Luonmtieb 5:15 - Yiesu Lɑbɑmɑnn Muɑl Ni

¹⁵ Ŋɑɑn b bɑnle nɑ k jɑn, k mɑɑn Yennu piini nbɑ k u pi’t yɑnn nɑ k tie nɑn Adɑn biit nɑ kɑɑ. L tie mɔni e nɑn niib bonciɑnn kpo niyenɔ kuɑ biit pɑɑk e, ŋɑɑn Yennu ninkpɑbɑɔnŋ yɑb, k u piini nbɑ k u tien niib bonciɑnn yɑnn k l nyii niyenɔ kuɑ ni, wun nbɑ tie Yiesu Klistu nɑ mun biɑ cie nnɑ.

Luonmtieb 5:15 Iomraidhean Croise

Mɑɑtieo 20:28

K i tie nɑn Nisɑɑlk Bijɑ nbɑ tie biɑnŋ nbɑ nɑ, k mɑɑn u k bɑɑl ɑ niib n tun tul’ɔ kɑɑ, ŋɑɑn u bɑɑl ɑ wun tun k tul niib e, k biɑ kpo k te k niib bonciɑnn n lɑ fielu.»

Mɑɑtieo 26:28

Lin nbɑ nɑ e tie n sɔn nbɑ sɑɑ te k Yennu mɔsonn n set nɑn bɑlmɔni, sɔn nbɑ tɑn sɑɑ nyi n gbɑnɑnt ni, ɑ nisɑɑli bonciɑnn n lɑ nyikcɑbu b biit pɑɑk e nɑ.

Lɑbɑmɑnn nbɑ k Sɑn diɑn 3:16

K mɑɑn Yennu mɑntk din luon tingbounŋ nɑ niib bonciɑnn. L pɑɑk, k u tul’b u Bijɑyenml, k wun nbɑ tien u Bijɑ mɑnŋ yɑdɑ u tɑn kɑn kpo, ŋɑɑn u sii mɔk mɑnfuol nbɑ kɑɑ gbennu,

Lɑbɑmɑnn nbɑ k Sɑn diɑn 4:10

K Yiesu din jiin’ɔ ɑ: «L i tie k ɑ bo mi piini nbɑ k Yennu luon wun pi’ɑ nɑ, k biɑ mi mɑɑ tie wun nbɑ k mei’ɑ nyun nɑ, fin e bo sɑɑ boi’n nyun po k n sɑɑ tul’ɑ nyun nbɑ tien mɑnfuol.»

Tuonɑ 15:11

Ŋɑɑn t tien yɑdɑ nɑn t lɑ fielu Yonmdɑɑnɔ Yiesu ninkpɑbɑɔnŋ pɑɑk nɑn bɑɑ mun lɑ’l bɑnnu nbɑ nɑ.»

Luonmtieb 5:12

Tɔn, niyenɔ kuɑ e din te k biit bɑɑl tingbounŋ nɑ ni, k u biit nɑ pɑɑk e te k kuun be. L pɑɑk e te k kuun kpi niib kul, k mɑɑn nisɑɑlk kul tun biit ɑ.

Luonmtieb 6:23

K mɑɑn biit nyuɑt tie kuun e, ŋɑɑn Yennu piini nbɑ k u tien’t yɑnn nɑ tie mɑnfuol nbɑ kɑɑ gbennu e, t Yonmdɑɑnɔ Yiesu Klistu pɑɑk.

2 Kuolent-tieb 5:14

K mɑɑn Klistu lonm yet’t ɑ. Tinm nbɑ k bils nɑn yenɔ kuɑ e din gɑɑl suɑ kul pɑɑk k kpo, k l wɑnt nɑn suɑ kul din kpo nɑn’ɔ nɑ.

2 Kuolent-tieb 9:15

Ŋɑɑnt mɑn k tin tul Yennu niipuouk u piini nbɑ kɑɑ liel nɑ pɑɑk.

Efestieb 2:8

Yennu ninkpɑbɑɔnŋ nɑ pɑɑk e k i lɑ fielu i yɑdɑ nɑ pɑɑk. Fielu mɑnŋ k nyii i buol ni kɑɑ, ŋɑɑn l tie Yennu piini e.

Hebluonbɑ 2:9

Ŋɑɑn t lɑ nɑn Yennu din sikn Yiesu yuo wɑɑnm-nnɑ mɑlɑkɑɑnbɑ buol, ɑ k Yennu ninkpɑbɑɔnŋ pɑɑk, wun kpo niib kul pɑɑk, k mɔtɑɑnɑ k t lɑ k u mɔk *yudɑnt nɑn sɑnn u kuun mɑnŋ pɑɑk.

1 Sɑn 2:2

Ŋuɑ e ji din tien *mɑlunŋ Yennu buol ni, ɑ Yennu n nyikcɑb t biit. L pɑɑk, Yennu k nyiktcɑbt t biit kuukuɑ kɑɑ, ŋɑɑn u nyiktcɑbt *dulnyɑ munn biit e.

1 Sɑn 5:11

Yennu siɑlɑ mɑnŋ tie nnɑ e, u tul’t mɑnfuol nbɑ kɑɑ gbennu, k mɑnfuol mɑnŋ nyi u Bijɑ Yiesu ni e.