Luonmtieb 6:16 - Yiesu Lɑbɑmɑnn Muɑl Ni

¹⁶ I mi nɑn l i tie k i jii i mɔnŋ k tul suɑ ɑ yin sɑk u mɔb i e, i set tie wun nbɑ k sɑɑk u mɔb nɑ dɑɑbɑ e. I i sɑk k tuun biit, i tie biit dɑɑbɑ e, k l juontu tie kuun e. Ŋɑɑn i i sɑk Yennu mɔb, i tie mɔsɑkdɑnm e, k ŋɑnn e sɑɑ te k i tie niŋɑnm Yennu buol.

Luonmtieb 6:16 Iomraidhean Croise

Mɑɑtieo 20:4

K u yet’b ɑ: ‹Ii do mɑn n kpɑɑb ni kii sɑɑ i ko, k n pɑ’i lin nbɑ jɑnŋ.›

Mɑɑtieo 6:24

«Suɑ kɑn fit tun k tul yonmdɑnm bɑnle. U sii nɑn yenɔ ŋɑɑn kii luon luɑ, ɑmi u sii niɑn yenɔ e, ŋɑɑn kii jɑkn luɑ nɑ. I kɑn fit wɑɑ Yennu nɑn tingbounŋ nɑ mɔktuk biɑk.

Lɑbɑmɑnn nbɑ k Sɑn diɑn 8:34

K Yiesu jiin k yet’b ɑ: «Bɑlmɔni e k n yien’i nɑ, suɑ kul nbɑ tuun biit, u tie biit dɑɑbl e.

Luonmtieb 11:2

Yennu k lu u niib nbɑ k u dɔnŋ lukt’b nɑ. I mi lɑɑ diɑn Yennu lolkpel kɑdɑɑɔk ni k wɑnt *Elii nbɑ din yien Yennu, Islɑɑeltieb biit po biɑnŋ nbɑ ɑ:

Luonmtieb 12:1

L pɑɑk, n nɑɑ wɑɑs, Yennu ninbɑtinu pɑɑk e te k n boi’i ɑ yin jii i gbɑnɑnt k tul’ɔ, k lii tie mɑnnu nbɑ fo, kii wɑɑ ŋuɑ kuukuɑ, k l sɑɑ mɑnŋ’ɔ. Ŋɑnn e tie Yenjiɑntu nɑn bɑlmɔni.

Luonmtieb 6:17

Siɑn yuo, biit din mɔk i yiikuo, ŋɑɑn mɔtɑɑnɑ i mɑntk sɑɑk bɑlmɔni wɑnnu nbɑ k b din wɑnt’i nɑ nɑn i pɑlɑ kul. L pɑɑk, k n tien Yennu niipuouk.

1 Kuolent-tieb 3:16

I k mi nɑn i tie Yennu jɑɑnti ŋɑsɑɑkɑk e, k Foŋɑnm be i ni ii?

1 Kuolent-tieb 5:6

I dont-n-mɔnŋ mɑnŋ k ŋɑn. I k mi ɑ * dɑtinŋ wɑɑnm-nnɑ e te k pɑɑnu yon kul fuutl piil ii?

1 Kuolent-tieb 6:2

I k mi ɑ Yennu niib tɑn sɑɑ bu tingbounŋ nɑ tieb buut ii? K l i tie k i tɑn sɑɑ bu tingbounŋ nɑ tieb buut, ŋɑnn i kɑn fit k bu bɑlbisbis mɔtɑɑnɑ ɑɑ?

1 Kuolent-tieb 6:3

I k mi nɑn t tɑn sɑɑ bu *mɑlɑkɑɑnbɑ buut ii? Nlee k i kɑn fit bu mɔtɑɑnɑ binbenŋ nɑ mɑɑn i?

1 Kuolent-tieb 6:9

I k mi nɑn bin nbɑ tuun bonbiil nɑ tɑn kɑn lɑ yiɑl Yennu nɑɑn ni ii? I dɑɑ kpɑnn i mɔnŋ. Bin nbɑ tie juonbɑɑlt ɑmi pɑtmɑnnɑ ɑmi boncunconɑ ɑmi jɑb nbɑ mɔk niɑɔnŋ k duɑ nɑn b jɑlieb

1 Kuolent-tieb 9:13

I ponŋ mi nɑn bin nbɑ tuun Yennu jɑɑnti ŋɑsɑɑkɑk ni nɑ, b jiet nyi b tuonn mɑnŋ ni e, k bin nbɑ mɑnn *mɑlunŋ k tien Yennu, binbintl pɑɑk nɑ mun gɑɑn b yɑl lenŋ e.

1 Kuolent-tieb 9:24

I k mi nɑn l i tie nɑntɑɑl, nɑntɑtinnɑ kul tuu tiin e, ŋɑɑn yenɔ kuɑ e tuu tɑn di k gɑɑl piini ii? L pɑɑk, yɑbt mɑn k tin bɑnnu nbɑ k i sɑɑ di k gɑɑl piini mɑnŋ.

2 Piɑl 2:19

B tuu senn mɔsonn k yet, ɑ b sii mɔk yent-n-mɔnŋ, ŋɑɑn b mɔnŋ tie b gbɑnɑnt lonm nbɑ biil’b nɑ dɑɑbɑ e k be sɔnu nbɑ sɑɑ juont nɑn kuun nɑ ni. Suɑ kul tie lin nbɑ yen’ɔ nɑ dɑɑbl.