Luonmtieb 6:23 - Yiesu Lɑbɑmɑnn Muɑl Ni

²³ K mɑɑn biit nyuɑt tie kuun e, ŋɑɑn Yennu piini nbɑ k u tien’t yɑnn nɑ tie mɑnfuol nbɑ kɑɑ gbennu e, t Yonmdɑɑnɔ Yiesu Klistu pɑɑk.

Luonmtieb 6:23 Iomraidhean Croise

Mɑɑtieo 25:46

Bin nbɑ nɑ e tɑn sɑɑ sɑɑn k sɑɑ lɑ tubdɑtu nbɑ kɑɑ gbennu nɑ, ŋɑɑn k niŋɑnm n mun sɑɑn kii sɑɑ ii be mɑnfuol nbɑ kɑɑ gbennu ni.»

Lɑbɑmɑnn nbɑ k Sɑn diɑn 10:28

k n tien’m mɑnfuol nbɑ kɑɑ gbennu, k b kɑn mi k kpo, k suɑ biɑ kɑɑ k sɑɑ fit fɑt’b n nuu ni.

Lɑbɑmɑnn nbɑ k Sɑn diɑn 17:2

k mɑɑn fin e tul’ɔ yiikuo niib kul pɑɑk, ɑ wun ji fit tul niib kul nbɑ k ɑ tul’ɔ mɑnŋ mɑnfuol nbɑ kɑɑ gbennu.

Lɑbɑmɑnn nbɑ k Sɑn diɑn 3:36

Dɑɑnɔ nbɑ tien Bijɑ mɑnŋ yɑdɑ mɔk mɑnfuol nbɑ kɑɑ gbennu, ŋɑɑn dɑɑnɔ nbɑ yet Bijɑ mɑnŋ, Yennu wutuol be u pɑɑk k u kɑn lɑ mɑnfuol mɑnŋ.

Lɑbɑmɑnn nbɑ k Sɑn diɑn 4:14

ŋɑɑn mi i tul wun nbɑ n nyun nɑ k u nyuu, nyun-nyuklu kɑn mi k suol’ɔ jik, k mɑɑn mi i tul suɑ n nyun nɑ, l sii buni mɑnfuol nyun e u ni, k biɑ sɑɑ tul’ɔ mɑnfuol nbɑ kɑɑ gbennu.»

Lɑbɑmɑnn nbɑ k Sɑn diɑn 4:36

Dijɑɑntieb lɑɑt b pɑɑɔk o, k tiki dibin nbɑ sɑɑ lɑ mɑnfuol nbɑ kɑɑ gbennu k ŋɑnn e sɑɑ te k wun nbɑ buul nɑn wun nbɑ jɑɑn dii mɑnŋ sii mɔk pɑlpienn.

Lɑbɑmɑnn nbɑ k Sɑn diɑn 5:24

«Bɑlmɔni e k n yien’i nɑ, dɑɑnɔ nbɑ gbɑt n mɑɑn nɑ, k biɑ tien wun nbɑ tun’n nɑ yɑdɑ, ŋuɑ e mɔk mɑnfuol nbɑ kɑɑ gbennu, k Yennu kɑn bu u buut k biil’ɔ. U biɑ ponŋ nyii kuun nuu ni wɑɑ, k be mɑnfuol mɑnŋ ni e.

Lɑbɑmɑnn nbɑ k Sɑn diɑn 6:27

I dɑɑ tuun tuonn jiet nbɑ sɑɑ fit biil pɑɑk, ŋɑɑn ii tuun tuonn jiet nbɑ tien niib mɑnfuol nbɑ kɑɑ gbennu pɑɑk. *Nisɑɑlk Bijɑ sɑɑ tul’i l jebuolu, k mɑɑn u Bɑɑ Yennu dɔk’ɔ u dɔuk k l wɑnn nɑn Bijɑ mɑnŋ mɔk u Bɑɑ yiikuo.»

Lɑbɑmɑnn nbɑ k Sɑn diɑn 6:40

Nnɑ e k n Bɑɑ Yennu luon, ɑ wun nbɑ lɑ u Bijɑ k tien’ɔ yɑdɑ, u sɑɑ lɑ mɑnfuol nbɑ kɑɑ gbennu, k n tɑn sɑɑ fiin’m kuun ni tingbounŋ cincɑɑtdɑɑl.»

Lɑbɑmɑnn nbɑ k Sɑn diɑn 6:68

K Siimɔn Piɑl jiin yet’ɔ ɑ: «Yonmdɑɑnɔ, k t mun ji sɑɑ nyik’ɑ ŋɑɑn sɑɑn ŋmee buol i? Fin e mɔk mɑɑn nbɑ tien niib mɑnfuol nbɑ kɑɑ gbennu.

Luonmtieb 1:32

B mi nɑn Yennu sennu wɑnn nɑn bin nbɑ tuun lin nbɑ nɑ buolu, b nyuɑt tie kuun e, ŋɑɑn b lek kpɑn tuun ŋɑnn e, k biɑ tɑɑ bin nbɑ tuun l tuonbuolu nɑ po.

Luonmtieb 2:7

Bin nbɑ ninbinɑ mɔn nɑn bii tuun tuonŋɑnɑ k lɑ pɑku nɑn bɑɑkl nɑn mɑnfuol nbɑ kɑɑ gbennu nɑ, ŋɑnm e k Yennu sɑɑ tul’b mɑnfuol nbɑ kɑɑ gbennu mɑnŋ.

Luonmtieb 5:12

Tɔn, niyenɔ kuɑ e din te k biit bɑɑl tingbounŋ nɑ ni, k u biit nɑ pɑɑk e te k kuun be. L pɑɑk e te k kuun kpi niib kul, k mɑɑn nisɑɑlk kul tun biit ɑ.

Luonmtieb 5:17

Niyenɔ kuɑ mɑnŋ biit pɑɑk e k kuun kpi suɑ kul, k l nyii niyenɔ mɑnŋ buol e, ŋɑɑn lin nbɑ wei niyenɔ kuɑ Yiesu Klistu tuonn nɑ gɑl nnɑ wɑɑ. Niib kul nbɑ lɑ Yennu ninkpɑbɑɔnŋ nbɑ yɑb, nɑn u piini nbɑ tie nyikcɑbu piini nɑ, b sɑɑ di nɑɑn kii mɔk mɑnfuol Yiesu Klistu pɑɑk.

Luonmtieb 5:21

L pɑɑk, biit nbɑ din te k nisɑɑli kpenn biɑnŋ nbɑ nɑ, nnɑ e mun k Yennu ninkpɑbɑɔnŋ pɑɑk te k u yet ɑ b tie niŋɑnm u buol, k tul’b mɑnfuol nbɑ kɑɑ gbennu, t Yonmdɑɑnɔ Yiesu Klistu pɑɑk.

Luonmtieb 6:16

I mi nɑn l i tie k i jii i mɔnŋ k tul suɑ ɑ yin sɑk u mɔb i e, i set tie wun nbɑ k sɑɑk u mɔb nɑ dɑɑbɑ e. I i sɑk k tuun biit, i tie biit dɑɑbɑ e, k l juontu tie kuun e. Ŋɑɑn i i sɑk Yennu mɔb, i tie mɔsɑkdɑnm e, k ŋɑnn e sɑɑ te k i tie niŋɑnm Yennu buol.

Luonmtieb 6:21

Tuonɑ nbɑ k i din tuun k l mɔk’i fei mɔtɑɑnɑ nɑ, l din mɔk nyɔlɑnt e k tul’i ni? L tuonbuolu bɑɑt nɑn kuun e.

Luonmtieb 8:13

K mɑɑn, l i tie k i wɑɑ nisɑɑlk binbenŋ, i sɑɑ kpo wɑɑ, ŋɑɑn l i tie k i jii Foŋɑnm yiikuo k kpi i gbɑnɑnt biit, i sɑɑ lɑ mɑnfuol ɑ.

Luonmtieb 8:38

K mɑɑn, n mi fɑnu nɑn siɑl kɑɑ k sɑɑ fit bɔkt tinm nɑn Klistu lonm, kuun ɑmi mɑnfuol ɑmi *mɑlɑkɑɑnbɑ ɑmi nɑlnbiit ɑmi lin nbɑ tie mɔtɑɑnɑ ɑmi lin nbɑ tɑn sɑɑ tien ɑmi

Luonmtieb 8:39

lin nbɑ be sɑnpɑɑpo ɑmi tinpuɑl ni ɑmi. Siɑl kɑɑ nɑɔnŋ kul ni k sɑɑ fit bɔkt tinm nɑn Yennu lonm nbɑ k t lɑ t Yonmdɑɑnɔ Yiesu Klistu ni nɑ.

Luonmtieb 8:6

Dudukt nbɑ wɑɑ nisɑɑlk binbenŋ nbɑ luon lin nbɑ nɑ, juontl nɑn kuun e, ŋɑɑn dudukt nbɑ wɑɑ Foŋɑnm nbɑ luon lin nbɑ nɑ, juontl nɑn mɑnfuol nɑn mɑnu e.

Gɑɑlɑɑt-tieb 3:10

Ŋɑɑn bin nbɑ duki nɑn b tie niŋɑnm b senni weiu nɑ pɑɑk nɑ, Yennu mɔpol be b pɑɑk, k mɑɑn l diɑn Yennu lolkpel kɑdɑɑɔk ni ɑ: «Wun nbɑ k wɑɑ senni kul nbɑ diɑn kɑdɑɑɔk mɑnŋ ni nɑ, Yennu mɔpol be u pɑɑk.»

Tiit 1:2

Lin nbɑ nɑ nyii dindɑnn nbɑ k t mɔk nɑn t sii mɔk mɑnfuol nbɑ kɑɑ gbennu nɑ ni e. Yuo nbɑ k u dɑɑ din k nɑn dulnyɑ nɑ, Yennu nbɑ k fɑɑ fɑɑk nɑ din senn mɔsonn ɑ u sɑɑ tul’t mɑnfuol mɑnŋ.

Sɑɑk 1:15

Niɑnbiiuk i suol nilɔ, l tuu tie puol k tɑn mɑl biit, k biit mun n suol puol k mɑl kuun.

1 Sɑn 2:25

k mɔsonn nbɑ k u senn k tul’t nɑ tie ɑ, t sii be nɑn Yennu e yuo kul.

Fiitu 21:8

Ŋɑɑn jɑŋmɑɑndɑnm nɑn bin nbɑ kɑɑ yɑdɑ nɑn bonbiildɑnm nɑn nikpiilt nɑn juonbɑɑlt nɑn jɑbɑɑbulɑ nɑn pɑtjiɑnt-dɑnm nɑn fɑi dɑnm kul, b binbebuol tie mɔkl nbɑ di muu k sɑlwuutɑ di nɑn’n nɑ e. Ŋɑnn e tie kuun nbɑ pukn munle nɑ.»