Luonmtieb 3:30 - Yiesu Lɑbɑmɑnn Muɑl Ni

³⁰ k mɑɑn Yen-yenɔ kuɑ e be k sɑɑ yet ɑ Suifnbɑ nɑn bin nbɑ k tie Suifnbɑ nɑ, k b kul n tien niŋɑnm u tuɑnn b yɑdɑ tienu pɑɑk.

Luonmtieb 3:30 Iomraidhean Croise

Luonmtieb 2:26

L pɑɑk, l i tie k wun nbɑ k pot nɑ sɑk senni e, Yennu kɑn gɑɑl’ɔ nɑn wun nbɑ pot nɑ ɑɑ?

Luonmtieb 2:27

Wun nbɑ *k pot punn, ŋɑɑn wɑɑ senni nɑ, ŋuɑ e tɑn sɑɑ bu fin nbɑ k sɑɑk senni ŋɑɑn biɑ mɔk senni k l diɑn senni kɑdɑɑɔk ni k biɑ pot punn nɑ buut.

Luonmtieb 3:22

Yennu te k nisɑɑli kul nbɑ tien Yiesu *Klistu yɑdɑ nɑ e tie niŋɑnm u tuɑnn. L tie nɑ e k tul bin nbɑ kul nbɑ tien Yiesu Klistu yɑdɑ nɑ,

Luonmtieb 3:28

T duki k yien ɑ nisɑɑlk yɑdɑ tienu pɑɑk e k Yennu yet ɑ u tie niŋɑnɔ, k l k tie ɑ wɑɑ wɑɑ senni nɑ pɑɑk kɑɑ.

Luonmtieb 4:16

L pɑɑk, Yennu mɔsonn sie yɑdɑ nɑ pɑɑk e, ɑ lii tie piini nbɑ nyii Yennu buol kii biɑ kii tie Ablɑɑhɑɑnm yɑɑbuonɑ kul yɑl. L k tie bin nbɑ wɑɑ senni nɑ kuukuɑ yɑl kɑɑ, ŋɑɑn bin nbɑ kul tien Yennu yɑdɑ nɑn Ablɑɑhɑɑnm nbɑ din tien biɑnŋ nbɑ. Ablɑɑhɑɑnm e tie t kul ɑ bɑɑ,

Luonmtieb 4:9

L pɑlpienn mɑnŋ tie bin nbɑ pot nɑ kuukuɑ yɑl ɑmi ii? Kuo l mun biɑ tie bin nbɑ k pot nɑ yɑl e? T ponŋ bo yet ɑ Ablɑɑhɑɑnm din tien Yennu yɑdɑ e, k u yɑdɑ mɑnŋ pɑɑk e k Yennu jii’u k u tie niŋɑnɔ u tuɑnn.

Gɑɑlɑɑt-tieb 3:20

k mɑɑn l i tie k nilɔ tie u kuukuɑ, bɑlŋɑnmtuɑ k siɑn, ŋɑɑn Yennu tie u kuɑ e.

Gɑɑlɑɑt-tieb 3:28

L pɑɑk, bɔktu ji k be bin nbɑ tie Suifnbɑ nɑn bin nbɑ k tie Suifnbɑ sinsuuk ni, l biɑ k be bin nbɑ tie dɑɑbɑ nɑn yent-n-mɔnŋ dɑnm sinsuuk ni. Bɔktu biɑ k be puob nɑn jɑb sinsuuk ni. Yɑɑ be Yiesu Klistu ni nɑ pɑɑk e te k i kul ɑ tie yenɔ kuɑ.

Gɑɑlɑɑt-tieb 3:8

K l biɑ din diɑn Yennu lolkpel kɑdɑɑɔk ni, ɑ Yennu tɑn sɑɑ yet ɑ bin nbɑ k tie *Suifnbɑ mun tie niŋɑnm u buol b yɑdɑ pɑɑk. L pɑɑk e k lɑbɑmɑnn mɑnŋ diɑn Yennu lolkpel kɑdɑɑɔk ni k tul Ablɑɑhɑɑnm ɑ: «A pɑɑk e k nisɑɑli buolu buolu kul ɑ sɑɑ lɑ yetŋɑnm.»

Gɑɑlɑɑt-tieb 5:6

K mɑɑn t i be Yiesu Klistu ni, t i lek i pot t punɑ ɑmi t i kii pot, l k siɑn. Lin nbɑ siɑn tie t yɑdɑ nɑn Klistu nbɑ te k b lɑɑt nɑn t mɔk lonm nɑn lieb nɑ e.

Gɑɑlɑɑt-tieb 6:15

Suɑ i pot u punn kuo wuu kii pot u punn, l k tie siɑl. Lin nbɑ siɑn tie bii tie nipɑɑnm e.

Fiiliiptieb 3:3

Tinm e mɔk mɔmɔnm *punpotu, k mɑɑn Foŋɑnm ni e k t jiɑntl Yennu k mɔk yugontl tɑɑ be *Klistu ni nɑ, k k tien lin nbɑ k b tien nilɔ gbɑnɑnt ni nɑ yɑdɑ.

1 Tiimuote 2:5

k mɑɑn Yen-yenɔ kuɑ e be, k sindɑntinnɔ tie yenɔ kuɑ k be Yennu nɑn nisɑɑlk sinsuuk ni. L dɑɑnɔ e tie juɑ nbɑ tie Yiesu *Klistu