Luonmtieb 6:12 - Yiesu Lɑbɑmɑnn Muɑl Ni

¹² L pɑɑk, i dɑɑ cɑbt k biit n yent i gbɑnɑnt nbɑ tɑn sɑɑ kpo wɑɑ nɑ, k te k i tuun gbɑnɑnt mɑnŋ lonm.

Luonmtieb 6:12 Iomraidhean Croise

Luonmtieb 13:14

I jii Yonmdɑɑnɔ Yiesu *Klistu binbenŋ k lii tie i yɑl, k dɑɑ ŋɑɑnt k gbɑnɑnt lonbiit n te k i tuun biit.

Luonmtieb 2:8

Ŋɑɑn bin nbɑ mɔk kunkɔnɑ, k k sɑk lin nbɑ tie bɑlmɔni nɑ, ŋɑɑn wɑɑ bonbiil sɔnu, ŋɑnm e k Yennu wutuol sɑɑ do b pɑɑk k wun bu b buut.

Luonmtieb 5:21

L pɑɑk, biit nbɑ din te k nisɑɑli kpenn biɑnŋ nbɑ nɑ, nnɑ e mun k Yennu ninkpɑbɑɔnŋ pɑɑk te k u yet ɑ b tie niŋɑnm u buol, k tul’b mɑnfuol nbɑ kɑɑ gbennu, t Yonmdɑɑnɔ Yiesu Klistu pɑɑk.

Luonmtieb 6:14

K mɑɑn, *senni nbɑ ji k yen’i, ŋɑɑn Yennu ninkpɑbɑɔnŋ nɑ e yen’i nɑ, l k ŋɑn k biit i mɔk i yɑɑk.

Luonmtieb 6:16

I mi nɑn l i tie k i jii i mɔnŋ k tul suɑ ɑ yin sɑk u mɔb i e, i set tie wun nbɑ k sɑɑk u mɔb nɑ dɑɑbɑ e. I i sɑk k tuun biit, i tie biit dɑɑbɑ e, k l juontu tie kuun e. Ŋɑɑn i i sɑk Yennu mɔb, i tie mɔsɑkdɑnm e, k ŋɑnn e sɑɑ te k i tie niŋɑnm Yennu buol.

Luonmtieb 8:11

L i tie k Yennu Siek nbɑ fiin Yiesu kuun ni nɑ be i ni, ŋuɑ nbɑ fiin Yiesu Klistu kuun ni nɑ sɑɑ tul i gbɑnɑnt nbɑ tɑn sɑɑ kpo wɑɑ nɑ mɑnfuol, Siek nbɑ be i ni nɑ pɑɑk.

Luonmtieb 8:13

K mɑɑn, l i tie k i wɑɑ nisɑɑlk binbenŋ, i sɑɑ kpo wɑɑ, ŋɑɑn l i tie k i jii Foŋɑnm yiikuo k kpi i gbɑnɑnt biit, i sɑɑ lɑ mɑnfuol ɑ.

2 Kuolent-tieb 4:11

Tinm nbɑ fo nɑ, be kuun nuu ni e yuo kul Yiesu pɑɑk, ɑ u mɑnfuol nbɑ be t gbɑnɑnt nbɑ sɑɑ kpo nɑ n nyi pɑɑnu ni.

2 Kuolent-tieb 5:4

Tɑɑ biɑl lɑnbounŋ nɑ ni, t kuli e nɑn t jii jik-kpiɑtl nɑ. L k tie ɑ t ji k luon gbɑnɑnt nɑ benu kɑɑ, ŋɑɑn t luon sɑnpɑɑpo gbɑnɑnt nɑ, ɑ l dɑɑl k mɑnfuol nɑ n tɑn nɑk lin nbɑ sɑɑ kpo.

Gɑɑlɑɑt-tieb 5:16

Ŋɑɑn n yien’i e, ŋɑɑnt k Foŋɑnm ii diɑ i binbenŋ mɑn, k dɑɑ te k i niɑɔnŋ tuun nisɑɑlk lonm.

Gɑɑlɑɑt-tieb 5:24

Bin nbɑ tie Klistuyɑb kpɑɑ b nisɑɑlk lonm nɑn l lonbiit kul ɑ dɑpunpunn pɑɑk ɑ.

Efestieb 2:3

Bɑlmɔni, t kul ɑ mun din nɑɑn nɑn l nibuolu nɑ e, k wɑɑ t gbɑnɑnt niɑɔnŋ, k tuun t gbɑnɑnt nɑn t dudukt lonm. Tinm nɑn ŋɑnm biit binbenŋ din jɑnŋ nɑn lin bɑɑl nɑn Yennu wutuol t kul ɑ pɑɑk ɑ.

Efestieb 4:22

L pɑɑk, yɑbt i mɔnŋ mɑn k nyik i binbenkpelk nbɑ din te k i tuun lin nbɑ k i din tuu tuun nɑ. Binbenkpelk mɑnŋ nɑn niɑnbiiuk din te k i tɔkn sɔnu nbɑ sɑɑ biil’i.

1 Tesɑɑluoniiktieb 4:5

k dɑɑ tuun nnɑ nɑn niɑnbiiuk binbenŋ nɑn bin nbɑ k mi Yennu nbɑ tuun biɑnŋ nbɑ nɑ.

2 Tiimuote 2:22

Nyint ɑ mɔnŋ nipɑɑɔnŋ niɑnbiit ni, ŋɑɑn kii wɑɑ bin nbɑ k Yennu yet, ɑ b tie niŋɑnm u buol ni nɑ sɔnu, nɑn yɑdɑ sɔnu, nɑn lonm sɔnu, nɑn mɑnu. Ii tuun nnɑ nɑn bin nbɑ mei Yonmdɑɑnɔ nɑn pɑlpienn nɑ.

Tiit 2:12

L ninkpɑbɑɔnŋ e wɑnn’t nɑn tin nyik binbenŋ nbɑ k gbuot Yennu nunm nɑn tingbounŋ nɑ lonbiiuk, ŋɑɑn kii be binbenŋ nbɑ wɑnt nɑn t tie bɑlmɔnpɑklɑ, k biɑ tuɑk bɑlmɔni sɔnu, k biɑ tie Yennu yɑb e.

Tiit 3:3

K mɑɑn siɑn-yuo t mɔnŋ din k mɔk yɑn, t din tie mɔyetdɑnm e, k wɑɑ sɔnu nbɑ k tuok. T din tie niɑnbiit nɑn gbɑnɑnt lonm buolu buolu dɑɑbɑ e. T binbenŋ kul din tie bonbiil nɑn niɑnbiiuk o. T din nɑn t lieb k b mun biɑ nɑn’t.

1 Piɑl 1:14

Ii tie mɑn nɑn wɑɑs nbɑ sɑɑk b bɑɑ mɔb nɑ, k dɑɑ wɑɑ lonbiit nbɑ k i din wɑɑ yuo nbɑ k i din k mi Yiesu Klistu nɑ.

1 Piɑl 2:11

N yuɑsnbɑ, yɑɑ tie sɑɑnm k biɑ tie kunsɑnnɑ tingbounŋ nɑ ni nɑ, n kpɑɑn’i e ɑ yi nyik gbɑnɑnt lonbiit nbɑ kɔn nɑn i sei nɑ,

Suud 1:16

B tie bunbulmi dɑnm e, k b nunm k mi gbuo. B tuun b mɔnŋ lonbiit nbɑ wɑnt’b bɑnnu nbɑ e, k piɑk nɑn pɑlbifɑɑnt, k koln niib ɑ bin lɑ siɑl.

Suud 1:18

B din yet ɑ: «Dɑɑjuonti dɑɑ mɑnŋ ni, niib tɑn sii lɑɑ’i, k wɑɑ b mɔnŋ mɔnŋ gbɑnɑnt lonbiit.»