Luonmtieb 3:26 - Yiesu Lɑbɑmɑnn Muɑl Ni

²⁶ Ŋɑɑn mɔtɑɑnɑ u wɑnn bɑnnu nbɑ k u te k nisɑɑli tie niŋɑnm u tuɑnn k mɑɑn u luon wuu tie bɑlmɔni dɑɑnɔ kii biɑ kii te k nisɑɑli i tie niŋɑnm u tuɑnn bɑɑ tien Yiesu yɑdɑ nɑ pɑɑk.

Luonmtieb 3:26 Iomraidhean Croise

Lɑbɑmɑnn nbɑ k Luk diɑn 1:80

K Sɑn din kpɑɑtl k puki pɑnŋ u siek ni, k be muuk ni tɑɑtɑɑ nɑn dɑɑl nbɑ k u din tɑn dɔkt Islɑɑeltieb buol ni nɑ.

Luonmtieb 3:25

Yennu e din luon k Yiesu n muɑn u sɔn k lii tie *mɑlunŋ, k mɑlunŋ pɑɑk, k Yiesu n gɑɑl biit nyikcɑbu k tul bin nbɑ kul tien’ɔ yɑdɑ. Nnɑ e k Yennu din luon wun wɑnn bɑnnu nbɑ k u tie bɑlmɔni dɑɑnɔ: siɑn yuo u din mɔk suklu. U din k dɑt nisɑɑli tubɑ b biit pɑɑk.

Luonmtieb 3:27

L pɑɑk, siɑl be k t mɔk pɑlbifɑɑnt nɑn’n ii? Aɑi, siɑl kɑɑ. Bee pɑɑk e? L tie bɑɑ wɑɑ senni nbɑ wɑnn lin nbɑ nɑ pɑɑk ee? Aɑi, ŋɑɑn bɑɑ tien yɑdɑ nɑ pɑɑk e k pɑlbifɑɑnt kɑɑ.

Luonmtieb 3:30

k mɑɑn Yen-yenɔ kuɑ e be k sɑɑ yet ɑ Suifnbɑ nɑn bin nbɑ k tie Suifnbɑ nɑ, k b kul n tien niŋɑnm u tuɑnn b yɑdɑ tienu pɑɑk.

Luonmtieb 4:5

Ŋɑɑn nilɔ nbɑ k tien senni weiu nɑ yɑdɑ, ŋɑɑn tien Yennu yɑdɑ, Yennu sɑɑ jii l dɑɑnɔ k u tie niŋɑnɔ u tuɑnn. L dɑɑnɔ yɑdɑ pɑɑk e k Yennu sɑɑ jii’u.

Luonmtieb 8:33

Ŋmee sɑɑ tɑɑl bin nbɑ k Yennu lukt’b nɑ? Ŋuɑ Yennu e yet ɑ b tie niŋɑnm u buol.

Fiitu 15:3

k b yiin yɑnŋ nbɑ k Yennu tuontunnɔ Muois din yiin nɑ nɑn Pebik nɑ yɑnŋ ɑ: «T Yonmdɑɑnɔ Yennu nbɑ mɔk yiikuo kul, ɑ tuonɑ tie bɑktnɔunŋ tuonjɑɑnɑ nbɑ yɑɑl ŋɑɑn lit’t, ɑ sɔni tuok k biɑ tie bɑlmɔni. Fin e tie nibuolu kul Kpɑnbɑl.