Luonmtieb 7:4 - Yiesu Lɑbɑmɑnn Muɑl Ni

⁴ N nɑɑ wɑɑs, l mun tie nnɑ e k tul’i. I kpo e k senni ji k mɔk i yiikuo, k yɑɑ tie *Klistu gbɑnɑnt bɔkl nɑ, i tie suɑ yɑb e. Mɔtɑɑnɑ, i gɑɑ nɑn nisuɑ e, wun nbɑ fiil kuun ni nɑ, ɑ yii tuun lin nbɑ mɔk nyuɑt k tul Yennu.

Luonmtieb 7:4 Iomraidhean Croise

Mɑɑtieo 26:26

Bɑɑ tɑn kɑl di jiet yuo nbɑ nɑ k Yiesu jii pɑɑnu, k tul Yennu niipuouk l pɑɑk, ŋɑɑn ŋmit ŋmit, k tul u puolpoweitieb, ŋɑɑn yet’b ɑ: «Gɑɑt mɑn k ŋmɑn. Nɑ e tie n gbɑnɑnt.»

Mɑɑlk 4:20

Lieb mun gɑɑl bonbuoli tinŋɑnŋ ni. Ŋɑnm e tie bin nbɑ gbiɑ mɑɑn mɑnŋ k gɑɑn. Siɑb nɑɑn fuunu piintɑtɑ, k siɑb nɑɑn fuunu piinluobluob, k siɑb mun biɑ nɑɑn fuunu kobk kobk.»

Lɑbɑmɑnn nbɑ k Sɑn diɑn 15:8

L i tie k i luon luɑnɑ bonciɑnn, ŋɑnn e sɑɑ wɑnn nɑn i set tie n *puolpoweitieb nɑn bɑlmɔni, k n Bɑɑ sɑɑ lɑ dontl.

Lɑbɑmɑnn nbɑ k Sɑn diɑn 3:29

Puosɔlɔ e tie wun nbɑ yen puoyuokl nɑ. Wun nbɑ tie puosɔlɔ nɑ yuɑk tuu be u buol k gbiin u mɑɑn k mɔk pɑlpienn nɑn wun gbɑt puosɔlɔ nɑ kunkɔl. Pɑlpienn mɑnŋ tie n yɑl k yɑb bonciɑnn k siɑl ji k tenn.

Lɑbɑmɑnn nbɑ k Sɑn diɑn 6:51

Min e tie mɑnfuol pɑɑnu mɑnŋ nbɑ nyii Yendɔunŋ ni nɑ k sik. L i tie k suɑ dii pɑɑnu mɑnŋ, u sii be nɑn yuo nbɑ kɑɑ gbennu. Pɑɑnu nbɑ k n sɑɑ tul tie n gbɑnɑnt e, k n tɑn sɑɑ tul’l ɑ tingbounŋ ŋɑɑtieb n lɑ mɑnfuol.»

Luonmtieb 6:11

Nnɑ e mun, i jii i mɔnŋ k lii nɑɑn nɑn i kpo nɑ k biit ji k mɔk i yiikuo, ŋɑɑn, Yiesu Klistu pɑɑk, i ji be i mɑnfuol ni k tien Yennu.

Luonmtieb 6:14

K mɑɑn, *senni nbɑ ji k yen’i, ŋɑɑn Yennu ninkpɑbɑɔnŋ nɑ e yen’i nɑ, l k ŋɑn k biit i mɔk i yɑɑk.

Luonmtieb 6:2

Aɑi, ŋɑnn kɑɑ. L tie nɑn t kpo nɑ e, k l pɑɑk biit k mɔk t yiikuo. Nlee k t sɑɑ biɑl biit tumu ni?

Luonmtieb 6:22

Ŋɑɑn mɔtɑɑnɑ i ji nyii biit dɑɑbs ni wɑɑ k ji tie Yennu dɑɑbɑ e. L pɑɑk, yɑɑ tuun lin nbɑ kul, i gbuot Yennu nunm e k mɔk mɑnfuol nbɑ kɑɑ gbennu. Ŋɑnn e tie i nyuɑt.

Luonmtieb 7:3

L pɑɑk, l i tie k u kun jɑluɑ k suɑ u sɔlɔ dɑɑ be u mɑnfuol ni, b sii yi’u puocunconn e. Ŋɑɑn l i tie k u sɔlɔ kpo i e, Yennu senni ji k mɔk u yiikuo, k u sɑɑ fit kun jɑluɑ ŋɑɑn k b kɑn fit k yiin’ɔ puocunconn.

Luonmtieb 7:6

Mɔtɑɑnɑ ŋɑnin, senni nɑ k diɑ’t k mɑɑn t din kpo e k senni nɑ ji k mɔk t yiikuo. L pɑɑk, t ji fit tuun k tien Yennu nɑn binbenpɑɑnŋ nbɑ nyii Foŋɑnm buol ni. T ji k tuun nɑn binbenkpelk nbɑ k senni nbɑ diɑn lolkpel kɑdɑɑɔk ni mɔk l yiikuo nɑ kɑɑ.

Luonmtieb 8:2

k mɑɑn mɑɑ tɑɑn nɑn Yiesu Klistu nɑ, Foŋɑnm *senni nbɑ tien mɑnfuol nɑ, fɑt’n biit nɑn kuun senni ni wɑɑ.

1 Kuolent-tieb 10:16

T tien Yennu niipuouk yetŋɑnm *kɔp nɑ pɑɑk. Yuo nbɑ k t nyu tinm nɑn Klistu sɔn k tɑɑn yonm kɑɑ nɑ ɑɑ? K pɑɑnu nbɑ k t tuu ŋmit ŋmit k ŋmɑn nɑ, ŋɑnn e mun biɑ sie Klistu gbɑnɑnt ni ii?

2 Kuolent-tieb 11:2

N mɔk *funfunn i pɑɑk k funfunn mɑnŋ nyi Yennu buol ni. I tie nɑn sɑpɑɑmɔ nbɑ k mi juɑ k biɑ k mɔk bisiɑt, k n jii’u k tien’ɔ *Klistu kuukuɑ sɑlkpenŋ.

Gɑɑlɑɑt-tieb 3:13

Klistu tiɑɔnŋ o din gɑɑl t pɑɑk, k din be mɔtonm mɑnŋ ni k nyinn’t l mɔtonm ni, k mɑɑn l diɑn Yennu lolkpel kɑdɑɑɔk ni ɑ: «Wun nbɑ k b kpɑɑ’u dɑpunpunn pɑɑk nɑ, Yennu mɔtonm be u pɑɑk.»

Gɑɑlɑɑt-tieb 5:18

L i tie k Foŋɑnm ŋmɑktl’i sɔnu ni, senni ji k diɑ’i ni.

Efestieb 2:15

U gbɑnɑnt ni e k u din kpien Suifnbɑ *senni nɑn l kuɑt kul ɑ, ɑ nibuolu bɑnle nɑ n tɑɑn k tien niyenɔ kuɑ u ni. Nnɑ e k u din bɑɑl nɑn mɑnu.

Fiiliiptieb 1:11

k i binbenŋ n gbie nɑn yentinu luɑnɑ nbɑ nyii Yiesu Klistu buol ni nɑ, ɑ Yennu n lɑ dontl nɑn pɑku.

Fiiliiptieb 4:17

L k tie ɑ n luon mii gɑɑn piini kɑɑ, ŋɑɑn n luon k yin lɑ nyuɑt i tuonŋɑnɑ pɑɑk.

Kuoluostieb 1:10

Nnɑ e k i sɑɑ fit kii be binbenŋ nbɑ k Yonmdɑɑnɔ luon. Ii tuun mɑn yuo kul lin nbɑ ŋɑn u po, kii tuun tuonŋɑnɑ buolu buolu kul. I i tuun nnɑ i tɑn sɑɑ ŋɑnm bɑnn Yennu fɑnu wɑɑ.

Kuoluostieb 1:22

Ŋɑɑn mɔtɑɑnɑ, u Bijɑ nbɑ din kpɑnt nilɔ k tɑn kpo nɑ pɑɑk, u ji te k l mɑn yinm nɑn ŋuɑ sinsuuk ni ɑ wun jii’i k yii tie niŋɑnm, k dɑɑ mɔk jɑknt nɑn biit u buol ni.

Kuoluostieb 1:6

L lɑbɑmɑnn luon luɑnɑ k yɑbtl tingbounŋ nɑ ni. L yɑbtl nnɑ e lɑɑ jii yuo nbɑ k l din bɑɑl i buol ni nɑ k tɑn tuu mɔtɑɑnɑ. Lɑɑ nyii dɑsinsinn nbɑ k i din gbɑt k b piɑk Yennu ninkpɑbɑɔnŋ po, k i ŋɑnm gbɑt l pɑɑk fɑnu nɑ.

Kuoluostieb 2:14

Yennu yet ɑ u ji kɑn jii kɑdɑɑɔk nbɑ k t biit din diɑn l ni nɑ, k tun nɑn’n tuonn. L kɑdɑɑɔk din tie t biit kɑdɑɑɔk o, k u din te k l tien yɑnn, wɑɑ din kpɑɑ Yiesu dɑpunpunn pɑɑk nɑ

Kuoluostieb 2:20

I libn k kpo nɑn Klistu wɑɑ, k ji k be tingbounŋ nɑ yiikuo ni. Ŋɑnn, bee te k i be k l nɑɑn nɑn i tie tingbounŋ nɑ yɑb e nɑ? Bee te k i wɑɑ nisɑɑli senni nbɑ yɑɑ ɑ:

Hebluonbɑ 10:10

Yiesu Klistu din tun lin nbɑ k Yennu luon wun tun nɑ, k jii u gbɑnɑnt k mɑnn mɑlunŋ yonm kuɑ k l jɑnŋ nɑn niib kul ɑ, k fɑt’t biit ni.

1 Piɑl 2:24

Ŋuɑ Klistu mɔnŋ mɔnŋ e din jii t biit u gbɑnɑnt ni, k b kpɑɑ’u dɑpunpunn pɑɑk, ɑ t dɑɑ tie biit tuontunnɑ ŋɑɑn kii be Yennu nbɑ luon bɑnnu nbɑ. U dɑni pɑɑk e k i lɑ lɑɑfiɑ.

Fiitu 19:7

Ŋɑɑnt mɑn k tii kpɑnm kii mɔk pɑlpienn kii dont u sɑnn, k mɑɑn yuo nɑ bɑɑl ɑ k Pebik nɑ luon wun kuɑn u puo, k sɑlkpenŋ ponŋ tien siil ɑ.

Fiitu 21:9

L yuo nɑ k *mɑlɑkɑɑnbɑ bɑnlole nbɑ bo diɑ seni ŋɑnlole, k l gbie nɑn bonbiil ŋɑnlole nbɑ wɑɑ puol nɑ yenɔ yet’n, ɑ n bɑɑl k wun wɑnn’n Pebik nɑ puoyuokl nɑ.