Luonmtieb 3:28 - Yiesu Lɑbɑmɑnn Muɑl Ni

²⁸ T duki k yien ɑ nisɑɑlk yɑdɑ tienu pɑɑk e k Yennu yet ɑ u tie niŋɑnɔ, k l k tie ɑ wɑɑ wɑɑ senni nɑ pɑɑk kɑɑ.

Luonmtieb 3:28 Iomraidhean Croise

Lɑbɑmɑnn nbɑ k Sɑn diɑn 5:24

«Bɑlmɔni e k n yien’i nɑ, dɑɑnɔ nbɑ gbɑt n mɑɑn nɑ, k biɑ tien wun nbɑ tun’n nɑ yɑdɑ, ŋuɑ e mɔk mɑnfuol nbɑ kɑɑ gbennu, k Yennu kɑn bu u buut k biil’ɔ. U biɑ ponŋ nyii kuun nuu ni wɑɑ, k be mɑnfuol mɑnŋ ni e.

Lɑbɑmɑnn nbɑ k Sɑn diɑn 6:40

Nnɑ e k n Bɑɑ Yennu luon, ɑ wun nbɑ lɑ u Bijɑ k tien’ɔ yɑdɑ, u sɑɑ lɑ mɑnfuol nbɑ kɑɑ gbennu, k n tɑn sɑɑ fiin’m kuun ni tingbounŋ cincɑɑtdɑɑl.»

Luonmtieb 3:26

Ŋɑɑn mɔtɑɑnɑ u wɑnn bɑnnu nbɑ k u te k nisɑɑli tie niŋɑnm u tuɑnn k mɑɑn u luon wuu tie bɑlmɔni dɑɑnɔ kii biɑ kii te k nisɑɑli i tie niŋɑnm u tuɑnn bɑɑ tien Yiesu yɑdɑ nɑ pɑɑk.

Luonmtieb 4:5

Ŋɑɑn nilɔ nbɑ k tien senni weiu nɑ yɑdɑ, ŋɑɑn tien Yennu yɑdɑ, Yennu sɑɑ jii l dɑɑnɔ k u tie niŋɑnɔ u tuɑnn. L dɑɑnɔ yɑdɑ pɑɑk e k Yennu sɑɑ jii’u.

Luonmtieb 5:1

L pɑɑk, Yennu nbɑ jii’t k t tie niŋɑnm u tuɑnn t yɑdɑ pɑɑk nɑ e, k mɑnu ji be tinm nɑn Yennu sinsuuk ni t Yonmdɑɑnɔ Yiesu *Klistu pɑɑk.

Luonmtieb 8:3

Senni nɑ k fit tun nnɑ, k mɑɑn tinm nisɑɑli k fit diɑ’l fɑnu. Ŋɑnn e k Yennu din tun u mɔnŋ Bijɑ tingbounŋ nɑ ni, ɑ wun gɑɑl binbenŋ nbɑ nɑɑn nɑn tinm biitdɑnm binbenŋ nɑ, k tɑn gɑɑl t pɑɑk k kpo t biit pɑɑk. K u kuun mɑnŋ pɑɑk, Yennu biil biit nbɑ be tinm nisɑɑli pɑlɑ ni nɑ pɑnŋ.

1 Kuolent-tieb 6:11

I siɑb din tie nnɑ e, ŋɑɑn k Yennu wuul i biit nɑ k senn’i k i tie u niib k u biɑ yet ɑ i tie niŋɑnm Yonmdɑɑnɔ Yiesu Klistu sɑnn ni nɑn t Yennu Siek yiikuo ni.

Gɑɑlɑɑt-tieb 2:16

k t mi nɑn sie k nilɔ n tien Yiesu Klistu yɑdɑ, ŋɑnn e sɑɑ te k Yennu n yet ɑ u tie niŋɑnɔ u buol. L k tie tɑɑ tuun senni nbɑ yɑɑ tii tuun lin nbɑ pɑɑk kɑɑ. L pɑɑk, t mɔnŋ mun tien Yiesu Klistu yɑdɑ, ɑ Yennu n yet ɑ t tie niŋɑnm u buol yɑdɑ mɑnŋ pɑɑk e, ŋɑɑn l k tie senni tuonɑ tumu pɑɑk kɑɑ. K mɑɑn Yennu kɑn yet ɑ suɑ tie niŋɑnɔ u buol senni mɑnŋ tuonɑ tumu pɑɑk.

Gɑɑlɑɑt-tieb 3:24

L pɑɑk, senni nɑ din ŋmɑn t guutuɑ nbɑ diɑ’t mɔkmɔk nɑn yuo nbɑ k Klistu tɑn bɑɑl ɑ tin tien’ɔ yɑdɑ, k Yennu n yet ɑ t tie niŋɑnm u buol t yɑdɑ nɑ pɑɑk.

Gɑɑlɑɑt-tieb 3:8

K l biɑ din diɑn Yennu lolkpel kɑdɑɑɔk ni, ɑ Yennu tɑn sɑɑ yet ɑ bin nbɑ k tie *Suifnbɑ mun tie niŋɑnm u buol b yɑdɑ pɑɑk. L pɑɑk e k lɑbɑmɑnn mɑnŋ diɑn Yennu lolkpel kɑdɑɑɔk ni k tul Ablɑɑhɑɑnm ɑ: «A pɑɑk e k nisɑɑli buolu buolu kul ɑ sɑɑ lɑ yetŋɑnm.»

Efestieb 2:9

Suɑ kɑn fit fuɑ bɑlɑ fielu mɑnŋ pɑɑk, k mɑɑn l k tie i tiɑɔnŋ tuonɑ nyuɑt kɑɑ,

Fiiliiptieb 3:9

kii be u ni. N k tie niŋɑnɔ Yennu buol ni senni weiu nɑ pɑɑk kɑɑ, ŋɑɑn n tie niŋɑnɔ Yennu buol ni n yɑdɑ nɑn Klistu nɑ pɑɑk e. Yennu te k nilɔ tie niŋɑnɔ u buol ni wɑɑ tien yɑdɑ nɑ pɑɑk e.

Tiit 3:7

Yennu ninkpɑbɑɔnŋ pɑɑk k u din tun nnɑ ɑ wun tien’t niŋɑnm u buol, k biɑ tien’t u wɑɑs nbɑ mɔk dindɑnn k t sɑɑ lɑ mɑnfuol nbɑ kɑɑ gbennu.

Sɑɑk 2:18

Ŋɑɑn suɑ sɑɑ yet ɑ: «A mɔk yɑdɑ, k n tuun tuonŋɑnɑ.» N mun sɑɑ jiin ɑ: «L i tie k ɑ k tuun tuonŋɑnɑ, lɑnn po e wɑnt nɑn ɑ set mɔk yɑdɑ? Ŋɑɑn n tuonŋɑnɑ nɑ e wɑnt’ɑ nɑn min set mɔk yɑdɑ.»

Sɑɑk 2:20

Fin jɑtuk nɑ. A luon k n wɑnn’ɑ bɑnnu nbɑ k ɑ sɑɑ bɑnn nɑn yɑdɑ nbɑ k mɔk tuonɑ nɑ tie yɑnn ee?

Sɑɑk 2:24

I ji lɑ nɑn nilɔ tuonŋɑnɑ pɑɑk e k Yennu sɑɑ yet ɑ l dɑɑnɔ tie niŋɑnɔ u buol, k l k tie u yɑdɑ kuukuɑ pɑɑk.