Luonmtieb 4:16 - Yiesu Lɑbɑmɑnn Muɑl Ni

¹⁶ L pɑɑk, Yennu mɔsonn sie yɑdɑ nɑ pɑɑk e, ɑ lii tie piini nbɑ nyii Yennu buol kii biɑ kii tie Ablɑɑhɑɑnm yɑɑbuonɑ kul yɑl. L k tie bin nbɑ wɑɑ senni nɑ kuukuɑ yɑl kɑɑ, ŋɑɑn bin nbɑ kul tien Yennu yɑdɑ nɑn Ablɑɑhɑɑnm nbɑ din tien biɑnŋ nbɑ. Ablɑɑhɑɑnm e tie t kul ɑ bɑɑ,

Luonmtieb 4:16 Iomraidhean Croise

Lɑbɑmɑnn nbɑ k Luk diɑn 19:9

K Yiesu yet’ɔ ɑ: «Dinnɑ ŋɑɑk nɑ niib bɑnn nɑn Yennu fiel’b ɑ, k mɑɑn juɑ mɑnŋ mun tie Ablɑɑhɑɑnm yɑɑbuonn e.

Luonmtieb 15:8

K mɑɑn n yien’i ɑ Klistu din kpint u mɔnŋ k tie Suifnbɑ nɑ tuontunnɔ e, ɑ wun gbien mɔsonɑ nbɑ k Yennu senn k tul b yejɑnm nbɑ din tie nijɑɑnɑ nɑ k nnɑ e k u wɑnn nɑn Yennu set tie mɔmɔnm dɑɑnɔ e,

Luonmtieb 3:22

Yennu te k nisɑɑli kul nbɑ tien Yiesu *Klistu yɑdɑ nɑ e tie niŋɑnm u tuɑnn. L tie nɑ e k tul bin nbɑ kul nbɑ tien Yiesu Klistu yɑdɑ nɑ,

Luonmtieb 3:30

k mɑɑn Yen-yenɔ kuɑ e be k sɑɑ yet ɑ Suifnbɑ nɑn bin nbɑ k tie Suifnbɑ nɑ, k b kul n tien niŋɑnm u tuɑnn b yɑdɑ tienu pɑɑk.

Luonmtieb 4:11

U din pot ɑ, ŋɑɑn u potu mɑnŋ tie *siɑlɑ nbɑ wɑnt nɑn u yɑdɑ mɑnŋ pɑɑk e k Yennu ponŋ din jii’u k u tie niŋɑnɔ. L puolpo e wɑɑ, k u ji tɑn pot. L pɑɑk, bin nbɑ kul tie Yennu yɑdɑ ŋɑɑn k k pot nɑ, Ablɑɑhɑɑnm tie b bɑɑ e. Bɑɑ tie Yennu yɑdɑ pɑɑk e, k Yennu yi’b niŋɑnm.

Luonmtieb 5:1

L pɑɑk, Yennu nbɑ jii’t k t tie niŋɑnm u tuɑnn t yɑdɑ pɑɑk nɑ e, k mɑnu ji be tinm nɑn Yennu sinsuuk ni t Yonmdɑɑnɔ Yiesu *Klistu pɑɑk.

Luonmtieb 9:8

L pɑɑk, bin nbɑ k Ablɑɑhɑɑnm mɑl’b nifosɑɑlk mɑɑlu nɑ k tie Yennu wɑɑs, ŋɑɑn bin nbɑ tie Yennu mɔsonn mɑɑlu wɑɑs nɑ, ŋɑnm e set tie Ablɑɑhɑɑnm wɑɑs nɑn mɔni.

Gɑɑlɑɑt-tieb 3:14

L din tie nnɑ e Yiesu Klistu ni, ɑ bin nbɑ k tie Suifnbɑ n lɑ yetŋɑnm nbɑ k Yennu din yɑt Ablɑɑhɑɑnm pɑɑk nɑ. K t i tien yɑdɑ tin gɑɑl Foŋɑnm nbɑ k Yennu din senn mɔsonn ɑ wun tul’t nɑ.

Gɑɑlɑɑt-tieb 3:16

Tɔn, Yennu din tul Ablɑɑhɑɑnm nɑn u yɑɑbuonn e u mɔsonɑ mɑnŋ. L k diɑn Yennu lolkpel kɑdɑɑɔk ni ɑ: «nɑn u yɑɑbuonɑ» kɑɑ, k l pɑɑk sii tie niib bonciɑnn. Ŋɑɑn l diɑn ɑ: «nɑn yɑɑbuonn e,» k l pɑɑk tie yɑɑbuonyenɔ kuɑ, k ŋuɑ e tie Klistu.

Gɑɑlɑɑt-tieb 3:22

Ŋɑɑn l diɑn Yennu lolkpel kɑdɑɑɔk ni ɑ tingbounŋ kul sɑɑk be biit yiikuo ni e, ɑ Yennu n tul bin nbɑ tien yɑdɑ nɑ piini nbɑ k u din senn mɔsonn ɑ u sɑɑ tul’b nɑ. B yɑdɑ nɑn Yiesu Klistu nɑ pɑɑk e k u sɑɑ tul’b.

Efestieb 2:5

L pɑɑk, tɑɑ din tie kpienm t biit pɑɑk nɑ, u din te k t lɑ mɑnfuol *Klistu ni. Yennu ninkpɑbɑɔnŋ pɑɑk e k i lɑ fielu.

Efestieb 2:8

Yennu ninkpɑbɑɔnŋ nɑ pɑɑk e k i lɑ fielu i yɑdɑ nɑ pɑɑk. Fielu mɑnŋ k nyii i buol ni kɑɑ, ŋɑɑn l tie Yennu piini e.

Tiit 3:7

Yennu ninkpɑbɑɔnŋ pɑɑk k u din tun nnɑ ɑ wun tien’t niŋɑnm u buol, k biɑ tien’t u wɑɑs nbɑ mɔk dindɑnn k t sɑɑ lɑ mɑnfuol nbɑ kɑɑ gbennu.

2 Piɑl 1:10

L pɑɑk, n nɑɑ wɑɑs, i yɑbl kii be binbenŋ nbɑ k Yennu din yiin’i k biɑ lukt’i ɑ i be lenŋ nɑ. K mɑɑn l i tie k i tuun nnɑ i e, i kɑn mi bɑɑ biit ni.