Luonmtieb 6:22 - Yiesu Lɑbɑmɑnn Muɑl Ni

²² Ŋɑɑn mɔtɑɑnɑ i ji nyii biit dɑɑbs ni wɑɑ k ji tie Yennu dɑɑbɑ e. L pɑɑk, yɑɑ tuun lin nbɑ kul, i gbuot Yennu nunm e k mɔk mɑnfuol nbɑ kɑɑ gbennu. Ŋɑnn e tie i nyuɑt.

Luonmtieb 6:22 Iomraidhean Croise

Mɑɑtieo 13:40

Biɑnŋ nbɑ k b tikl dinɑtimi nɑ k juo muu nɑ, nnɑ e k l tɑn sii tie dulnyɑ gbennu dɑɑl.

Mɑɑtieo 13:43

Ŋɑɑn l yuo mɑnŋ, bin nbɑ tuun Yennu nbɑ luon bɑnnu nbɑ nɑ kul tɑn sii be b Bɑɑ nɑɑn ni e wɑɑ k nyili nɑn yennu nɑ. Wun nbɑ mɔk tubɑ, wun gbiint.»

Mɑɑtieo 19:29

K wun nbɑ kul nyik u ŋɑɑk, ɑmi u yuɑlb, ɑmi u wɑɑli, ɑmi u bɑɑ, ɑmi u nɑɑ, ɑmi u wɑɑs, ɑmi u kpɑɑnt, n pɑɑk, u tɑn sɑɑ lɑ bonɑ buolu buolu tɑɑl fuunu kobk kobk, k biɑ lɑ mɑnfuol nbɑ kɑɑ gbennu.

Mɑɑtieo 25:46

Bin nbɑ nɑ e tɑn sɑɑ sɑɑn k sɑɑ lɑ tubdɑtu nbɑ kɑɑ gbennu nɑ, ŋɑɑn k niŋɑnm n mun sɑɑn kii sɑɑ ii be mɑnfuol nbɑ kɑɑ gbennu ni.»

Lɑbɑmɑnn nbɑ k Sɑn diɑn 15:16

Yinm kɑɑ gɑnn’n, ŋɑɑn min e gɑnn’i, k tul’i tuonɑ mɑɑ ii sɑɑ kii luon luɑnɑ bonciɑnn, luɑnɑ nbɑ sii be mɔkmɔk nɑn mɔkmɔk, ɑ n Bɑɑ Yennu n tul’i lin nbɑ k i miɑl’ɔ n sɑnn ni.

Lɑbɑmɑnn nbɑ k Sɑn diɑn 15:2

k u tuu cuɑ yiini kul nbɑ gɑɑ n pɑɑk ŋɑɑn k k luon luɑnɑ nɑ. Ŋɑɑn yiini kul nbɑ ŋɑnin luon luɑnɑ nɑ, u tuu gbɑt gbɑt ŋɑnn e, k lin ŋɑnm k lon luɑnɑ bonciɑnn.

Lɑbɑmɑnn nbɑ k Sɑn diɑn 4:36

Dijɑɑntieb lɑɑt b pɑɑɔk o, k tiki dibin nbɑ sɑɑ lɑ mɑnfuol nbɑ kɑɑ gbennu k ŋɑnn e sɑɑ te k wun nbɑ buul nɑn wun nbɑ jɑɑn dii mɑnŋ sii mɔk pɑlpienn.

Lɑbɑmɑnn nbɑ k Sɑn diɑn 8:32

k i biɑ sɑɑ bɑnn bɑlmɔni, k bɑlmɔni mɑnŋ sɑɑ nyinn’i dɑɑbs ni.»

Luonmtieb 6:14

K mɑɑn, *senni nbɑ ji k yen’i, ŋɑɑn Yennu ninkpɑbɑɔnŋ nɑ e yen’i nɑ, l k ŋɑn k biit i mɔk i yɑɑk.

Luonmtieb 6:18

Mɔtɑɑnɑ i ji k tie biit dɑɑbɑ, ŋɑɑn i ji tie dɑɑbɑ k tul lin nbɑ tuok nɑ tumu e.

Luonmtieb 6:21

Tuonɑ nbɑ k i din tuun k l mɔk’i fei mɔtɑɑnɑ nɑ, l din mɔk nyɔlɑnt e k tul’i ni? L tuonbuolu bɑɑt nɑn kuun e.

Luonmtieb 7:25

Yennu yien niipuouk t Yonmdɑɑnɔ Yiesu Klistu ni. L pɑɑk, n mɔnŋ wɑɑ Yennu senni nɑ n yɑn ni, ŋɑɑn k n nifosɑɑlk binbenŋ ni n tie sennliel nbɑ bɑɑt nɑn biit nɑ dɑɑbl e.

Luonmtieb 7:4

N nɑɑ wɑɑs, l mun tie nnɑ e k tul’i. I kpo e k senni ji k mɔk i yiikuo, k yɑɑ tie *Klistu gbɑnɑnt bɔkl nɑ, i tie suɑ yɑb e. Mɔtɑɑnɑ, i gɑɑ nɑn nisuɑ e, wun nbɑ fiil kuun ni nɑ, ɑ yii tuun lin nbɑ mɔk nyuɑt k tul Yennu.

Luonmtieb 8:2

k mɑɑn mɑɑ tɑɑn nɑn Yiesu Klistu nɑ, Foŋɑnm *senni nbɑ tien mɑnfuol nɑ, fɑt’n biit nɑn kuun senni ni wɑɑ.

1 Kuolent-tieb 7:22

Wun nbɑ ponŋ tie dɑɑbl yuo nbɑ k Yonmdɑɑnɔ yiin’ɔ nɑ, u ji tie Yonmdɑɑnɔ yuɑ e k ji k tie dɑɑbl u buol ni. Nnɑ e mun, l i tie k wun nbɑ tuu yen u mɔnŋ ɑ, k Yonmdɑɑnɔ tɑn yiin’ɔ, u ji tie *Klistu dɑɑbl e.

2 Kuolent-tieb 3:17

Tɔn, Yonmdɑɑnɔ tie Siek nɑ e, k siɑn nbɑ k Yonmdɑɑnɔ Siek nɑ be nɑ, yent-n-mɔnŋ be lenŋ e.

Gɑɑlɑɑt-tieb 1:10

N yiɑb mɑɑ n gɑɑl nisɑɑlk pɑku kuo Yennu yɑl e? N luon k mii tun lin nbɑ k niib luon ɑmi ii? L i tie k n luon k mii tuun lin nbɑ k niib luon nɑ, n ji kii tie Klistu tuontunnɔ.

Gɑɑlɑɑt-tieb 5:13

N nɑɑ wɑɑs, Yennu yiin’i ɑ yii mɔk yent-n-mɔnŋ e, ŋɑɑn i dɑɑ te k i yent-n-mɔnŋ n ŋɑɑn k i nisɑɑlk lonm n nyɑnn’i. Ŋɑɑn i ŋɑɑn k i lonm n te k i sonm i lieb mɑn.

Gɑɑlɑɑt-tieb 5:22

Ŋɑɑn Foŋɑnm te k nilɔ mɔk lonm, nɑn pɑlpienn, nɑn mɑnu, nɑn suklu, nɑn bulcint, nɑn ŋɑnm, nɑn yɑdɑ,

Efestieb 5:9

k mɑɑn yentu bɑɑt nɑn tuonŋɑnɑ buolu kul ɑ nɑn yentinu nɑn bɑlmɔni.

Fiiliiptieb 1:11

k i binbenŋ n gbie nɑn yentinu luɑnɑ nbɑ nyii Yiesu Klistu buol ni nɑ, ɑ Yennu n lɑ dontl nɑn pɑku.

Fiiliiptieb 4:17

L k tie ɑ n luon mii gɑɑn piini kɑɑ, ŋɑɑn n luon k yin lɑ nyuɑt i tuonŋɑnɑ pɑɑk.

Kuoluostieb 1:10

Nnɑ e k i sɑɑ fit kii be binbenŋ nbɑ k Yonmdɑɑnɔ luon. Ii tuun mɑn yuo kul lin nbɑ ŋɑn u po, kii tuun tuonŋɑnɑ buolu buolu kul. I i tuun nnɑ i tɑn sɑɑ ŋɑnm bɑnn Yennu fɑnu wɑɑ.

Kuoluostieb 4:12

Epɑɑflɑɑs, wun nbɑ mun biɑ tie i duo ni nilɔ k biɑ tie Yiesu Klistu tuontunnɔ nɑ, fuont’i. U mei Yennu nɑn ninmɔnn yuo kul k tien’i, ɑ Yennu n te k yin set kenken, kii tie nisubltieb nbɑ tuun Yennu lonm nɑ.

Tiit 1:1

Min Pɔul, wun nbɑ tie Yennu tuontunnɔ nɑn Yiesu *Klistu *tuomi nɑ, min e k Yennu lukt’n k tun’n u nigɑnnkɑb buol ɑ n cie b yɑdɑ, k te bin bɑnn u bɑlmɔni lɑbɑɑl nbɑ wɑnt’t bɑnnu nbɑ k t sii mɔk binbenŋ nbɑ gbuot Yennu nunm.

Hebluonbɑ 12:14

I yɑbl i mɔnŋ pɑɑk kii mɔk mɑnu yinm nɑn niib kul sinsuuk ni, kii biɑ kii mɔk binbenŋ nbɑ gbuot Yennu nunm, k mɑɑn suɑ i kii mɔk ŋɑnn, l dɑɑnɔ tɑn kɑn lɑ Yonmdɑɑnɔ.

Sɑɑk 1:1

Min Sɑɑk, wun nbɑ tie Yennu tuontunnɔ k biɑ tie Yonmdɑɑnɔ Yiesu *Klistu tuontunnɔ, n fuont Islɑɑel nibuolu piik nɑn bɑnle nbɑ yɑt k be tingbounŋ nɑ kul ni.

1 Piɑl 1:9

K mɑɑn i lɑɑt lin nbɑ k i yɑdɑ tien’i k ŋɑnn e tie i sei fielu.

1 Piɑl 2:16

Ii be nɑn yent-n-mɔnŋ dɑnm nɑ mɑn, ŋɑɑn i dɑɑ diɑ i yent-n-mɔnŋ binbenŋ mɑnŋ k l tien’i yɑɑk nbɑ k i sii tuun bonbiil. Ii mɔk mɑn Yennu tuontunnɑ binbenŋ mɑn.

Fiitu 7:13

K sɑɑkɑb nɑ yenɔ boi’n ɑ: «K bin nbɑ liɑ liɑtfopieni nɑ tie lɑnm e, k b nyii lee?»