Luonmtieb 3:22 - Yiesu Lɑbɑmɑnn Muɑl Ni

²² Yennu te k nisɑɑli kul nbɑ tien Yiesu *Klistu yɑdɑ nɑ e tie niŋɑnm u tuɑnn. L tie nɑ e k tul bin nbɑ kul nbɑ tien Yiesu Klistu yɑdɑ nɑ,

Luonmtieb 3:22 Iomraidhean Croise

Lɑbɑmɑnn nbɑ k Luk diɑn 15:22

Ŋɑɑn k u bɑɑ yiin u tuontunnɑ, ‹Tient yiɑn ɑ k jii cincenŋɑnn, nɑn bɑnŋ, nɑn tɑɑsɑɑt nɑ, k tɑn gbɑbn’ɔ, ŋɑɑn piln’mɔ bɑnŋ nɑn tɑɑsɑɑt nɑ,

Tuonɑ 11:12

Ŋɑnn e k Foŋɑnm yet’n ɑ n sɑɑn nɑn’m k dɑɑ bils. K Yiesuweilɑ nbɑ be Sope nɑ, b ni bɑnluob nbɑ be nnɑ nɑ mun ciɑn’n k sɑɑn Sesɑɑle, k t kul ɑ bɑɑl kuɑ Kɔlnɑi ŋɑɑk ni.

Tuonɑ 15:9

U k mɔk luktn tinm nɑn ŋɑnm sinsuuk ni k mɑɑn u wuul b pɑlɑ ni, bɑɑ tien yɑdɑ nɑ pɑɑk.

Tuonɑ 3:16

Wɔbk nɑ tie wun nbɑ k i ponŋ tuu mi’u k biɑ lɑɑt’ɔ e, ŋɑɑn k u tɑn pɑɑk nɑ, k mɑɑn wɑɑ tien Yiesu mɑnŋ sɑnn yɑdɑ nɑ pɑɑk. Wɑɑ tien Yiesu yɑdɑ nɑ pɑɑk e te k u pɑɑk cɑin k sie i nunm nnɑ.

Luonmtieb 1:17

Lɑbɑmɑnn mɑnŋ wɑnt biɑnŋ nbɑ k Yennu yet ɑ nilɔ tie niŋɑnɔ u tuɑnn e. L tie yɑdɑ nɑ pɑɑk e. L kul e nɑ, nɑn lɑɑ diɑn Yennu lolkpel kɑdɑɑɔk ni ɑ: «Wun nbɑ tien niŋɑnɔ Yennu buol, u yɑdɑ nɑ pɑɑk, l dɑɑnɔ sii mɔk mɔmɔnm mɑnfuol.»

Luonmtieb 10:12

Bɔktu kɑɑ Suifnbɑ nɑn bin nbɑ k tie Suifnbɑ sinsuuk ni, Yennu kuukuɑ nɑ e tie b kul Yonmdɑɑnɔ, k bin nbɑ kul mei’ɔ, u sonmt’b nɑn bulcintuk.

Luonmtieb 10:4

K mɑɑn, Yiesu tun k gbien Muois *senni nɑ wɑɑ. K mɔtɑɑnɑ, Yennu yi bin nbɑ tien *Klistu yɑdɑ nɑ niŋɑnm u buol ni.

Luonmtieb 2:1

L pɑɑk, fin nbɑ bu *ɑ luɑ buut nɑ, suklu kɑɑ ɑ pɑɑk, k mɑɑn fɑɑ bu ɑ luɑ buut nɑ, ɑ mun bu ɑ mɔnŋ mɔnŋ buut e k mɑɑn ɑ mun tuun nnɑ e.

Luonmtieb 3:30

k mɑɑn Yen-yenɔ kuɑ e be k sɑɑ yet ɑ Suifnbɑ nɑn bin nbɑ k tie Suifnbɑ nɑ, k b kul n tien niŋɑnm u tuɑnn b yɑdɑ tienu pɑɑk.

Luonmtieb 4:16

L pɑɑk, Yennu mɔsonn sie yɑdɑ nɑ pɑɑk e, ɑ lii tie piini nbɑ nyii Yennu buol kii biɑ kii tie Ablɑɑhɑɑnm yɑɑbuonɑ kul yɑl. L k tie bin nbɑ wɑɑ senni nɑ kuukuɑ yɑl kɑɑ, ŋɑɑn bin nbɑ kul tien Yennu yɑdɑ nɑn Ablɑɑhɑɑnm nbɑ din tien biɑnŋ nbɑ. Ablɑɑhɑɑnm e tie t kul ɑ bɑɑ,

Luonmtieb 8:1

Tɔn, mɔtɑɑnɑ Yennu kɑn bu k biil bin nbɑ be Yiesu *Klistu ni,

Luonmtieb 9:30

Tɔn, t sɑɑ yet nlee? Bin nbɑ k tie Suifnbɑ nɑ din k kol ɑ bin tien niŋɑnm Yennu buol, ŋɑɑn k Yennu yet ɑ b tie niŋɑnm u tuɑnn, b yɑdɑ nɑ pɑɑk,

1 Kuolent-tieb 12:13

Nnɑ e k t kul ɑ, *Suifnbɑ ɑmi bin nbɑ k tie Suifnbɑ, dɑɑbɑ ɑmi bin nbɑ yen b mɔnŋ, Foŋɑnm kuɑ wul t kul Yennu nyunwulu ɑ tii tie gbɑnɑn-yent k t kul ɑ biɑ nyuu Foŋɑnm mɑnŋ e.

1 Kuolent-tieb 4:7

Ŋmee tul’ɑ sɑɑkɑt ɑ lieb ni? Yennu kɑɑ tul’ɑ lin nbɑ kul k ɑ mɔk nɑ ɑɑ? Tɔn, lɑɑ tie bɑnnu nbɑ, bee tien k ɑ dont ɑ mɔnŋ, k l tie nɑn lin nbɑ k ɑ mɔk mɑnŋ k tie piini kɑɑ nɑ?

Gɑɑlɑɑt-tieb 2:16

k t mi nɑn sie k nilɔ n tien Yiesu Klistu yɑdɑ, ŋɑnn e sɑɑ te k Yennu n yet ɑ u tie niŋɑnɔ u buol. L k tie tɑɑ tuun senni nbɑ yɑɑ tii tuun lin nbɑ pɑɑk kɑɑ. L pɑɑk, t mɔnŋ mun tien Yiesu Klistu yɑdɑ, ɑ Yennu n yet ɑ t tie niŋɑnm u buol yɑdɑ mɑnŋ pɑɑk e, ŋɑɑn l k tie senni tuonɑ tumu pɑɑk kɑɑ. K mɑɑn Yennu kɑn yet ɑ suɑ tie niŋɑnɔ u buol senni mɑnŋ tuonɑ tumu pɑɑk.

Gɑɑlɑɑt-tieb 2:20

L pɑɑk, mɑnfuol nbɑ k n mɔk n gbɑnɑnt ni mɔtɑɑnɑ, n mɔk l mɑnfuol mɑɑ tien Yennu Bijɑ yɑdɑ nɑ e. Ŋuɑ din luon’n k din cɑb u mɑnfuol n pɑɑk.

Gɑɑlɑɑt-tieb 3:22

Ŋɑɑn l diɑn Yennu lolkpel kɑdɑɑɔk ni ɑ tingbounŋ kul sɑɑk be biit yiikuo ni e, ɑ Yennu n tul bin nbɑ tien yɑdɑ nɑ piini nbɑ k u din senn mɔsonn ɑ u sɑɑ tul’b nɑ. B yɑdɑ nɑn Yiesu Klistu nɑ pɑɑk e k u sɑɑ tul’b.

Gɑɑlɑɑt-tieb 3:28

L pɑɑk, bɔktu ji k be bin nbɑ tie Suifnbɑ nɑn bin nbɑ k tie Suifnbɑ sinsuuk ni, l biɑ k be bin nbɑ tie dɑɑbɑ nɑn yent-n-mɔnŋ dɑnm sinsuuk ni. Bɔktu biɑ k be puob nɑn jɑb sinsuuk ni. Yɑɑ be Yiesu Klistu ni nɑ pɑɑk e te k i kul ɑ tie yenɔ kuɑ.

Efestieb 3:12

Tɑɑ tien Klistu yɑdɑ k be u ni nɑ pɑɑk, sɔnu ji be k t sɑɑ fit bɑɑl Yennu buol ni nɑn pɑlcienn.

Fiiliiptieb 3:9

kii be u ni. N k tie niŋɑnɔ Yennu buol ni senni weiu nɑ pɑɑk kɑɑ, ŋɑɑn n tie niŋɑnɔ Yennu buol ni n yɑdɑ nɑn Klistu nɑ pɑɑk e. Yennu te k nilɔ tie niŋɑnɔ u buol ni wɑɑ tien yɑdɑ nɑ pɑɑk e.

Kuoluostieb 3:11

L pɑɑk, bɔktu ji kɑɑ bin nbɑ tie *Suifnbɑ nɑn bin nbɑ k tie Suifnbɑ sinsuuk ni. Bin nbɑ pot punɑ nɑn bin nbɑ k pot kul ɑ ji k mɔk bɔktu nɑn lieb. Bɔktu ji kɑɑ muuk ni niib nɑn duo ni yɑb sinsuuk ni. Bɔktu biɑ kɑɑ dɑɑbɑ nɑn yent-n-mɔnŋ dɑnm sinsuuk ni, ŋɑɑn Klistu kuukuɑ siɑn, k u be i kul ni.

Sɑɑk 2:23

Nnɑ e k lin nbɑ diɑn Yennu lolkpel kɑdɑɑɔk ni din tɑn tien mɔni ɑ: «Ablɑɑhɑɑnm din tien Yennu yɑdɑ, k l pɑɑk, k Yennu yɑɑ ɑ u tie niŋɑnɔ u buol,» k b din yi’u Yennu yuɑk.