Luonmtieb 5:1 - Yiesu Lɑbɑmɑnn Muɑl Ni

¹ L pɑɑk, Yennu nbɑ jii’t k t tie niŋɑnm u tuɑnn t yɑdɑ pɑɑk nɑ e, k mɑnu ji be tinm nɑn Yennu sinsuuk ni t Yonmdɑɑnɔ Yiesu *Klistu pɑɑk.

Luonmtieb 5:1 Iomraidhean Croise

Lɑbɑmɑnn nbɑ k Luk diɑn 19:38

«Yennu yetŋɑnm ii be Kpɑnbɑl nbɑ bɑɑt Yonmdɑɑnɔ sɑnn ni nɑ pɑɑk. Mɑnu i be *Yendɔunŋ ni k yudɑnt i tie Yennu yɑl.»

Lɑbɑmɑnn nbɑ k Luk diɑn 19:42

k yet ɑ: «L i bo i tie k ɑ bɑnn mɑnu sɔnu dinnɑ, l bo sii ŋɑn k tul’ɑ. Ŋɑɑn mɔtɑɑnɑ l liil ɑ yɑn, k ɑ kɑn fit bɑnn.

Lɑbɑmɑnn nbɑ k Luk diɑn 2:14

«Yudɑnt tie Yennu nbɑ be sɑnpɑɑpo nɑ yɑl e, k mɑɑn mɑnu be Yennu nɑn niib sinsuuk ni, u lonm pɑɑk.»

Lɑbɑmɑnn nbɑ k Sɑn diɑn 14:27

«N tien’i mɑnu e. N pi’i piini nbɑ tie n mɑnu e. N k tul’i nɑn tingbounŋ ŋɑɑtieb nbɑ tuu tul b lieb bɑnnu nbɑ nɑ kɑɑ. I dɑɑ mɔk pɑlbiil. I biɑ dɑɑ tiin jɑŋmɑɑni.

Lɑbɑmɑnn nbɑ k Sɑn diɑn 16:33

N yien’i lin nbɑ nɑ ɑ yin lɑ mɑnu e, yɑɑ gɑɑ n pɑɑk nɑ. I tɑn sii di fɑlɑ tingbounŋ nɑ ni. Ŋɑɑn ii mɔk pɑlcienn mɑn. N nyɑnn tingbounŋ nɑ wɑɑ.»

Lɑbɑmɑnn nbɑ k Sɑn diɑn 20:31

Ŋɑɑn bɑktnɔunŋ tuonjɑɑnɑ nbɑ diɑn k be nnɑ nɑ, b diɑn ɑ yin tien yɑdɑ nɑn Yiesu e tie *Klistu, Yennu Bijɑ nɑ, ɑ l i tie k i tien yɑdɑ yin lɑ mɑnfuol u sɑnn ni.

Lɑbɑmɑnn nbɑ k Sɑn diɑn 5:24

«Bɑlmɔni e k n yien’i nɑ, dɑɑnɔ nbɑ gbɑt n mɑɑn nɑ, k biɑ tien wun nbɑ tun’n nɑ yɑdɑ, ŋuɑ e mɔk mɑnfuol nbɑ kɑɑ gbennu, k Yennu kɑn bu u buut k biil’ɔ. U biɑ ponŋ nyii kuun nuu ni wɑɑ, k be mɑnfuol mɑnŋ ni e.

Tuonɑ 10:36

I mi nɑn Yennu din tul Islɑɑeltieb u mɑɑn nbɑ wɑnt lɑbɑmɑnn nɑ po, ɑ Yiesu *Klistu ni e k tinm nɑn Yennu mɑnŋ nɑn lieb. Ŋuɑ Yiesu Klistu e tie t kul Yonmdɑɑnɔ.

Luonmtieb 1:17

Lɑbɑmɑnn mɑnŋ wɑnt biɑnŋ nbɑ k Yennu yet ɑ nilɔ tie niŋɑnɔ u tuɑnn e. L tie yɑdɑ nɑ pɑɑk e. L kul e nɑ, nɑn lɑɑ diɑn Yennu lolkpel kɑdɑɑɔk ni ɑ: «Wun nbɑ tien niŋɑnɔ Yennu buol, u yɑdɑ nɑ pɑɑk, l dɑɑnɔ sii mɔk mɔmɔnm mɑnfuol.»

Luonmtieb 1:7

N dɑ kɑdɑɑɔk nɑ k tien yinm nbɑ be Luonm duo ni, yinm nbɑ k Yennu luon’i k yiin’i ɑ i tien u mɔnŋ niib nɑ. T Bɑɑ Yennu nɑn Yonmdɑɑnɔ Yiesu Klistu i mɔk ninkpɑbɑɔnŋ nɑn’i k biɑ tul’i mɑnu.

Luonmtieb 10:10

K mɑɑn nilɔ set tien Yiesu yɑdɑ e u pɑl ni, k Yennu yet ɑ u tie niŋɑnɔ u tuɑnn, k l set nyii u mɔb ni e k u yet nnɑ, k l pɑɑk e k u lɑ fielu.

Luonmtieb 10:15

K b i kii tun tuomiinbɑ, nlee k lɑbɑmɑnn mɑnŋ sɑɑ muɑnt i? L diɑn Yennu lolkpel kɑdɑɑɔk ni ɑ: «Bin nbɑ lin k muɑntl lɑbɑmɑnn mɑnŋ, b bɑɑlu ŋɑn bonciɑnn.»

Luonmtieb 14:17

K mɑɑn Yennu nɑɑn lɑbɑɑl k tie jiet-dinu ɑmi nyunu lɑbɑɑl kɑɑ, ŋɑɑn l tie Yennu nbɑ luon k tii tuun bɑnnu nbɑ, nɑn mɑnu nɑn pɑlpienn nbɑ k Foŋɑnm tul’t nɑ lɑbɑɑl.

Luonmtieb 15:13

Yennu nbɑ tul’i dindɑnn nɑ, n tul’i mɑnu nɑn pɑlpienn bonciɑnn yɑɑ tien’ɔ yɑdɑ nɑ pɑɑk k Foŋɑnm n te k i dindɑnn nɑ n ŋɑnm yɑbt.

Luonmtieb 15:33

Yennu nbɑ tien’t mɑnu nɑ ii be nɑn’i. * Amenn.

Luonmtieb 3:22

Yennu te k nisɑɑli kul nbɑ tien Yiesu *Klistu yɑdɑ nɑ e tie niŋɑnm u tuɑnn. L tie nɑ e k tul bin nbɑ kul nbɑ tien Yiesu Klistu yɑdɑ nɑ,

Luonmtieb 3:30

k mɑɑn Yen-yenɔ kuɑ e be k sɑɑ yet ɑ Suifnbɑ nɑn bin nbɑ k tie Suifnbɑ nɑ, k b kul n tien niŋɑnm u tuɑnn b yɑdɑ tienu pɑɑk.

Luonmtieb 4:5

Ŋɑɑn nilɔ nbɑ k tien senni weiu nɑ yɑdɑ, ŋɑɑn tien Yennu yɑdɑ, Yennu sɑɑ jii l dɑɑnɔ k u tie niŋɑnɔ u tuɑnn. L dɑɑnɔ yɑdɑ pɑɑk e k Yennu sɑɑ jii’u.

Luonmtieb 5:11

Ŋɑɑn l kul kɑɑ nɑ. T biɑ mɔk pɑlpienn Yennu nbɑ sonm’t bonciɑnn biɑnŋ nbɑ nɑ, k mɑɑn t Yonmdɑɑnɔ Yiesu Klistu ŋɑnm tinm nɑn ŋuɑ sinsuuk ni.

Luonmtieb 5:18

Ŋɑnn e k niyenɔ kuɑ mɑnŋ biit pɑɑk e te k suɑ kul ŋɑn nɑn tubdɑtu, nnɑ e mun, niyenɔ kuɑ tuonŋɑnn pɑɑk e te k Yennu yi niib niŋɑnm k b lɑ mɑnfuol.

Luonmtieb 6:23

K mɑɑn biit nyuɑt tie kuun e, ŋɑɑn Yennu piini nbɑ k u tien’t yɑnn nɑ tie mɑnfuol nbɑ kɑɑ gbennu e, t Yonmdɑɑnɔ Yiesu Klistu pɑɑk.

Luonmtieb 9:30

Tɔn, t sɑɑ yet nlee? Bin nbɑ k tie Suifnbɑ nɑ din k kol ɑ bin tien niŋɑnm Yennu buol, ŋɑɑn k Yennu yet ɑ b tie niŋɑnm u tuɑnn, b yɑdɑ nɑ pɑɑk,

Gɑɑlɑɑt-tieb 2:16

k t mi nɑn sie k nilɔ n tien Yiesu Klistu yɑdɑ, ŋɑnn e sɑɑ te k Yennu n yet ɑ u tie niŋɑnɔ u buol. L k tie tɑɑ tuun senni nbɑ yɑɑ tii tuun lin nbɑ pɑɑk kɑɑ. L pɑɑk, t mɔnŋ mun tien Yiesu Klistu yɑdɑ, ɑ Yennu n yet ɑ t tie niŋɑnm u buol yɑdɑ mɑnŋ pɑɑk e, ŋɑɑn l k tie senni tuonɑ tumu pɑɑk kɑɑ. K mɑɑn Yennu kɑn yet ɑ suɑ tie niŋɑnɔ u buol senni mɑnŋ tuonɑ tumu pɑɑk.

Gɑɑlɑɑt-tieb 3:25

Mɔtɑɑnɑ, yɑdɑ tienu lɑbɑɑl nbɑ bɑɑl nɑ, senni ji k tie t guutuɑ.

Gɑɑlɑɑt-tieb 5:22

Ŋɑɑn Foŋɑnm te k nilɔ mɔk lonm, nɑn pɑlpienn, nɑn mɑnu, nɑn suklu, nɑn bulcint, nɑn ŋɑnm, nɑn yɑdɑ,

Efestieb 2:7

U din tun lin nbɑ nɑ, ɑ yuo nbɑ bɑɑt wun fit wɑnn suɑ kul u ninkpɑbɑɔnŋ nbɑ yɑb biɑnŋ nbɑ e, wɑɑ din tun bulcint k tul’t Yiesu Klistu ni nɑ pɑɑk.

Fiiliiptieb 3:9

kii be u ni. N k tie niŋɑnɔ Yennu buol ni senni weiu nɑ pɑɑk kɑɑ, ŋɑɑn n tie niŋɑnɔ Yennu buol ni n yɑdɑ nɑn Klistu nɑ pɑɑk e. Yennu te k nilɔ tie niŋɑnɔ u buol ni wɑɑ tien yɑdɑ nɑ pɑɑk e.

Kuoluostieb 1:20

Yennu jii ŋuɑ e k te k mɑnu bɑɑl ŋuɑ nɑn *dulnyɑ ŋɑɑtieb sinsuuk ni. U Bijɑ nbɑ din kpo dɑpunpunn pɑɑk nɑ, Yennu tien dulnyɑ ŋɑɑtieb mɑnu: bin nbɑ be tinŋ pɑɑk, nɑn bin nbɑ be sɑnpɑɑpo.

Kuoluostieb 3:15

I ŋɑɑn k Klistu mɑnu ii diɑ i pɑlɑ kii ŋmɑktl’i. Yennu lɑkn yiin’i gbɑnɑn-yent kuɑ ni ɑ yii mɔk mɑnu mɑnŋ e. Ii tien Yennu niipuouk mɑn.

1 Tesɑɑluoniiktieb 5:23

Yennu nbɑ tien’t mɑnu nɑ tiɑɔnŋ n te k yii tie u yɑb cɑin, kii diɑ i sei nɑn i mɑnfuol nɑn i gbɑnɑnt mun, k l dɑɑ mɔk biit t Yonmdɑɑnɔ Yiesu Klistu jenu mɑnŋ po.

2 Tesɑɑluoniiktieb 3:16

Yonmdɑɑnɔ wun nbɑ tien’t mɑnu nɑ n tul’i mɑnu yuo kul, siɑl kul ɑ ni. Yonmdɑɑnɔ i be nɑn i kul.

Hebluonbɑ 13:20

Yennu nbɑ tien mɑnu nɑ din fiin t Yonmdɑɑnɔ Yiesu kuun ni. Ŋuɑ Yiesu e tie Pekpɑɑjɑɑnn nbɑ kpɑɑl pei k mɑɑn u din kpo, k u sɔn ŋɑnm Yennu *lol nbɑ sii sie yuo nbɑ kɑɑ gbennu nɑ.