Luonmtieb 7:14 - Yiesu Lɑbɑmɑnn Muɑl Ni

¹⁴ T mi nɑn senni nyii Yennu buol e, ŋɑɑn min ŋɑnin tie nisɑɑlk e, k b kɔi’n k n tie nɑn biit dɑɑbl nɑ.

Luonmtieb 7:14 Iomraidhean Croise

Mɑɑtieo 16:23

Ŋɑnn e k Yiesu jiɑnt yet Piɑl ɑ: «*Sɑɑtɑn nɑ, sietl nnɑ nɑ. A tie tɑngbiɑtkɑl e n sɔnu ni, k mɑɑn ɑ k duki lin nbɑ tie Yennu yɑl po, ŋɑɑn duki lin nbɑ tie nisɑɑli yɑl po,»

Mɑɑtieo 18:25

K u kɑn fit lɑ k pɑ, k kpɑnbɑl nɑ tul mɔb ɑ bin kɔi ŋuɑ nɑn u ŋɑɑpuo nɑn u wɑɑs, nɑn wɑɑ mɔk lin nbɑ kul ɑ, k tɑn pɑ pɑnn mɑnŋ.

Mɑɑtieo 5:22

ŋɑɑn min ŋɑnin yien’i e lɑɑ, wun nbɑ dont wutuol u nɑɑ bik pɑɑk, u tɑn sii be mɑɑn ni, k wun nbɑ sukl u nɑɑ bik ɑ: ‹Bon-yɑnn nɑ,› u tɑn sii be mɑɑn ni, k wun nbɑ mun biɑ sukl u nɑɑ bik ɑ: ‹Bonjɑtl nɑ,› u tɑn sii be mɑɑn ni k kuɑ muu nbɑ kɑn mi kpien nɑ ni.

Mɑɑtieo 5:28

ŋɑɑn min ŋɑnin yien’i e, nɑn wun nbɑ got puo k u niɑɔnŋ kuɑ’u, u tun * boncuncontuonn u pɑl ni wɑɑ.

Lɑbɑmɑnn nbɑ k Luk diɑn 5:8

K Siimɔn Piɑl nbɑ din lɑ lin nbɑ tien nɑ, k u gbɑɑn Yiesu tuɑnn ŋɑɑn yet’ɔ ɑ: «N Yonmdɑɑnɔ, nyikn’min ŋɑɑn kii sɑɑ k mɑɑn n tie biitdɑɑnɔ e,»

Lɑbɑmɑnn nbɑ k Luk diɑn 7:6

Ŋɑnn e k Yiesu din wei’b sɑɑn. Wɑɑ din sɑɑ pel ŋɑɑk mɑnŋ yuo nbɑ, k sejenm yudɑɑnɔ mɑnŋ din tun u yuɑsnbɑ k yet’b ɑ bin yet Yiesu nnɑ ɑ: «N Yonmdɑɑnɔ, dɑɑ bɑknt ɑ mɔnŋ k bɑɑt, k mɑɑn n k ŋɑn nɑn fɑn bɑɑl kuɑ n ŋɑɑk ni.

Luonmtieb 3:9

K l tie nlee? Tinm nbɑ tie Suifnbɑ nɑ, t binbenŋ cie bin nbɑ k tie Suifnbɑ binbenŋ ɑmi? Aɑi, nɑn wɑɑn ɑ. N ponŋ dɔnŋ wɑnn biɑnŋ nbɑ k Suifnbɑ nɑn bin nbɑ k tie Suifnbɑ nɑ kul be biit yiikuo ni,

Luonmtieb 6:6

T mi nɑn t binbenkpelk nɑ lɑkn k kpo nɑn Yiesu u dɑpunpunn pɑɑk, ɑ t biit binbenŋ nɑ ji dɑɑ mɔk yiikuo, k t ji kii be biit dɑbs ni,

Luonmtieb 7:18

N mi nɑn bonŋɑnsiɑl kɑɑ n ni, k l wɑnt nɑn n biit binbenŋ ni, k mɑɑn n luon k n tun lin nbɑ ŋɑn, ŋɑɑn n kɑn fit k tuun’l.

Gɑɑlɑɑt-tieb 4:3

T mun din tie nnɑ e. Yuo nbɑ k t din tie nɑn bonbunɑ t din tie *dulnyɑ nnɑ sei dɑɑbɑ.

Efestieb 3:8

Yennu niib sinsuuk ni, min e tɑn juont wun nbɑ k be kɑnn ni, ŋɑɑn u ninkpɑbɑɔnŋ pɑɑk, k Yennu cɑb’n ɑ n muɑnt muɑnti k tul bin nbɑ k tie Suifnbɑ k wɑnn’b bɑnnu nbɑ k Klistu luon wun tul’t bonŋɑnɑ nbɑ kɑɑ pɑɑk,

Hebluonbɑ 4:12

K mɑɑn Yennu mɑɑn mɑnŋ tie mɑɑn nbɑ fo e, k mɔk pɑnŋ k tuun tuonn, k biɑ di k gɑl juk-bɑnjiɑk nbɑ di mɔliemi nɑ. Yennu mɑɑn fit ŋmɑ k kuɑ bɑɑt nisɑɑlk siek nɑn u mɑnfuol buol ni, k kuɑ bɑɑt u tuktɑ nɑn u kpɑbɑ biesn ni, k kuɑ bɔktl u dudukt nɑn u pɑl ni bibikt.