Luonmtieb 3:29 - Yiesu Lɑbɑmɑnn Muɑl Ni

²⁹ Yennu tie Suifnbɑ kuukuɑ Yennu ee? U k tie bin nbɑ k tie Suifnbɑ Yennu mun ii? Nnn, u biɑ tie bin nbɑ k tie Suifnbɑ Yennu e,

Luonmtieb 3:29 Iomraidhean Croise

Mɑɑtieo 22:32

U din yet ɑ: ‹Min e tie Ablɑɑhɑɑnm Yennu, nɑn Isɑɑk Yennu, nɑn Sɑɑkɔb Yennu.› Yennu k tie kpienm Yennu kɑɑ, ŋɑɑn u tie fuotb Yennu e.»

Mɑɑtieo 28:19

L pɑɑk, ii sɑɑ mɑn tingbounŋ nɑ ni, nibuolu kul ɑ buol ni, k sɑɑ tien’m n puolpoweitieb, k wul’b Yennu nyunwulu, Bɑɑ, nɑn Bijɑ, nɑn Foŋɑnm sɑnn ni,

Tuonɑ 10:34

Ŋɑnn e k Piɑl piin pɑku k yɑɑ ɑ: «N ji bɑnn nɑn l tie mɔni e nɑn Yennu set k mɔk luktn,

Tuonɑ 22:21

K Yonmdɑɑnɔ yet’n ɑ: ‹Fin i sɑɑ wɑɑ, min e yɑɑ n tun’ɑ niib nbɑ be bɑnfɔkl k k tie Suifnbɑ nɑ tini ni.› »

Tuonɑ 26:17

Mɑɑ tɑn sɑɑ tun’ɑ siɑn nbɑ nɑ, n biɑ tɑn sɑɑ nyinn’ɑ dɑɑl ni Suifnbɑ nɑn nilieb nii ni.

Tuonɑ 9:15

Ŋɑɑn Yonmdɑɑnɔ yet’ɔ ɑ: «Fin i sɑɑ wɑɑ. Ŋuɑ e tie wun nbɑ k n lukt’ɔ ɑ wuu tuun n tuonn, k te k buolgɑnu nɑn b kpɑnbɑlɑ nɑn Islɑɑeltieb n bɑnn n sɑnn,

Luonmtieb 1:16

Fei k mɔk’n nɑn k n muɑnt lɑbɑmɑnn mɑnŋ, k mɑɑn l tie Yennu yiikuo nbɑ fiel wun nbɑ kul tien yɑdɑ nɑ e. Sinsinn l tie *Suifnbɑ yɑl e, k mun biɑ tie bin nbɑ k tie Suifnbɑ nɑ kul yɑl.

Luonmtieb 10:12

Bɔktu kɑɑ Suifnbɑ nɑn bin nbɑ k tie Suifnbɑ sinsuuk ni, Yennu kuukuɑ nɑ e tie b kul Yonmdɑɑnɔ, k bin nbɑ kul mei’ɔ, u sonmt’b nɑn bulcintuk.

Luonmtieb 15:16

k te k n tie Yiesu Klistu tuontunnɔ, k tul bin nbɑ k tie Suifnbɑ nɑ. Mɑɑ muɑntl Yennu lɑbɑmɑnn nɑ, n tuun Yennu tuonn e, ɑ bin nbɑ k tie Suif nbɑ i tie mɑnnu nbɑ pent Yennu pɑl, k Foŋɑnm ni b jɑnŋ nɑn bii tie Yennu tiɑɔnŋ niib.

Gɑɑlɑɑt-tieb 3:14

L din tie nnɑ e Yiesu Klistu ni, ɑ bin nbɑ k tie Suifnbɑ n lɑ yetŋɑnm nbɑ k Yennu din yɑt Ablɑɑhɑɑnm pɑɑk nɑ. K t i tien yɑdɑ tin gɑɑl Foŋɑnm nbɑ k Yennu din senn mɔsonn ɑ wun tul’t nɑ.

Efestieb 3:6

U wuol ni lɑbɑɑl tie nɑ e: lɑbɑmɑnn pɑɑk e k bin nbɑ k tie Suifnbɑ nɑn Suifnbɑ nɑ ji fit tɑɑn lɑ bonŋɑnɑ nbɑ k Yennu senn k tul u niib nɑ. B bɑnle ji tɑɑn tie gbɑnɑn-yent kuɑ k mɔsonn nbɑ k Yennu din senn Yiesu Klistu ni ji tie b yɑl.

Kuoluostieb 3:11

L pɑɑk, bɔktu ji kɑɑ bin nbɑ tie *Suifnbɑ nɑn bin nbɑ k tie Suifnbɑ sinsuuk ni. Bin nbɑ pot punɑ nɑn bin nbɑ k pot kul ɑ ji k mɔk bɔktu nɑn lieb. Bɔktu ji kɑɑ muuk ni niib nɑn duo ni yɑb sinsuuk ni. Bɔktu biɑ kɑɑ dɑɑbɑ nɑn yent-n-mɔnŋ dɑnm sinsuuk ni, ŋɑɑn Klistu kuukuɑ siɑn, k u be i kul ni.