Luonmtieb 3:25 - Yiesu Lɑbɑmɑnn Muɑl Ni

²⁵ Yennu e din luon k Yiesu n muɑn u sɔn k lii tie *mɑlunŋ, k mɑlunŋ pɑɑk, k Yiesu n gɑɑl biit nyikcɑbu k tul bin nbɑ kul tien’ɔ yɑdɑ. Nnɑ e k Yennu din luon wun wɑnn bɑnnu nbɑ k u tie bɑlmɔni dɑɑnɔ: siɑn yuo u din mɔk suklu. U din k dɑt nisɑɑli tubɑ b biit pɑɑk.

Luonmtieb 3:25 Iomraidhean Croise

Lɑbɑmɑnn nbɑ k Sɑn diɑn 6:47

«Bɑlmɔni e k n yien’i nɑ, dɑɑnɔ nbɑ tien’n yɑdɑ, ŋuɑ e mɔk mɑnfuol nbɑ kɑɑ gbennu.

Tuonɑ 14:16

Yɑɑyuo ni e wɑɑ k u din ŋɑɑn k nibuolu kul din tuun b yɑmɑ ni mɔkmɔk nɑn mɔtɑɑnɑ.

Tuonɑ 15:18

Nnɑ e k Yonmdɑɑnɔ, wun nbɑ te k b bɑnn lin nbɑ nɑ yɑɑyuo ni wɑɑ yet.› »

Tuonɑ 17:30

Yuo nbɑ gɑl nɑ, Yennu din k ŋmɑnn niib tubɑ nɑn bɑɑ din jɑnŋ nɑn tubdɑtu bɑnnu nbɑ, ŋɑɑn mɔtɑɑnɑ u yet suɑ kul, ɑ wun mɔ kuɑŋɑɑn k lebt binbenŋ,

Tuonɑ 2:23

Yennu mi lin nbɑ yɑɑ lin tɑn tien, k l pɑɑk k u dɔnŋ lol lol k kubn’ɔ i nuu ni, k i te k biitdɑnm kpɑɑ tɑbn’ɔ dɑpunpunn pɑɑk k kpii’u, k l wɑnt nɑn yinm e set kpii’u.

Tuonɑ 3:18

Ŋɑɑn nnɑ e k Yennu tɑn te k lin nbɑ k u din pɑk k tul u sɔkniinbɑ kul, k b mun pɑk tul niib nɑ n tɑn tien mɔni, ɑ l kpɑɑ tɑlɑs e k u Klistu n lek di fɑlɑ.

Tuonɑ 4:28

Ŋɑnn e k b lɑkn, ɑ bin tun lin nbɑ kul k ɑ ponŋ din dukn ɑ yiikuo nɑn ɑ yɑnbuɑt, k yɑɑ l tɑn sɑɑ tien nɑ.

Luonmtieb 2:4

Ami ɑ sɑlkt lonciɑɔnŋ nɑn suklu bonciɑnn nbɑ k Yennu mɔk nɑn’t nɑ ɑmi nlee? A k mi nɑn Yennu mɔk bulcint nɑn’ɑ ɑ wun te k ɑ mɔ kuɑŋɑɑn k lebt binbenŋ ee?

Luonmtieb 3:26

Ŋɑɑn mɔtɑɑnɑ u wɑnn bɑnnu nbɑ k u te k nisɑɑli tie niŋɑnm u tuɑnn k mɑɑn u luon wuu tie bɑlmɔni dɑɑnɔ kii biɑ kii te k nisɑɑli i tie niŋɑnm u tuɑnn bɑɑ tien Yiesu yɑdɑ nɑ pɑɑk.

Luonmtieb 5:1

L pɑɑk, Yennu nbɑ jii’t k t tie niŋɑnm u tuɑnn t yɑdɑ pɑɑk nɑ e, k mɑnu ji be tinm nɑn Yennu sinsuuk ni t Yonmdɑɑnɔ Yiesu *Klistu pɑɑk.

Luonmtieb 5:11

Ŋɑɑn l kul kɑɑ nɑ. T biɑ mɔk pɑlpienn Yennu nbɑ sonm’t bonciɑnn biɑnŋ nbɑ nɑ, k mɑɑn t Yonmdɑɑnɔ Yiesu Klistu ŋɑnm tinm nɑn ŋuɑ sinsuuk ni.

Luonmtieb 5:18

Ŋɑnn e k niyenɔ kuɑ mɑnŋ biit pɑɑk e te k suɑ kul ŋɑn nɑn tubdɑtu, nnɑ e mun, niyenɔ kuɑ tuonŋɑnn pɑɑk e te k Yennu yi niib niŋɑnm k b lɑ mɑnfuol.

Luonmtieb 5:9

L i tie k Yennu yet ɑ t tie niŋɑnm u tuɑnn, Yiesu sɔn pɑɑk i e, nnɑ e mun k Yiesu mun sɑɑ fɑt’t Yennu wutociɑɔnŋ nɑ ni wɑɑ.

1 Kuolent-tieb 5:7

Ŋɑnn yin lu dɑtinkpel nbɑ tie i biit, k ji dɑɑ mɔk jɑknt. I ji sii tie nɑn yon nbɑ k dɑtinŋ kɑɑ lenŋ nɑn yɑɑ set be bɑnnu nbɑ, k mɑɑn b ponŋ kpii t Yuktgɑltiɑlu jɑɑnm pebik nbɑ tie Klistu nɑ wɑɑ.

2 Kuolent-tieb 5:21

Klistu k mi tun biit, ŋɑɑn Yennu e din jinn’ɔ ɑ u tie biitdɑɑnɔ t tiɑɔnŋ biit pɑɑk. U din tun ŋɑnn e ɑ tin lɑ yentinu binbenŋ ŋuɑ Klistu ni.

Efestieb 1:7

Yennu nyinn’t biit dɑɑbs ni u Bilonkɑk mɑnŋ sɔn pɑɑk e, k nyik cɑb t biit u ninkpɑbɑɔnŋ nbɑ yɑb nɑ pɑɑk.

Efestieb 2:13

Ŋɑɑn mɔtɑɑnɑ, Yiesu Klistu ni e, k yinm nbɑ din fɔk nɑn’ɔ nɑ, ji nyɑt nɑkn’ɔ wɑɑ yit u mɔnŋ sɑlk nɑ pɑɑk.

1 Tiimuote 1:15

Gotl mɑn, lɑbɑɑl nbɑ tie bɑlmɔni k ŋɑn nɑn niib kul n gɑɑl’l e nɑ: Yiesu Klistu din bɑɑl tingbounŋ nɑ ni, ɑ wun tɑn fiel biitdɑnm e, k min e bi k gɑl b kul ɑ.

Hebluonbɑ 10:4

K mɑɑn nɑɑjɑi nɑn bujɑi sɔn nɑ k fit nyinn biit.

Hebluonbɑ 11:14

Niib nbɑ yien lin nbɑ nɑ, fiit k wɑnt nɑn b lek dɑɑ kpɑɑn b tiɑɔnŋ duo siɑl po e.

Hebluonbɑ 11:17

Yuo nbɑ k Yennu din bikn’ɔ nɑ, Ablɑɑhɑɑnm yɑdɑ pɑɑk e biɑk, k u din jii u bijɑ Isɑɑk, ɑ wun mɑnn *mɑlunŋ k tul Yennu. Ŋuɑ Ablɑɑhɑɑnm e k Yennu din senn’ɔ mɔsonɑ, ŋɑɑn k u biɑ wɑnn Yennu nɑn u tien siil k sɑɑ jii u bijɑyenml k tien mɑlunŋ k tul’ɔ.

Hebluonbɑ 11:7

Noe yɑdɑ pɑɑk e din te k u gbɑt Yennu kpɑɑni nbɑ piɑk lin nbɑ k Noe dɑɑ din k fit lɑ’l nɑn u ninbinn nɑ po. U din sɑk Yennu mɔb k kpɑɑ ŋɑlngbenŋl, k ŋuɑ nɑn u ŋɑɑtieb kuɑ lenŋ k lɑ fielu wɑɑ. Ŋɑnn e din wɑnn nɑn tingbounŋ nɑ niib mɔk biit Yennu buol ni, ŋɑɑn k Noe yɑdɑ mɑnŋ pɑɑk k Yennu din yet, ɑ u tie niŋɑnɔ u buol ni.

Hebluonbɑ 9:28

Nnɑ e mun, Klistu din jii u mɔnŋ k mɑnn mɑlunŋ yonm kuɑ k nyinn nifosɑɑli bonciɑnn biit nɑ. U tɑn sɑɑ jen ɑ, ŋɑɑn l k tie u tɑn sɑɑ nyinn niib biit kɑɑ, ŋɑɑn u tɑn sɑɑ tul bin nbɑ guu’u nɑ fielu.

Hebluonbɑ 9:5

Selubɑnnbɑ din tuɑ lɑkl mɑnŋ pɑɑk k mɔk *yudɑnt bonciɑnn k wɑnt nɑn Yennu be, k b kpinkpɑnt bɑkn siɑn nbɑ k b din mɑnn biit nyikcɑbu *mɑlunŋ nɑ. Ŋɑɑn l k tie mɔtɑɑnɑ kɑɑ k t sɑɑ pɑk l po.

1 Sɑn 1:10

T i yɑɑ ɑ t k tuun biit i e, ŋɑnn nnɑ t tien’ɔ fɑɑk dɑɑnɔ e nɑ, k u mɑɑn mɑnŋ kɑɑ t ni.

1 Sɑn 2:2

Ŋuɑ e ji din tien *mɑlunŋ Yennu buol ni, ɑ Yennu n nyikcɑb t biit. L pɑɑk, Yennu k nyiktcɑbt t biit kuukuɑ kɑɑ, ŋɑɑn u nyiktcɑbt *dulnyɑ munn biit e.

1 Sɑn 4:10

Lonm nbɑ tie lonm nɑn bɑlmɔni tie nnɑ e: l k tie ɑ tinm kɑɑ din luon Yennu, ŋɑɑn ŋuɑ e din luon tinm, k tun u Bijɑ, ɑ u *mɑlunŋ pɑɑk tin lɑ t biit nyikcɑbu.

Fiitu 1:5

nɑn Yiesu Klistu n tul’i l bonɑ. Ŋuɑ Yiesu e tie siɑlɑɑdɑɑnɔ nɑn mɔni. U tie bikpelk e, k biɑ din fiil kpienm sinsuuk ni. U biɑ tie tingbounŋ kpɑnbɑlɑ Kpɑnbɑl e. Yiesu Klistu luon’t k biɑ din nyinn tinm t biit ni nɑn u sɔn.

Fiitu 13:8

Niib kul nbɑ be tingbounŋ nɑ ni, k b sɑnɑ din k diɑn mɑnfuol kɑdɑɑɔk ni yuo nbɑ k *dulnyɑ dɑɑ din kɑɑ nɑ, b sɑɑ jiɑnt muuk ni bonkobuk nɑ. Mɑnfuol kɑdɑɑɔk nɑ tie Pebik nbɑ k b din kpii’u nɑ yɑl e.

Fiitu 20:15

K wun nbɑ yɑɑ sɑnn kul k diɑn mɑnfuol kɑdɑɑɔk nɑ ni, b jii’u k lu mɔkl nbɑ di muu nɑ ni.

Fiitu 5:9

K b yiin yɑnpɑɑnŋ k tien Pebik nɑ k yien ɑ: «A set jɑnŋ nɑn fɑn gɑɑl kɑdɑpuɑbl nɑ k tɑbt l yiit nɑ, k mɑɑn ɑ din kpo e k jii ɑ sɔn k dɑɑ niib k tul Yennu. Niib mɑnŋ nyii buolu kul ni, nɑn mɑbuolu kul ni, nɑn nibuolu kul ni, nɑn tini kul niib ni.