Luonmtieb 4:25 - Yiesu Lɑbɑmɑnn Muɑl Ni

²⁵ Ŋuɑ e din jii Yiesu k cɑb k u kpo t biit pɑɑk, ŋɑɑn biɑ fiin’ɔ kuun ni, ɑ wun te k tii tie niŋɑnm u tuɑnn.

Luonmtieb 4:25 Iomraidhean Croise

Mɑɑtieo 20:28

K i tie nɑn Nisɑɑlk Bijɑ nbɑ tie biɑnŋ nbɑ nɑ, k mɑɑn u k bɑɑl ɑ niib n tun tul’ɔ kɑɑ, ŋɑɑn u bɑɑl ɑ wun tun k tul niib e, k biɑ kpo k te k niib bonciɑnn n lɑ fielu.»

Luonmtieb 3:25

Yennu e din luon k Yiesu n muɑn u sɔn k lii tie *mɑlunŋ, k mɑlunŋ pɑɑk, k Yiesu n gɑɑl biit nyikcɑbu k tul bin nbɑ kul tien’ɔ yɑdɑ. Nnɑ e k Yennu din luon wun wɑnn bɑnnu nbɑ k u tie bɑlmɔni dɑɑnɔ: siɑn yuo u din mɔk suklu. U din k dɑt nisɑɑli tubɑ b biit pɑɑk.

Luonmtieb 5:18

Ŋɑnn e k niyenɔ kuɑ mɑnŋ biit pɑɑk e te k suɑ kul ŋɑn nɑn tubdɑtu, nnɑ e mun, niyenɔ kuɑ tuonŋɑnn pɑɑk e te k Yennu yi niib niŋɑnm k b lɑ mɑnfuol.

Luonmtieb 8:3

Senni nɑ k fit tun nnɑ, k mɑɑn tinm nisɑɑli k fit diɑ’l fɑnu. Ŋɑnn e k Yennu din tun u mɔnŋ Bijɑ tingbounŋ nɑ ni, ɑ wun gɑɑl binbenŋ nbɑ nɑɑn nɑn tinm biitdɑnm binbenŋ nɑ, k tɑn gɑɑl t pɑɑk k kpo t biit pɑɑk. K u kuun mɑnŋ pɑɑk, Yennu biil biit nbɑ be tinm nisɑɑli pɑlɑ ni nɑ pɑnŋ.

1 Kuolent-tieb 15:17

Klistu ii dinŋ ii bo i kii fiil kuun ni, i yɑdɑ tie yɑnn e, k i biɑ dɑɑ be i biit ni.

2 Kuolent-tieb 5:15

Ŋuɑ e din gɑɑl suɑ kul pɑɑk k kpo, ɑ bin nbɑ fo nɑ, b dɑɑ be k tien b mɔnŋ kɑɑ, ŋɑɑn k bii be k tul wun nbɑ din gɑɑl b pɑɑk k kpo k biɑ fiil kuun ni nɑ e.

2 Kuolent-tieb 5:21

Klistu k mi tun biit, ŋɑɑn Yennu e din jinn’ɔ ɑ u tie biitdɑɑnɔ t tiɑɔnŋ biit pɑɑk. U din tun ŋɑnn e ɑ tin lɑ yentinu binbenŋ ŋuɑ Klistu ni.

Gɑɑlɑɑt-tieb 1:4

Yiesu Klistu e din cɑb u mɔnŋ t biit pɑɑk, ɑ wun fɑt’t tingbounŋ nbɑ mɔk biit nɑ ni nɑn t Bɑɑ Yennu nbɑ luon bɑnnu nbɑ.

Gɑɑlɑɑt-tieb 2:20

L pɑɑk, mɑnfuol nbɑ k n mɔk n gbɑnɑnt ni mɔtɑɑnɑ, n mɔk l mɑnfuol mɑɑ tien Yennu Bijɑ yɑdɑ nɑ e. Ŋuɑ din luon’n k din cɑb u mɑnfuol n pɑɑk.

Gɑɑlɑɑt-tieb 3:13

Klistu tiɑɔnŋ o din gɑɑl t pɑɑk, k din be mɔtonm mɑnŋ ni k nyinn’t l mɔtonm ni, k mɑɑn l diɑn Yennu lolkpel kɑdɑɑɔk ni ɑ: «Wun nbɑ k b kpɑɑ’u dɑpunpunn pɑɑk nɑ, Yennu mɔtonm be u pɑɑk.»

Efestieb 5:2

k ŋɑɑn k lonm i diɑ’i nɑn *Klistu nbɑ din luon’t bonciɑnn k gɑɑl t pɑɑk k kpo k l nɑɑn nɑn mɑnnu nbɑ k l nublu mɑn k tul Yennu nɑ.

Tiit 2:14

Ŋuɑ e din gɑɑl t pɑɑk k kpo, ɑ wun fɑt’t biit kul dɑɑbs ni, k te k tii tie niib nbɑ be binbenŋ nbɑ gbuot Yennu nunm nɑ ni, k biɑ kii tie u tiɑɔnŋ yɑb, k biɑ kii tie niib nbɑ nunm mɔn nɑn tuonŋɑnɑ tumu.

Hebluonbɑ 8:3

B lukt mɑnntuɑ kul, ɑ wun jii piini k biɑ mɑnn *mɑlunŋ k tul Yennu e. Nnɑ e k l mun kpɑɑ tɑlɑs k t mɑnntɔyudɑɑnɔ ii mɔk siɑl k tul.

Hebluonbɑ 9:28

Nnɑ e mun, Klistu din jii u mɔnŋ k mɑnn mɑlunŋ yonm kuɑ k nyinn nifosɑɑli bonciɑnn biit nɑ. U tɑn sɑɑ jen ɑ, ŋɑɑn l k tie u tɑn sɑɑ nyinn niib biit kɑɑ, ŋɑɑn u tɑn sɑɑ tul bin nbɑ guu’u nɑ fielu.

1 Piɑl 1:21

Klistu ni e k i tien Yennu yɑdɑ, k Yennu tie wun nbɑ din fiin’ɔ kuun ni k tul’ɔ yudɑnt. L pɑɑk, k i yɑdɑ nɑn i dindɑnn be Yennu ni.

1 Piɑl 2:24

Ŋuɑ Klistu mɔnŋ mɔnŋ e din jii t biit u gbɑnɑnt ni, k b kpɑɑ’u dɑpunpunn pɑɑk, ɑ t dɑɑ tie biit tuontunnɑ ŋɑɑn kii be Yennu nbɑ luon bɑnnu nbɑ. U dɑni pɑɑk e k i lɑ lɑɑfiɑ.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.

1 Sɑn 2:2

Ŋuɑ e ji din tien *mɑlunŋ Yennu buol ni, ɑ Yennu n nyikcɑb t biit. L pɑɑk, Yennu k nyiktcɑbt t biit kuukuɑ kɑɑ, ŋɑɑn u nyiktcɑbt *dulnyɑ munn biit e.

Fiitu 1:5

nɑn Yiesu Klistu n tul’i l bonɑ. Ŋuɑ Yiesu e tie siɑlɑɑdɑɑnɔ nɑn mɔni. U tie bikpelk e, k biɑ din fiil kpienm sinsuuk ni. U biɑ tie tingbounŋ kpɑnbɑlɑ Kpɑnbɑl e. Yiesu Klistu luon’t k biɑ din nyinn tinm t biit ni nɑn u sɔn.

Fiitu 5:9

K b yiin yɑnpɑɑnŋ k tien Pebik nɑ k yien ɑ: «A set jɑnŋ nɑn fɑn gɑɑl kɑdɑpuɑbl nɑ k tɑbt l yiit nɑ, k mɑɑn ɑ din kpo e k jii ɑ sɔn k dɑɑ niib k tul Yennu. Niib mɑnŋ nyii buolu kul ni, nɑn mɑbuolu kul ni, nɑn nibuolu kul ni, nɑn tini kul niib ni.

Fiitu 7:14

K n jiin k yet’ɔ ɑ: «N Yonmdɑɑnɔ, fin e mi.» K u yet’n ɑ: «Niib nɑ nyii fɑlgbenŋl nɑ ni e, k b wuul b liɑtfɔkt nɑ Pebik nɑ sɔn ni k l ji pien.