Luonmtieb 7:25 - Yiesu Lɑbɑmɑnn Muɑl Ni

²⁵ Yennu yien niipuouk t Yonmdɑɑnɔ Yiesu Klistu ni. L pɑɑk, n mɔnŋ wɑɑ Yennu senni nɑ n yɑn ni, ŋɑɑn k n nifosɑɑlk binbenŋ ni n tie sennliel nbɑ bɑɑt nɑn biit nɑ dɑɑbl e.

Luonmtieb 7:25 Iomraidhean Croise

Mɑɑtieo 1:21

U tɑn sɑɑ mɑl bonjɑk e, k ɑ sɑɑ pul u sɑnn Yiesu, k mɑɑn u tɑn sɑɑ fiel u niib b biit ni.»

Luonmtieb 6:14

K mɑɑn, *senni nbɑ ji k yen’i, ŋɑɑn Yennu ninkpɑbɑɔnŋ nɑ e yen’i nɑ, l k ŋɑn k biit i mɔk i yɑɑk.

Luonmtieb 6:17

Siɑn yuo, biit din mɔk i yiikuo, ŋɑɑn mɔtɑɑnɑ i mɑntk sɑɑk bɑlmɔni wɑnnu nbɑ k b din wɑnt’i nɑ nɑn i pɑlɑ kul. L pɑɑk, k n tien Yennu niipuouk.

Luonmtieb 8:2

k mɑɑn mɑɑ tɑɑn nɑn Yiesu Klistu nɑ, Foŋɑnm *senni nbɑ tien mɑnfuol nɑ, fɑt’n biit nɑn kuun senni ni wɑɑ.

1 Kuolent-tieb 15:57

Ŋɑɑn Yennu yen niipuouk. Ŋuɑ e tul’t nyɑnnu t Yonmdɑɑnɔ Yiesu Klistu ni.

2 Kuolent-tieb 9:15

Ŋɑɑnt mɑn k tin tul Yennu niipuouk u piini nbɑ kɑɑ liel nɑ pɑɑk.

Efestieb 5:20

Yuo kul ii tien Bɑɑ Yennu niipuouk bonsiɑl kul pɑɑk, t Yonmdɑɑnɔ Yiesu Klistu sɑnn ni.

Fiiliiptieb 3:3

Tinm e mɔk mɔmɔnm *punpotu, k mɑɑn Foŋɑnm ni e k t jiɑntl Yennu k mɔk yugontl tɑɑ be *Klistu ni nɑ, k k tien lin nbɑ k b tien nilɔ gbɑnɑnt ni nɑ yɑdɑ.

Fiiliiptieb 4:6

I dɑɑ biil i pɑlɑ bonsiɑl pɑɑk. Yinm i mei Yennu lin nbɑ kpɑɑ tɑlɑs tul’i pɑɑk. Ii mei Yennu, kii tien’ɔ niipuouk i pɑlɑ ni yuo kul ɑ kii yien’ɔ i lonm nbɑ tie lin nbɑ.

Kuoluostieb 3:17

Lin nbɑ kul k i tie, ii tie mɑn Yonmdɑɑnɔ Yiesu Klistu sɑnn ni. Lin nbɑ kul k i yien, ii yien mɑn Yonmdɑɑnɔ Yiesu Klistu sɑnn ni, kii tien Bɑɑ Yennu niipuouk Yiesu tuonɑ pɑɑk.

1 Piɑl 2:5

Ii mun i tie nɑn tɑnɑ nbɑ fo k bin jii’i k mɑɑ Foŋɑnm ŋɑɑk. K yii tie Yennu tiɑɔnŋ mɑnntieb, kii mɑnn *mɑlunŋ nɑn Foŋɑnm nbɑ luon bɑnnu nbɑ, k Yiesu *Klistu pɑɑk, Yennu sɑɑ gɑɑl i mɑlunŋ ɑ.

1 Piɑl 2:9

Ŋɑɑn yinm ŋɑnin tie nigɑnnkɑb e, k biɑ tie mɑnntieb nbɑ tuun k tien kpɑnbɑl, k biɑ tie nibuolu nbɑ tie Yennu yɑb, k biɑ tie u tiɑɔnŋ niib, ɑ yii muɑntl u bulcint po, ŋuɑ nbɑ nyinn’i bunbɔnn ni, k bɑɑl nɑn’i u bɑktnɔunŋ yentu ni.