbɑ diɑn kɑdɑɑɔk ni nɑ kɑɑ, ŋɑɑn l tie Foŋɑnm yɑl e. Senni nbɑ diɑn kɑdɑɑɔk ni bɑɑt nɑn kuun e, ŋɑɑn Foŋɑnm tien mɑnfuol e.

2 Kuolent-tieb 5:17

L pɑɑk, nilɔ nbɑ be Klistu ni, l dɑɑnɔ ji tie nipɑɑmɔ e. Bonkpel kul ji bot e, k bonpɑɑnn ji be u ni.

Gɑɑlɑɑt-tieb 3:13

Klistu tiɑɔnŋ o din gɑɑl t pɑɑk, k din be mɔtonm mɑnŋ ni k nyinn’t l mɔtonm ni, k mɑɑn l diɑn Yennu lolkpel kɑdɑɑɔk ni ɑ: «Wun nbɑ k b kpɑɑ’u dɑpunpunn pɑɑk nɑ, Yennu mɔtonm be u pɑɑk.»

Gɑɑlɑɑt-tieb 6:15

Suɑ i pot u punn kuo wuu kii pot u punn, l k tie siɑl. Lin nbɑ siɑn tie bii tie nipɑɑnm e.

Efestieb 4:24

kii mɔk binbenpɑɑnŋ nbɑ k Yennu tul’i nɑ, kii nɑɑn Yennu, kii be fɑnu, k yii tie niŋɑnm nɑn bɑlmɔni.

Fiiliiptieb 3:3

Tinm e mɔk mɔmɔnm *punpotu, k mɑɑn Foŋɑnm ni e k t jiɑntl Yennu k mɔk yugontl tɑɑ be *Klistu ni nɑ, k k tien lin nbɑ k b tien nilɔ gbɑnɑnt ni nɑ yɑdɑ.

Kuoluostieb 3:10

k ji liɑ binbenpɑɑnŋ e. Binbenpɑɑnŋ nɑ e k Yennu nbɑ tie l nɑntuɑ nɑ pɑntl yuo kul ɑ, k l nɑɑn u mɔnŋ binbenŋ, ɑ wun te k yin bɑnn’ɔ setk nɑn mɔni.