Luonmtieb 5:2 - Yiesu Lɑbɑmɑnn Muɑl Ni

² Yiesu ni e k t fit cɑt nɑkn Yennu k lɑ u ninkpɑbɑɔnŋ t yɑdɑ nɑ pɑɑk k ninkpɑbɑɔnŋ mɑnŋ ni k t be k wɑki. T ji mɔk pɑlpienn nbɑ kɑɑ pɑɑk k mɑɑn t mɔk dindɑnn nɑn t tɑn sii mɔk Yennu *yudɑnt.

Luonmtieb 5:2 Iomraidhean Croise

Mɑɑtieo 25:21

K u Yonmdɑɑnɔ nɑ yet’ɔ ɑ: ‹Nfɑɑn, ɑ tie tuontunŋɑnɔ e, k biɑ tuun fɑnu. Fɑɑ diɑ wɑɑnm-nnɑ fɑnu biɑnŋ nbɑ nɑ, l pɑɑk, n sɑɑ jii sɑɑn e wɑɑ k tien ɑ nuu ni. Pɑlpienn nbɑ k n mɔk nɑ, l ji tie min nɑn fin yɑl e.›

Lɑbɑmɑnn nbɑ k Sɑn diɑn 10:7

L pɑɑk, k u biɑ ŋɑnm k yet’b ɑ: «Bɑlmɔni e k n yien’i nɑ, min e tie peluok nɑ tɑnmɔb.

Lɑbɑmɑnn nbɑ k Sɑn diɑn 10:9

Min e tie tɑnmɔb nɑ, k dɑɑnɔ nbɑ wei’n k kuɑ, ŋuɑ e sɑɑ lɑ fielu, k sii tun gɑɑl kuɑ, k ŋmɑt nyi, k lɑɑt jeŋɑnt.

Lɑbɑmɑnn nbɑ k Sɑn diɑn 14:6

K Yiesu jiin k yet’ɔ ɑ: «Min e tie sɔnu nɑ, k biɑ tie mɔmɔnm, k biɑ tie mɑnfuol. Suɑ kɑɑ k sɑɑ bɑɑl n Bɑɑ buol ni, k l k tie k u sint bɑɑl’n.

Lɑbɑmɑnn nbɑ k Sɑn diɑn 5:24

«Bɑlmɔni e k n yien’i nɑ, dɑɑnɔ nbɑ gbɑt n mɑɑn nɑ, k biɑ tien wun nbɑ tun’n nɑ yɑdɑ, ŋuɑ e mɔk mɑnfuol nbɑ kɑɑ gbennu, k Yennu kɑn bu u buut k biil’ɔ. U biɑ ponŋ nyii kuun nuu ni wɑɑ, k be mɑnfuol mɑnŋ ni e.

Tuonɑ 14:27

Bɑɑ bɑɑl Antiɑɔs mɑnŋ ni nɑ, k b tikl Klistu mɔtɑɑɔk niib nɑ, k tɑn yet’b lin nbɑ kul k Yennu tun nɑn’m, nɑn wɑɑ luot sɔnu biɑnŋ nbɑ k tul bin nbɑ k tie Suifnbɑ ɑ bin tien Yiesu yɑdɑ k tien u weilɑ.

Luonmtieb 11:20

L set tie mɔni e. Bɑɑ k tien yɑdɑ nɑ pɑɑk e k b kɔnn’b, k fin nbɑ tien yɑdɑ nɑ pɑɑk e k b jii’ɑ tukn’ɑ l pɑɑk. Ŋɑnn, ɑ ji dɑɑ mɔk pɑlbifɑɑnt dudukt l pɑɑk, ŋɑɑn kii mɔk jɑŋmɑɑni.

Luonmtieb 12:12

Ii mɔk pɑlpienn i dindɑnn pɑɑk mɑn, kii mɔk mintl i fɑldinu sinsuuk ni, ŋɑɑn kii mei Yennu yuo kul.

Luonmtieb 14:4

A tie ŋmee k sɑɑ biil suɑ tuontunnɔ? U mɔnŋ yudɑɑnɔ nɑ e sɑɑ yet wɑɑ dii nɑn wɑɑ bɑɑ, k u set sɑɑ di wɑɑ k mɑɑn Yonmdɑɑnɔ mɔk pɑnŋ nbɑ sɑɑ te k wun di.

Luonmtieb 15:13

Yennu nbɑ tul’i dindɑnn nɑ, n tul’i mɑnu nɑn pɑlpienn bonciɑnn yɑɑ tien’ɔ yɑdɑ nɑ pɑɑk k Foŋɑnm n te k i dindɑnn nɑ n ŋɑnm yɑbt.

Luonmtieb 2:7

Bin nbɑ ninbinɑ mɔn nɑn bii tuun tuonŋɑnɑ k lɑ pɑku nɑn bɑɑkl nɑn mɑnfuol nbɑ kɑɑ gbennu nɑ, ŋɑnm e k Yennu sɑɑ tul’b mɑnfuol nbɑ kɑɑ gbennu mɑnŋ.

Luonmtieb 3:23

k mɑɑn nifosɑɑli kul tun biit k fɔk nɑn dontl nbɑ k Yennu luon wun tul’b nɑ.

Luonmtieb 5:5

k dindɑnn mɑnŋ ni t tɑn kɑn di fei, k mɑɑn Yennu jii lonm nbɑ k u mɔk nɑ k tien t pɑlɑ ni, Foŋɑnm nbɑ k u tul’t nɑ ni.

Luonmtieb 8:1

Tɔn, mɔtɑɑnɑ Yennu kɑn bu k biil bin nbɑ be Yiesu *Klistu ni,

Luonmtieb 8:24

Tɑɑ lɑ fielu nɑ e k t mɔk dindɑnn nɑ. Tɔn, nilɔ i lɑ lin nbɑ k u bo mɔk dindɑnn l pɑɑk nɑ, ŋɑnn ŋɑnin, l ji k tie dindɑnn. Ŋmee ji sii mɔk dindɑnn nɑn lin nbɑ k u ponŋ lɑ’l pɑɑk i?

1 Kuolent-tieb 15:1

N nɑɑ wɑɑs, n luon k n tiɑl’i lɑbɑmɑnn nbɑ k n din muɑnt k tul’i, k i din gɑɑl k diɑ’l fɑnu nɑ po e.

2 Kuolent-tieb 3:18

Ŋɑnn e, t kul nbɑ k cincenn k duɑk t nuni po wɑnt Yonmdɑɑnɔ yudɑnt. Nnɑ e k t kpint k tie nɑn Yonmdɑɑnɔ nɑ, k nyii yudɑn-yent ni, ŋɑɑn kuɑ yudɑnt nbɑ yɑb k gɑl sinsinn yɑl nɑ ni. Nɑ tie tuonn nbɑ k Yonmdɑɑnɔ Siek tun e.

2 Kuolent-tieb 4:17

L pɑɑk, fɑlmintk nbɑ k t di k l kɑn wei nɑ, l tɑn sɑɑ bɑɑl nɑn dontl nbɑ yɑb k kɑɑ gbennu k tul’t, k dontl mɑnŋ biɑ tɑn sii yɑb k gɑl t fɑldinu nɑ bonciɑnn.

Efestieb 2:18

Klistu pɑɑk e k Suifnbɑ nɑn bin nbɑ k tie Suifnbɑ nɑ kul ɑ fit bɑɑl Bɑɑ buol ni, u Foŋɑn-yenɔ ni.

Efestieb 3:12

Tɑɑ tien Klistu yɑdɑ k be u ni nɑ pɑɑk, sɔnu ji be k t sɑɑ fit bɑɑl Yennu buol ni nɑn pɑlcienn.

Efestieb 6:13

L pɑɑk, i jii Yennu jɑtiɑt kul ɑ, nnɑ e k dɑbiil nbɑ tɑn sɑɑ bɑɑl nɑ dɑɑl, k i tɑn sɑɑ fit k kɔn k nyɑnn i dɑtɑɑk, k i tɑnŋ i kɔn k gbenn yuo nbɑ k yii sie fɑnu.

2 Tesɑɑluoniiktieb 2:16

T Yonmdɑɑnɔ Yiesu Klistu tiɑɔnŋ nɑn t Bɑɑ Yennu nbɑ luon’t, k tul’t pɑlcienn nbɑ kɑɑ gbennu nɑn dindɑnn nbɑ ŋɑn, u ninkpɑbɑɔnŋ nɑ pɑɑk nɑ,

Hebluonbɑ 3:6

*Klistu nbɑ tie Yennu Bijɑ nɑ, u tie wun nbɑ kɑn ŋmɑt puol e k yen Yennu ŋɑɑtieb. L i tie k t mɔk pɑlcienn nɑn yugontl t dindɑnn pɑɑk, l wɑnn nɑn tinm e tie Yennu ŋɑɑtieb mɑnŋ.

Hebluonbɑ 6:18

L pɑɑk, bonɑ ŋɑnle be k kɑɑ lebtu k Yennu biɑ kɑn fit fɑɑl fɑɑk l pɑɑk. Ŋɑnn mɑnŋ pɑɑk, tinm nbɑ lɑ gungulbuol u buol ni nɑ, t mɔk pɑlcienn nbɑ sɑɑ te k tin tin k suol dindɑnn nbɑ k Yennu din senn’t mɔsonn nɑ nɑn pɑnŋ.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.

Fiitu 21:11

k nyili nɑn Yennu yentsɑɑkɑl nɑ, k biɑ nyili nɑn tɑnŋɑnn nbɑ k b yi’l jɑsp nɑ, k nyɔkt nɑn miɑnu nɑ.

Fiitu 21:23

K duo mɑnŋ k luon yennu ɑmi ŋmɑɑlk yentu lenŋ, k mɑɑn Yennu *yudɑnt nɑ e tie l yentu, k Pebik nɑ mun tie l fitl.

Fiitu 21:3

K n gbɑt k kunkɔsɑɑkɑl nyii nɑɑngbounŋ nɑ buol k yien ɑ: «Mɔtɑɑnɑ, Yennu lɑnbounŋ ji be nifosɑɑli buol e, k ŋuɑ Yennu sii be nɑn’m, k b sii tie u niib, k ŋuɑ Yennu mɔnŋ sii be b buol k sii tie b Yennu.

Fiitu 3:21

Wun nbɑ nyɑnn nyɑnnu nɑ, n sɑɑ tul’ɔ yiikuo k wun tɑn lɑkn kɑl nɑn’n n nɑɑngbounŋ nɑ pɑɑk nɑn mɑɑ nyɑnn nyɑnnu kul k lɑkn kɑl nɑn n Bɑɑ u nɑɑngbounŋ nɑ pɑɑk biɑnŋ nbɑ nɑ.’»