Luonmtieb 6:11 - Yiesu Lɑbɑmɑnn Muɑl Ni

¹¹ Nnɑ e mun, i jii i mɔnŋ k lii nɑɑn nɑn i kpo nɑ k biit ji k mɔk i yiikuo, ŋɑɑn, Yiesu Klistu pɑɑk, i ji be i mɑnfuol ni k tien Yennu.

Luonmtieb 6:11 Iomraidhean Croise

Lɑbɑmɑnn nbɑ k Sɑn diɑn 20:31

Ŋɑɑn bɑktnɔunŋ tuonjɑɑnɑ nbɑ diɑn k be nnɑ nɑ, b diɑn ɑ yin tien yɑdɑ nɑn Yiesu e tie *Klistu, Yennu Bijɑ nɑ, ɑ l i tie k i tien yɑdɑ yin lɑ mɑnfuol u sɑnn ni.

Luonmtieb 16:27

Ŋuɑ Yennu kuukuɑ e tie yɑndɑɑnɔ nɑ. Niib kul n pɑk’ɔ mɔkmɔk nɑn yuo nbɑ kɑɑ gbennu, Yiesu Klistu sɑnn ni. * Amenn.

Luonmtieb 5:1

L pɑɑk, Yennu nbɑ jii’t k t tie niŋɑnm u tuɑnn t yɑdɑ pɑɑk nɑ e, k mɑnu ji be tinm nɑn Yennu sinsuuk ni t Yonmdɑɑnɔ Yiesu *Klistu pɑɑk.

Luonmtieb 6:10

Yiesu nbɑ din kpo nɑ, u din kpo t biit pɑɑk e tɑɑl yonm kuɑ, ŋɑɑn wɑɑ ji be u mɑnfuol ni nɑ, u be k tien Yennu e.

Luonmtieb 6:13

Dɑɑ cɑbt biit k l mɔk i gbɑnɑnt yɑɑk k tuun nɑn’n bonbiil, ŋɑɑn jiin i mɔnŋ k tul Yennu, ŋɑɑn kii tie nɑn i nyii kuun ni e k kuɑ mɑnfuol ni nɑ. Jiin i gbɑnɑnt kul k tul Yennu ɑ lii tuun lin nbɑ tuok.

Luonmtieb 6:2

Aɑi, ŋɑnn kɑɑ. L tie nɑn t kpo nɑ e, k l pɑɑk biit k mɔk t yiikuo. Nlee k t sɑɑ biɑl biit tumu ni?

Luonmtieb 6:23

K mɑɑn biit nyuɑt tie kuun e, ŋɑɑn Yennu piini nbɑ k u tien’t yɑnn nɑ tie mɑnfuol nbɑ kɑɑ gbennu e, t Yonmdɑɑnɔ Yiesu Klistu pɑɑk.

Luonmtieb 7:4

N nɑɑ wɑɑs, l mun tie nnɑ e k tul’i. I kpo e k senni ji k mɔk i yiikuo, k yɑɑ tie *Klistu gbɑnɑnt bɔkl nɑ, i tie suɑ yɑb e. Mɔtɑɑnɑ, i gɑɑ nɑn nisuɑ e, wun nbɑ fiil kuun ni nɑ, ɑ yii tuun lin nbɑ mɔk nyuɑt k tul Yennu.

Luonmtieb 7:6

Mɔtɑɑnɑ ŋɑnin, senni nɑ k diɑ’t k mɑɑn t din kpo e k senni nɑ ji k mɔk t yiikuo. L pɑɑk, t ji fit tuun k tien Yennu nɑn binbenpɑɑnŋ nbɑ nyii Foŋɑnm buol ni. T ji k tuun nɑn binbenkpelk nbɑ k senni nbɑ diɑn lolkpel kɑdɑɑɔk ni mɔk l yiikuo nɑ kɑɑ.

Luonmtieb 8:18

N mi nɑn fɑlɑ nbɑ k t di mɔtɑɑnɑ nɑ, l kɑn fit yekn nɑn yudɑnt nbɑ k Yennu sɑɑ wɑnn’t nɑ.

1 Kuolent-tieb 6:20

Yennu e dɑɑ’i, k u pɑ i pɑɑk ɑ. L pɑɑk, i jii i gbɑnɑnt kii tuun lin nbɑ sii dont u sɑnn.

Efestieb 2:7

U din tun lin nbɑ nɑ, ɑ yuo nbɑ bɑɑt wun fit wɑnn suɑ kul u ninkpɑbɑɔnŋ nbɑ yɑb biɑnŋ nbɑ e, wɑɑ din tun bulcint k tul’t Yiesu Klistu ni nɑ pɑɑk.

Fiiliiptieb 1:11

k i binbenŋ n gbie nɑn yentinu luɑnɑ nbɑ nyii Yiesu Klistu buol ni nɑ, ɑ Yennu n lɑ dontl nɑn pɑku.

Fiiliiptieb 4:7

K Yennu mɑnu nbɑ gɑl nilɔ bɑnnu telk nɑ sɑɑ diɑ i pɑlɑ nɑn i dudukt Yiesu *Klistu ni.

Kuoluostieb 2:20

I libn k kpo nɑn Klistu wɑɑ, k ji k be tingbounŋ nɑ yiikuo ni. Ŋɑnn, bee te k i be k l nɑɑn nɑn i tie tingbounŋ nɑ yɑb e nɑ? Bee te k i wɑɑ nisɑɑli senni nbɑ yɑɑ ɑ:

Kuoluostieb 3:17

Lin nbɑ kul k i tie, ii tie mɑn Yonmdɑɑnɔ Yiesu Klistu sɑnn ni. Lin nbɑ kul k i yien, ii yien mɑn Yonmdɑɑnɔ Yiesu Klistu sɑnn ni, kii tien Bɑɑ Yennu niipuouk Yiesu tuonɑ pɑɑk.

1 Piɑl 2:24

Ŋuɑ Klistu mɔnŋ mɔnŋ e din jii t biit u gbɑnɑnt ni, k b kpɑɑ’u dɑpunpunn pɑɑk, ɑ t dɑɑ tie biit tuontunnɑ ŋɑɑn kii be Yennu nbɑ luon bɑnnu nbɑ. U dɑni pɑɑk e k i lɑ lɑɑfiɑ.

1 Piɑl 2:5

Ii mun i tie nɑn tɑnɑ nbɑ fo k bin jii’i k mɑɑ Foŋɑnm ŋɑɑk. K yii tie Yennu tiɑɔnŋ mɑnntieb, kii mɑnn *mɑlunŋ nɑn Foŋɑnm nbɑ luon bɑnnu nbɑ, k Yiesu *Klistu pɑɑk, Yennu sɑɑ gɑɑl i mɑlunŋ ɑ.

1 Piɑl 4:11

Wun nbɑ yɑɑ piini tie wuu muɑntl lɑbɑmɑnn nɑ, wuu muɑntl lin nbɑ k Yennu tien’ɔ nɑ e, k wun nbɑ yɑɑ piini tie wuu sonmt niib, wuu sonmt’b nɑn u pɑnŋ kul nbɑ k Yennu tien’ɔ nɑ, ɑ Yennu n lɑ pɑku bonsiɑl kul ni Yiesu Klistu pɑɑk. Ŋuɑ Yiesu yen pɑku nɑn pɑnŋ kul yuo nbɑ kɑɑ gbennu. * Amenn.