Luonmtieb 5:17 - Yiesu Lɑbɑmɑnn Muɑl Ni

¹⁷ Niyenɔ kuɑ mɑnŋ biit pɑɑk e k kuun kpi suɑ kul, k l nyii niyenɔ mɑnŋ buol e, ŋɑɑn lin nbɑ wei niyenɔ kuɑ Yiesu Klistu tuonn nɑ gɑl nnɑ wɑɑ. Niib kul nbɑ lɑ Yennu ninkpɑbɑɔnŋ nbɑ yɑb, nɑn u piini nbɑ tie nyikcɑbu piini nɑ, b sɑɑ di nɑɑn kii mɔk mɑnfuol Yiesu Klistu pɑɑk.

Luonmtieb 5:17 Iomraidhean Croise

Mɑɑtieo 25:34

K Kpɑnbɑl nɑ sɑɑ yet bin nbɑ sie u niidiitu po nɑ ɑ: ‹Yinm nbɑ k n Bɑɑ yɑt yetŋɑnm i pɑɑk nɑ, ii sɑɑ nɑ mɑn k tɑn kuɑ nɑɑn nbɑ k n Bɑɑ din ŋɑnm k guun’i *dulnyɑ piinu ni wɑɑ nɑ,

Lɑbɑmɑnn nbɑ k Sɑn diɑn 10:10

Nɑn-yukɔ bɑɑt ɑ wun jɑn k kpi k biil kuukuɑ e. Min e bɑɑl ɑ niib n lɑ mɑnfuol nbɑ tie mɑnfuol nɑn bɑlmɔni.

Luonmtieb 5:12

Tɔn, niyenɔ kuɑ e din te k biit bɑɑl tingbounŋ nɑ ni, k u biit nɑ pɑɑk e te k kuun be. L pɑɑk e te k kuun kpi niib kul, k mɑɑn nisɑɑlk kul tun biit ɑ.

Luonmtieb 5:15

Ŋɑɑn b bɑnle nɑ k jɑn, k mɑɑn Yennu piini nbɑ k u pi’t yɑnn nɑ k tie nɑn Adɑn biit nɑ kɑɑ. L tie mɔni e nɑn niib bonciɑnn kpo niyenɔ kuɑ biit pɑɑk e, ŋɑɑn Yennu ninkpɑbɑɔnŋ yɑb, k u piini nbɑ k u tien niib bonciɑnn yɑnn k l nyii niyenɔ kuɑ ni, wun nbɑ tie Yiesu Klistu nɑ mun biɑ cie nnɑ.

Luonmtieb 5:20

Senni nɑ bɑɑl ɑ lin te k biit n yɑbt, ŋɑɑn k biit nbɑ din yɑbt nɑ, Yennu ninkpɑbɑɔnŋ mun din yɑbt k gɑl nnɑ.

Luonmtieb 6:14

K mɑɑn, *senni nbɑ ji k yen’i, ŋɑɑn Yennu ninkpɑbɑɔnŋ nɑ e yen’i nɑ, l k ŋɑn k biit i mɔk i yɑɑk.

Luonmtieb 6:23

K mɑɑn biit nyuɑt tie kuun e, ŋɑɑn Yennu piini nbɑ k u tien’t yɑnn nɑ tie mɑnfuol nbɑ kɑɑ gbennu e, t Yonmdɑɑnɔ Yiesu Klistu pɑɑk.

Luonmtieb 8:39

lin nbɑ be sɑnpɑɑpo ɑmi tinpuɑl ni ɑmi. Siɑl kɑɑ nɑɔnŋ kul ni k sɑɑ fit bɔkt tinm nɑn Yennu lonm nbɑ k t lɑ t Yonmdɑɑnɔ Yiesu Klistu ni nɑ.

1 Kuolent-tieb 15:49

T kul ɑ mɔk wun nbɑ din nyii tɑnt ni nɑ nɑɑɔnŋ o, nnɑ e mun k t sii mɔk juɑ nbɑ nyii Yendɔunŋ ni nɑɑɔnŋ.

1 Kuolent-tieb 4:8

I ponŋ mɔk lin nbɑ kul k i luon. I ponŋ tie mɔktɑ e. I tie kpɑnbɑlɑ e, ŋɑɑn tinm k tie’l kɑɑ. N ponŋ luon yin set tien kpɑnbɑlɑ nɑn bɑlmɔni, k tinm nɑn yinm n tɑɑn tien kpɑnbɑlɑ.

Fiiliiptieb 3:9

kii be u ni. N k tie niŋɑnɔ Yennu buol ni senni weiu nɑ pɑɑk kɑɑ, ŋɑɑn n tie niŋɑnɔ Yennu buol ni n yɑdɑ nɑn Klistu nɑ pɑɑk e. Yennu te k nilɔ tie niŋɑnɔ u buol ni wɑɑ tien yɑdɑ nɑ pɑɑk e.

1 Tiimuote 1:14

T Yonmdɑɑnɔ din tɑn tin’n ninbɑɑɔk nbɑ yɑb k kɑɑ biknu, k tul’n yɑdɑ nɑn lonm nbɑ k t mɔk Yiesu Klistu ni nɑ pɑɑk.

2 Tiimuote 2:12

T i ŋɑnmt yɑbi, t mun tɑn sɑɑ di nɑɑn nɑn’ɔ e, ŋɑɑn t i yɑɑ ɑ t k mi’u, u mun tɑn sii yɑɑ ɑ u k mi’t.

Sɑɑk 2:5

N nɑɑ wɑlonkɑi, gbiintl mɑn, Yennu e lukt bin nbɑ tie nɑndɑnm tingbounŋ nɑ niib buol, ɑ bin tien mɔktɑ b yɑdɑ ni, k tien u wɑɑs nbɑ sɑɑ di nɑɑn nbɑ k u din senn mɔsonn, ɑ u sɑɑ tul bin nbɑ luon’ɔ nɑ.

1 Piɑl 2:9

Ŋɑɑn yinm ŋɑnin tie nigɑnnkɑb e, k biɑ tie mɑnntieb nbɑ tuun k tien kpɑnbɑl, k biɑ tie nibuolu nbɑ tie Yennu yɑb, k biɑ tie u tiɑɔnŋ niib, ɑ yii muɑntl u bulcint po, ŋuɑ nbɑ nyinn’i bunbɔnn ni, k bɑɑl nɑn’i u bɑktnɔunŋ yentu ni.

Fiitu 1:6

U din te k t tie Yennu nɑɑn ni niib, k biɑ te k t tie mɑnntieb ɑ tii tuun kii tien u Bɑɑ Yennu. Ŋuɑ Yiesu e yen *yudɑnt nɑn yiikuo yuo kul ɑ. * Amenn.

Fiitu 20:4

K n lɑ nɑɑngbɑnt k bin nbɑ k b tul’b yiikuo ɑ bin bu buut nɑ kɑl l pɑɑk. K n biɑ lɑ bin nbɑ k b din pot b yulɑ bɑɑ din tie *siɑlɑ k tul Yiesu k biɑ muɑntl Yennu mɑɑn nɑ pɑɑk. B din k jiɑnt bonkobuk nɑ, ɑmi l nɑɑɔnŋ nɑ. B biɑ din k gɑɑl bonkobuk mɑnŋ dɔk b yugbiɑ pɑɑk ɑmi b nii ni. B fiil kuun ni e k lɑkn dii nɑɑn nɑn *Klistu binɑ tusl.

Fiitu 20:6

Bin nbɑ dɔnŋ sinsinn kuun fiilu nɑ tie Yennu yɑb e k pɑlpienn tie b yɑl. Kuun nbɑ pukn munle nɑ k mɔk yiikuo b pɑɑk. B sii tie Yennu nɑn Klistu mɑnntieb e, k sɑɑ lɑkn k di nɑɑn nɑn Klistu binɑ tusl.

Fiitu 22:5

Nyiɑɔk ji tɑn sii kɑɑ, b tɑn ji kii luon fitl nɑn yennu yentu lenŋ, k mɑɑn Yonmdɑɑnɔ Yennu sii tie b yentu. K b sɑɑ di nɑɑn kii be nɑn yuo nbɑ kɑɑ gbennu.

Fiitu 3:21

Wun nbɑ nyɑnn nyɑnnu nɑ, n sɑɑ tul’ɔ yiikuo k wun tɑn lɑkn kɑl nɑn’n n nɑɑngbounŋ nɑ pɑɑk nɑn mɑɑ nyɑnn nyɑnnu kul k lɑkn kɑl nɑn n Bɑɑ u nɑɑngbounŋ nɑ pɑɑk biɑnŋ nbɑ nɑ.’»