Luonmtieb 5:5 - Yiesu Lɑbɑmɑnn Muɑl Ni

⁵ k dindɑnn mɑnŋ ni t tɑn kɑn di fei, k mɑɑn Yennu jii lonm nbɑ k u mɔk nɑ k tien t pɑlɑ ni, Foŋɑnm nbɑ k u tul’t nɑ ni.

Luonmtieb 5:5 Iomraidhean Croise

Tuonɑ 10:45

K Yiesuweilɑ nbɑ tie Suifnbɑ k nyii Sope k ciɑn Piɑl nɑ, k l tien’m bɑktnɔunŋ nɑn Yennu nbɑ jii u piini nbɑ tie u Foŋɑnm, k tul bin nbɑ k tie Suifnbɑ mun nɑ,

Tuonɑ 2:17

‹Yennu yet ɑ: *Dulnyɑ juontu yuo n tɑn sɑɑ tun nnɑ e: n tɑn sii siknt n Siek suɑ kul pɑɑk k i bonjɑbis nɑn i sɑpɑɑnbis tɑn sii sɔknt n mɑɑn k i nɑɑsinm mun tɑn sii lɑɑt yelntu, k i jɑkpelɑ tɑn sii dɑmi dɑmiit.

Tuonɑ 2:33

K Yennu biɑ donn’ɔ ɑ wun kɑl u niidiitu po. Wɑɑ kɑl nɑ k u gɑɑl Foŋɑnm nbɑ k u Bɑɑ din senn mɔsonn ɑ u sɑɑ tul’ɔ nɑ, k mɔtɑɑnɑ k u yɑt Foŋɑnm mɑnŋ t pɑɑk k ŋɑnn e k i gbiɑ k biɑ lɑɑt lin nbɑ tuun t ni nɑ.

Luonmtieb 1:7

N dɑ kɑdɑɑɔk nɑ k tien yinm nbɑ be Luonm duo ni, yinm nbɑ k Yennu luon’i k yiin’i ɑ i tien u mɔnŋ niib nɑ. T Bɑɑ Yennu nɑn Yonmdɑɑnɔ Yiesu Klistu i mɔk ninkpɑbɑɔnŋ nɑn’i k biɑ tul’i mɑnu.

Luonmtieb 8:28

Bin nbɑ k Yennu yiin’m nɑ, u mɔk lin nbɑ pɑɑk k u yinm e, k b mɔk lonm nɑn’ɔ, k t mi nɑn lin nbɑ kul tuun nɑ, u te k l tien bonŋɑnn k tien ŋɑnm e.

Luonmtieb 9:33

tɑnn nbɑ k b diɑn l po Yennu lolkpel kɑdɑɑɔk ni ɑ: «Gotl, min Yennu bil tɑnn *Siiɔn duo ni, lin nbɑ sɑɑ te k niib n gbiɑt k bɑɑ. L tie tɑnjɑgbounŋ o, k b sɑɑ bilnt l pɑɑk k bɑɑ, ŋɑɑn wun nbɑ tien’ɔ yɑdɑ, u kɑn di fei.»

1 Kuolent-tieb 8:3

Ŋɑɑn dɑɑnɔ nbɑ luon Yennu, ŋuɑ e k Yennu mi’u.

2 Kuolent-tieb 1:22

k dɔk’t u dɔuk t pɑɑk, k tien Foŋɑnm t pɑlɑ ni, k l wɑnt nɑn u tɑn sɑɑ tul lin nbɑ kul k u senn mɔsonn nɑ wɑɑ.

2 Kuolent-tieb 3:18

Ŋɑnn e, t kul nbɑ k cincenn k duɑk t nuni po wɑnt Yonmdɑɑnɔ yudɑnt. Nnɑ e k t kpint k tie nɑn Yonmdɑɑnɔ nɑ, k nyii yudɑn-yent ni, ŋɑɑn kuɑ yudɑnt nbɑ yɑb k gɑl sinsinn yɑl nɑ ni. Nɑ tie tuonn nbɑ k Yonmdɑɑnɔ Siek tun e.

2 Kuolent-tieb 4:6

Yennu nbɑ din yet ɑ: «Yentu n yent bunbɔnn ni,» ŋuɑ e te k u yentu nɑ yentl t pɑlɑ ni, ɑ tin bɑnn u yudɑnt nbɑ tie bɑnnu nbɑ, l yudɑnt e yien Yiesu Klistu nunpo nɑ.

Gɑɑlɑɑt-tieb 4:6

Yɑɑ tie u wɑɑs nɑ pɑɑk e, k u tun u Bijɑ mɑnŋ Siek t pɑlɑ ni, k u yikn ɑ: «Abbɑ! n Bɑɑ.»

Gɑɑlɑɑt-tieb 5:22

Ŋɑɑn Foŋɑnm te k nilɔ mɔk lonm, nɑn pɑlpienn, nɑn mɑnu, nɑn suklu, nɑn bulcint, nɑn ŋɑnm, nɑn yɑdɑ,

Efestieb 1:13

I mun din kpɑnt tien Klistuyɑb yuo nbɑ k i din gbɑt lɑbɑmɑnn nbɑ tie bɑlmɔni k biɑ tien’i fielu nɑ. Yɑɑ din tien Klistu yɑdɑ nɑ, k Yennu din tul’i dɔuk nbɑ tie Foŋɑnm nɑn wɑɑ din senn mɔsonn biɑnŋ nbɑ nɑ.

Efestieb 4:30

I dɑɑ te k Foŋɑnm n lɑ pɑlbiil, k mɑɑn ŋuɑ e tie Yennu dɔuk i pɑɑk mɔkmɔk nɑn dɑɑl nbɑ k Yennu sɑɑ nyinn’i bonbiil kul ni.

Fiiliiptieb 1:20

N pɑl ni lonm nɑn n dindɑnn tie k n dɑɑ dint n mɔnŋ fei e, ŋɑɑn n sii mɔk pɑlcienn mɔtɑɑnɑ nɑn lɑɑ tuu tie bɑnnu nbɑ nɑ, k mi i lek i kpo ɑmi mɑɑ be, ŋɑɑn n binbenŋ kul sɑɑ dont Klistu sɑnn.

1 Tesɑɑluoniiktieb 4:8

L pɑɑk, wun nbɑ yet wɑnnu nbɑ nɑ, l k tie nisɑɑlk yɑl kɑɑ k u yien, ŋɑɑn u yien Yennu nbɑ tien’i u Foŋɑnm nɑ mɔnŋ mɔnŋ e.

2 Tesɑɑluoniiktieb 2:16

T Yonmdɑɑnɔ Yiesu Klistu tiɑɔnŋ nɑn t Bɑɑ Yennu nbɑ luon’t, k tul’t pɑlcienn nbɑ kɑɑ gbennu nɑn dindɑnn nbɑ ŋɑn, u ninkpɑbɑɔnŋ nɑ pɑɑk nɑ,

2 Tiimuote 1:12

L pɑɑk e te k n di fɑlɑ mɑnŋ, ŋɑɑn k n k tiin fei, k mɑɑn n mi wun nbɑ k n tien’ɔ yɑdɑ, k n biɑ mi k bilsuk kɑɑ nɑn u sɑɑ fit diɑ lin nbɑ k n jii k tien u nuu ni nɑ fɑnu mɔkmɔk nɑn buut dɑɑl.

1 Sɑn 4:19

Ŋɑɑn tinm ŋɑnin, t mɔk lonm k mɑɑn Yennu e din sint mɔk lonm nɑn tinm.