Luonmtieb 5:10 - Yiesu Lɑbɑmɑnn Muɑl Ni

¹⁰ T din tuu tie Yennu dɑtɑi e, ŋɑɑn mɔtɑɑnɑ jik, l ji ŋɑnm tinm nɑn ŋuɑ sinsuuk ni, bilsuk ji kɑɑ nɑn u sɑɑ fiel’t, k mɑɑn u Bijɑ nɑ kuun pɑɑk, k mɔtɑɑnɑ lɑɑ ŋɑnm tinm nɑn Yennu sinsuuk ni nɑ, u ji sɑɑ fiel’t Yiesu mɑnfuol pɑɑk ɑ.

Luonmtieb 5:10 Iomraidhean Croise

Lɑbɑmɑnn nbɑ k Sɑn diɑn 14:19

K l i yɑnn wɑɑnm-nnɑ, tingbounŋ nɑ ŋɑɑtieb ji kɑn lɑ’n, ŋɑɑn yinm ŋɑnin biɑ sɑɑ lɑ’n ɑ. Mɑɑ mɔk mɑnfuol nɑ, k i mun sii mɔk mɑnfuol.

Lɑbɑmɑnn nbɑ k Sɑn diɑn 5:26

Bɑɑ mɑnŋ nbɑ yen mɑnfuol k tien niib nɑ, nnɑ e mun k u cɑb ɑ u Bijɑ mun i yen mɑnfuol kii tien niib,

Lɑbɑmɑnn nbɑ k Sɑn diɑn 6:40

Nnɑ e k n Bɑɑ Yennu luon, ɑ wun nbɑ lɑ u Bijɑ k tien’ɔ yɑdɑ, u sɑɑ lɑ mɑnfuol nbɑ kɑɑ gbennu, k n tɑn sɑɑ fiin’m kuun ni tingbounŋ cincɑɑtdɑɑl.»

Lɑbɑmɑnn nbɑ k Sɑn diɑn 6:57

«Bɑɑ mɑnŋ nbɑ yen mɑnfuol nɑ tun’n, k l pɑɑk k n mun mɔk mɑnfuol, nnɑ e mun, wun nbɑ ŋmɑn n gbɑnɑnt nɑ, n pɑɑk k u sii mɔk mɑnfuol mɑnŋ.

Luonmtieb 11:28

L i tie k t got Suifnbɑ nbɑ yet Yiesu lɑbɑmɑnn bɑnnu nbɑ, b tie Yennu dɑtɑi, ɑ lin bɑɑl nɑn bonŋɑnn k tul’i. Ŋɑɑn l i tie k t biɑ got Yennu nbɑ din lukt’b bɑnnu nbɑ, b tie bin nbɑ k Yennu luon’m, b yejɑnm pɑɑk e,

Luonmtieb 5:11

Ŋɑɑn l kul kɑɑ nɑ. T biɑ mɔk pɑlpienn Yennu nbɑ sonm’t bonciɑnn biɑnŋ nbɑ nɑ, k mɑɑn t Yonmdɑɑnɔ Yiesu Klistu ŋɑnm tinm nɑn ŋuɑ sinsuuk ni.

Luonmtieb 5:6

Setk nɑn mɔni, yuo nbɑ k t dɑɑ din k mɔk sonml nɑ, Klistu din gɑɑl biitdɑnm pɑɑk k kpo, k l tie yuo nbɑ k Yennu din senn e.

Luonmtieb 8:32

Yennu nbɑ k minn’t u mɔnŋ Bijɑ nɑ, ŋɑɑn jii’u k tul t kul nɑ, nlee k u ji kɑn tul’t lin nbɑ kul biɑl i?

Luonmtieb 8:34

Ŋmee be k sɑɑ bu b buut k biil’b i? Suɑ kɑɑ, k mɑɑn Yiesu Klistu nbɑ din kpo k fiil kuun ni k biɑ be Yennu niidiitu po k tie t sindɑntinnɔ nɑ.

Luonmtieb 8:7

Wun nbɑ yɑɑ dudukt be nisɑɑlk binbenŋ yiikuo ni, l dɑɑnɔ tie Yennu dɑtɑɑk, k k sɑɑk Yennu senni, k set kɑn fit k sɑk’l.

2 Kuolent-tieb 5:20

L pɑɑk k t ji tie Klistu tɑɑtɑlɑ k Yennu te k t yi niib. Klistu pɑɑk k t bɑln’mi, ɑ yin tunn k mɑnŋ nɑn Yennu.

2 Kuolent-tieb 5:21

Klistu k mi tun biit, ŋɑɑn Yennu e din jinn’ɔ ɑ u tie biitdɑɑnɔ t tiɑɔnŋ biit pɑɑk. U din tun ŋɑnn e ɑ tin lɑ yentinu binbenŋ ŋuɑ Klistu ni.

Efestieb 2:16

U kuun dɑpunpunn pɑɑk te k mɑnu ji be ŋɑnm nɑn Yennu sinsuuk ni, k u jii’b k tien’m buolyenŋ kuɑ Yennu buol ni.

Efestieb 2:3

Bɑlmɔni, t kul ɑ mun din nɑɑn nɑn l nibuolu nɑ e, k wɑɑ t gbɑnɑnt niɑɔnŋ, k tuun t gbɑnɑnt nɑn t dudukt lonm. Tinm nɑn ŋɑnm biit binbenŋ din jɑnŋ nɑn lin bɑɑl nɑn Yennu wutuol t kul ɑ pɑɑk ɑ.

Hebluonbɑ 2:17

Ŋɑnn e l din kpɑɑ tɑlɑs nɑn wuu tie wɑɑs mɑnŋ ninnɑɔnŋ dede, k fit tien b *mɑnntɔyudɑɑnɔ nbɑ mɔk ninbɑtinu k biɑ tie bɑlmɔni dɑɑnɔ, k fit jii u mɔnŋ k tien *mɑlunŋ k tul Yennu, k wɑɑs nɑ n lɑ nyikcɑbu b biit pɑɑk.

Hebluonbɑ 7:25

L pɑɑk, bin nbɑ cɑt nɑkn Yennu, ŋuɑ Yiesu ni, u fit fiel’b mɔtɑɑnɑ nɑn yuo nbɑ kɑɑ gbennu, k mɑɑn u lek be u mɑnfuol ni yuo kul, k mei Yennu k tien’m.

1 Sɑn 2:1

N wɑɑs, n k luon k yii tuun biit. L pɑɑk e te k n dɑ k tien’i nɑ, ŋɑɑn l i tie k suɑ tun biit, t mɔk sindɑntinnɔ Bɑɑ Yennu buol ni, k ŋuɑ e tie Yiesu *Klistu, wun nbɑ tie niŋɑnɔ nɑ.

1 Sɑn 4:10

Lonm nbɑ tie lonm nɑn bɑlmɔni tie nnɑ e: l k tie ɑ tinm kɑɑ din luon Yennu, ŋɑɑn ŋuɑ e din luon tinm, k tun u Bijɑ, ɑ u *mɑlunŋ pɑɑk tin lɑ t biit nyikcɑbu.

Fiitu 1:18

N tie Fuotɔ nɑ e. N din kpo wɑɑ, k n ji fo k sii fo nɑn yuo nbɑ kɑɑ gbennu, k n mɔk yiikuo kuun nɑn kpientinŋ pɑɑk.