Luonmtieb 2:5 - Yiesu Lɑbɑmɑnn Muɑl Ni

⁵ Ŋɑɑn ɑ pɑl wɑki k ɑ lek k sɑk nɑn fɑn mɔ kuɑŋɑɑn k lebt binbenŋ nɑ, l pɑɑk, ɑ puki ɑ mɔnŋ fɑlɑ nbɑ k ɑ tɑn sɑɑ lɑ dɑɑl nbɑ k Yennu wutuol nɑ tɑn sɑɑ nyi pɑɑnu, k u tɑn sɑɑ bu niib buut nɑn bɑlmɔni,

Luonmtieb 2:5 Iomraidhean Croise

Luonmtieb 1:18

Yennu wɑnn nifosɑɑli ɑ u donn wutuol b pɑɑk, k mɑɑn b tuun biit k k wɑɑ u sɔnu, k b biit sɔni mɑnŋ te k niib k bɑnt u bɑlmɔni.

Luonmtieb 11:25

N nɑɑ wɑɑs, n luon k yin bɑnn wuol ni lɑbɑɑl, ɑ i dɑɑ duki nɑn i tie yɑndɑnm e. L tie ɑ Suifnbɑ siɑb tie kɑngbɑtɑ e, k l sii be nnɑ e k tɑn bɑɑl yuo nbɑ k bin nbɑ k tie Suifnbɑ kul nbɑ k Yennu lukt’b nɑ, bin tɑn tien Yiesu yɑb.

Luonmtieb 9:22

Tɔn, Yennu din tun k luon wun wɑnn u wutuol k niib kul ɑ n bɑnn u yiikuo. Ŋɑɑn u din mɔk suklu nɑn bin nbɑ k u wutuol sɑɑ bɑɑl b pɑɑk k l bo jɑnŋ nɑn wun biil’b nɑ.

2 Kuolent-tieb 5:10

K mɑɑn t kul binbenŋ tɑn sɑɑ nyi pɑɑnu *Klistu tuɑnn po bɑlbudɑɑl, k suɑ kul tɑn sɑɑ gɑɑl lin nbɑ tie u yɑl e, nɑn u tuonɑ nbɑ din tie biɑnŋ nbɑ, yuo nbɑ k u din be u tingbounŋ nɑ gbɑnɑnt ni nɑ.

2 Tesɑɑluoniiktieb 1:5

Nɑ kul wɑnt nɑn Yennu nbɑ din senn nɑn wɑɑ sɑɑ tun bɑnnu nbɑ nɑ ŋɑn, k l pɑɑk i sɑɑ jɑnŋ nɑn yin kuɑ u nɑɑn nbɑ k i di fɑlɑ l pɑɑk nɑ ni.

Hebluonbɑ 3:13

Ŋɑɑn ii cien i lieb pɑlɑ dɑɑl n tuu dɑɑl, yuo kul nbɑ k Yennu mɑɑn be i sinsuuk ni k «dinnɑ» i suɑ dɑɑ nyɑl u tubɑ biit nbɑ tuu kpɑnn nilɔ nɑ pɑɑk.

Hebluonbɑ 3:15

Nnɑ e k b din diɑn Yennu lolkpel kɑdɑɑɔk ni ɑ: «I i gbɑt Yennu kunkɔl dinnɑ, i dɑɑ nyɑl i tubɑ nɑn yɑɑ din yet u mɔb yuo nbɑ nɑ.

Hebluonbɑ 4:7

L pɑɑk, k Yennu biɑ senn dɑliel k yi dɑɑl mɑnŋ «dinnɑ.» K binɑ bonciɑnn din gɑl, k Yennu din te k Dɑɑfiid yet l po nɑn tɑɑ ponŋ piɑk biɑnŋ nbɑ nɑ ɑ: «I i gbɑt Yennu kunkɔl dinnɑ, i dɑɑ nyɑl i tubɑ.»

Sɑɑk 5:3

I sɑlmɑ nɑn i likli nɑ kuɑ tintɑni wɑɑ, k tintɑni mɑnŋ wɑnt nɑn i tie biitdɑnm k l sɑɑ di i gbɑnɑnt nɑn muu nbɑ di biɑnŋ nbɑ nɑ. I tikl i mɔktuk mɔtɑɑnɑ, ŋɑɑn k tingbounŋ nɑ gbennu ji k fɔk.

2 Piɑl 2:9

Ŋɑnn e k Yonmdɑɑnɔ Yennu mi biɑnŋ nbɑ k u sɑɑ fɑt niib nbɑ tiin’ɔ, k nyinn’b muksuk ni, ŋɑɑn dɑt biitdɑnm tubɑ mɔkmɔk nɑn dɑɑl nbɑ k u tɑn sɑɑ bu b buut nɑ.

2 Piɑl 3:7

Ŋɑɑn ŋuɑ Yennu mɑɑn mɑnŋ e biɑ lek sii diɑ sɑnpɑɑk nɑn tinŋ nbɑ be mɔtɑɑnɑ nɑ mɔkmɔk nɑn yuo nbɑ k u tɑn sɑɑ te k l kul ɑ n di muu, k l dɑɑl u sɑɑ bu nitont buut k biil’b.

Suud 1:6

Ii tiɑn mɑlɑkɑɑnbɑ nbɑ din k diɑ yiikuo nbɑ k Yennu din tul’b nɑn l sɔnu, k biɑ din yɑɑt k nyik b binbebuol nɑ po. Yennu bɑɑn’m bɑnt nbɑ sii be nɑn yuo nbɑ kɑɑ gbennu nɑ k lu’b sɑlk buotsunsunŋ nbɑ bɔn ni, k guu dɑgbenŋl nbɑ k u sɑɑ bu b buut nɑ.

Fiitu 2:21

N tul’ɔ yuo ɑ wun mɔ kuɑŋɑɑn k lebt binbenŋ k nyik u cunconsn, ŋɑɑn u k sɑɑk.

Fiitu 6:17

k mɑɑn wun nbɑ kɑl nɑɑngbounŋ nɑ pɑɑk nɑ nɑn Pebik nɑ wutuol dɑgbenŋl dɑɑl mɑnŋ bɑɑl nɑ, k suɑ kɑɑ k sɑɑ set b wutuol mɑnŋ tuɑnn po.»